१ शमूएल 12:4 - नेवाः बाइबल

⁴ इमिसं लिसः बिल, “छिं जिमित ध्‍वंलाःगु मदु। छिं जिमित क्‍वत्‍यलादीगु मदु। छिं सुं मनूपाखें छुं कयादीगु मदु।”

१ शमूएल 12:4 ပူးပေါင်းရင်းမြစ်များ

दानिएल 6:4

थथे जूगुलिं मेपिं निम्‍ह मन्‍त्रीत व प्रान्‍तयापिं बडा-हाकिमतय्‌सं सरकारी ज्‍याय् दानिएलयागु दोष मालेगु याना हल। तर इमिसं वं छुं मखुगु ज्‍या याःगु लुइके मफुत, छाय्‌धाःसा व विश्‍वास याये बहःम्‍ह मनू खः, व लाः लाः थें यानाजुइम्‍ह मनू मखु।

हिब्रू 11:33

विश्‍वासं हे इमिसं देश देश त्‍याका काल। विश्‍वासं हे इमिसं बांलाक राज्‍य याना वन, अले विश्‍वासं हे परमेश्‍वरं बी धकाः धयादीगु काये खन। विश्‍वासं हे इमिसं सिंहतय्‌गु म्‍हुतुप्‍वाः तिकल।

३ यूहन्‍ना 1:12

फुक्‍क मनूतय्‌सं डेमेत्रियसयात भिं धकाः धाः। अले हानं वयागु चालचलनं नं व भिंम्‍ह मनू खः धकाः सीका धायेफु। व भिंम्‍ह मनू खः धकाः जिं नं धायेफु। जिं धयागु खँ सत्‍य खः धकाः छं स्‍यू।

१ शमूएल 12:3

जि थन हे दु। छिमि सुयां जिगु विरोधय् छुं धाये मास्‍ति वःसा थन परमप्रभु व वय्‌कलं ल्‍ययादीम्‍ह जुजुया न्‍ह्यःने हे धा। जिं सुयागुं द्वहं कयागु दु ला? जिं सुयागुं गधा कयागु दु ला? जिं सुयातं ध्‍वंलानागु दु ला? जिं सुयागुं दोष सुचुका घुस नयागु दु ला? जितः धा, जिं वयात पलेसा पुलाबी।”

१ शमूएल 12:5

अले शमूएलं इमित धाल, “छिकपिन्‍सं जिगु ल्‍हातय् छुं दोष खंगु मदु धकाः परमप्रभु व वय्‌कलं अभिषेक यानादीम्‍ह जुजु थौं साक्षी दु।” अले इमिसं लिसः बिल, “खः, परमप्रभु हे साक्षी खः।”