१ शमूएल 12:8 - नेवाः बाइबल

⁸ “याकूब मिश्र देशय् वने धुंकाः इमिसं ग्‍वाहालिया निंतिं परमप्रभुयात प्रार्थना यात। अथे हे वय्‌कलं मोशा व हारूनयात मिश्र देशय् छ्वयाः छिमि पुर्खातय्‌त अनं पित हयादिल अले थ्‍व थासय् तयादिल।

१ शमूएल 12:8 ပူးပေါင်းရင်းမြစ်များ

भजनसंग्रहया सफू 105:44

वय्‌कलं इमित मेमेगु जातियापिनिगु जमिन बियादिल, अले इमिसं मेमेगु जातियापिन्‍सं मेहनत याःगुया फल थःगु अधिकारय् काल।

प्रस्‍थान 12:51

परमप्रभुं उखुन्‍हु हे इस्राएलीतय्‌त इमिगु पुचः पुचः यानाः मिश्र देशं पितहयादिल।

प्रस्‍थान 6:26

परमप्रभुं इस्राएलीतय्‌त पुचः पुचः यानाः मिश्रं पित हजि धकाः उजं बियादीपिं हारून व मोशा थुपिं हे खः।

गन्‍ती 20:15

जिमि पुर्खात मिश्र देशय् वंगु खः। अले जिपिं ताःई तक मिश्र देशय् च्‍वना। मिश्रीतय्‌सं जिपिं व जिमि पुर्खालिसें बांमलाःगु व्‍यवहार यात।

प्रेरित 7:15

याकूब फुक्‍कसित ब्‍वनाः मिश्र देशय् च्‍वंवन। याकूब व झी तापाःबाज्‍यापिं नं अन हे सित।

यहोशू 1:6

बल्‍ला व साहसी जु! छाय्‌धाःसा जिं इमि पुर्खातय्‌त बी धकाः पाफयागु देश इमिगु अधिकारय् हयेत छ हे इमि न्‍ह्यलुवाः जुइ।

यहोशू 21:43

थुकथं परमप्रभुं इमि पुर्खातलिसे बी धकाः पाफयादीगु फुक्‍क देश इस्राएलीतय्‌त बियादिल। अले इमिसं व देश अधिकार यानाः अन च्‍वन।

१ शमूएल 10:18

अले इस्राएलया मनूतय्‌त वं धाल, परमप्रभुं इस्राएलया परमेश्‍वरं थथे धयादी, “जिं इस्राएलीतय्‌त मिश्र देशं छुत्‍कारा यानाः हया। इमित दुःख बीपिं मिश्रीतय्‌त व फुक्‍क राज्‍यपाखें जिं इमित मुक्त यानाबिया।

१ शमूएल 12:6

शमूएलं मनूतय्‌त धाल, “मोशा व हारूनयात ल्‍ययादीम्‍ह अले छिमि पुर्खातय्‌त मिश्र देशं पितः हयादीम्‍ह परमप्रभु हे खः।