१ शमूएल 12:3 - नेवाः बाइबल

³ जि थन हे दु। छिमि सुयां जिगु विरोधय् छुं धाये मास्‍ति वःसा थन परमप्रभु व वय्‌कलं ल्‍ययादीम्‍ह जुजुया न्‍ह्यःने हे धा। जिं सुयागुं द्वहं कयागु दु ला? जिं सुयागुं गधा कयागु दु ला? जिं सुयातं ध्‍वंलानागु दु ला? जिं सुयागुं दोष सुचुका घुस नयागु दु ला? जितः धा, जिं वयात पलेसा पुलाबी।”

१ शमूएल 12:3 ပူးပေါင်းရင်းမြစ်များ

२ शमूएल 22:22

छाय्‌धाःसा जि परमप्रभुया लँय् जुयाच्‍वनागु दु। अले जि जिम्‍ह परमेश्‍वरपाखें गुबलें नं फहिलामवना।

नहेम्‍याह 5:11

थौं हे इमिगु बुँ, दाखक्‍यब व जैतूनया क्‍यब व छेँ इमित लितब्‍यु। छिमिसं इमित धिबा, अन्‍न, न्‍हूगु दाखमद्य, चिकं त्‍यासा ब्‍यूबलय् इमिके काःगु ब्‍याज नं लितब्‍यु।”

भजनसंग्रहया सफू 15:5

गुम्‍हय्‌सिनं ब्‍याज मकासे त्‍यासाबी। अले सुनां घुस कयाः दोष मदुपिं मनूतय्‌गु विरोधय् बयान बी मखु। थज्‍याःपिं मनूत गुबलें नं लिचिले माली मखु।

प्रस्‍थान 20:17

“थः जःलाखःलाया छेँय्, कलाः, च्‍यःभ्‍वातिं, द्वहं, गधा व छुं खँय् नं ल्‍वःवंके मते।”

प्रस्‍थान 22:4

खुया यंकूम्‍ह द्वहं, गधा वा फै म्‍वाःम्‍ह हे लुल धाःसा खुं निदुगं अप्‍वः द्वहं वा गधा पुलेमाः।

प्रस्‍थान 23:8

“घुस नये मते छाय्‌धाःसा घुसं मनूतय्‌त कां यानाबी, अले खःगु खँयात अःखः यानाबी।

हितोपदेश 15:27

मभिंगु ज्‍या यानाः मुंकूगु कमाइनं छेँय् संकट हइ। घुस काये मते, अले छ यक्‍व म्‍वाइ।

लेवी 6:4

व दोषी थहरय् जूगु दु। वं थःत तयेबियातःगु वस्‍तु, दि तय्‌कातःगु वस्‍तु, खुयातःगु वस्‍तु, झंगः लानाः कयातःगु वस्‍तु, तंगु लुइकाहःगु वस्‍तु,

लेवी 6:5

वा मखुगु पाः फयातःगु खँया न्‍याब्‍वय् छब्‍व अप्‍वः तनाः पलेसा पुलेमाः। वं दोषबलि बीखुन्‍हु थ्‍व फुक्‍क थुकिया थुवाःयात पुलेमाः।

गन्‍ती 16:15

अले मोशां तसक्‍कं तंचायाः परमप्रभुयात धाल, “इमिगु देछा नाला कयादी मते! जिं इमिके छम्‍ह गधा तक नं कयागु मदु, न जिं इमिगु छुं स्‍यंकागु दु।”

मत्ती 22:21

इमिसं “कैसरयागु” धकाः लिसः बिल। अले वय्‌कलं धयादिल – “अय्‌सा कैसरयागु कैसरयात हे ब्‍यु, परमेश्‍वरयागु परमेश्‍वरयात हे ब्‍यु।”

लूका 19:8

जखायसं प्रभुयात धाल – “स्‍वयादिसँ प्रभु, जिं जिगु बच्‍छि सम्‍पत्ति नये मखंपिन्‍त इनाबी। अले जिं सुयागुं थगय् यानाः कयातयागु दुसा, वयात प्‍यदुगं अप्‍वः तनाबी।”

प्रेरित 20:33

“स्‍वयादिसँ, जिं सुयाकें धिबा व वसः फ्‍वनागु मदु।

२ कोरिन्‍थी 12:14

जि छिमिथाय् हानं वयेत्‍यनागु दु। जि वयागु थ्‍वनापं स्‍वकः जुइ। छिमिके जिं छुं हे काये मखु। छिमिगु धिबा जितः माःगु मदु, जितः माःपिं ला छिपिं हे खः। मस्‍तय्‌सं मांबौया लागि धन मुंकातये म्‍वाः, मां बौपिन्‍सं जक मस्‍तय्‌गु लागि मुंकेगु याइ।

व्‍यवस्‍था 16:19

इमिसं सुयागु पंलिनाः ज्‍या मयायेमाः। घुस मनयेमाः छाय्‌धाःसा घुसं मनूतय्‌त कां यानाबी अले भिंम्‍ह मनूया बचंयात हीकाबी।

१ थेसलोनिकी 2:10

छिपिं साक्षी हे दु, विश्‍वासीतय्‌गु न्‍ह्यःने जिमिसं पवित्रकथं, धार्मिकताकथं व छुं दोष मदय्‌क गुलि बांलाक व्‍यवहार यानाः छिमिसं सि हे स्‍यू, अले परमेश्‍वरं नं स्‍यू।

१ थेसलोनिकी 2:5

छिमिसं सि हे स्‍यू, जिमिसं छिमिके ह्यय्‌का कायेत स्‍वयागु नं मदु, अले न छुं काये दइ धकाः हे जिमिसं लोभ यानागु दु। परमेश्‍वर साक्षी दु।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।

१ शमूएल 10:1

शमूएलं छथल चिकं कयाः शाऊलया छेनय् प्‍वंकाबिल, अले वयात चुप्‍पा नयाः धाल, “परमप्रभुं छितः थः प्रजा इस्राएलीतय् जुजु अभिषेक यानादीगु दु।

१ शमूएल 12:4

इमिसं लिसः बिल, “छिं जिमित ध्‍वंलाःगु मदु। छिं जिमित क्‍वत्‍यलादीगु मदु। छिं सुं मनूपाखें छुं कयादीगु मदु।”

१ शमूएल 12:5

अले शमूएलं इमित धाल, “छिकपिन्‍सं जिगु ल्‍हातय् छुं दोष खंगु मदु धकाः परमप्रभु व वय्‌कलं अभिषेक यानादीम्‍ह जुजु थौं साक्षी दु।” अले इमिसं लिसः बिल, “खः, परमप्रभु हे साक्षी खः।”

१ शमूएल 2:35

जिं जिगु निंतिं छम्‍ह विश्‍वास याये बहःम्‍ह पुजाहारी ल्‍यये। वं हे जिगु मनय् व नुगलय् च्‍वंगु खँकथं याइ। जिं वया परिवारयात थापं याये अले वं हे जिं जुजु अभिषेक यानाम्‍ह मनूया न्‍ह्यःने सदां सेवा याइ।

१ शमूएल 24:11

स्‍वयादिसँ! हनेबहःम्‍ह अबु, जिगु ल्‍हातय् दुगु थ्‍व छिगु हे गाया कुचा खः। स्‍वयादिसँ! जिं व जक चाना, छितः मस्‍याना। थुकिं हे छिसं सीकादिसँ, छिगु विरोधय् विद्रोह यायेगु अले छितः मभिं यायेगु नं मति मतया। जिं छिगु छुं हे मभिं मयाना। अय्‌नं छिं जितः स्‍यायेत लिनाजुल।

१ शमूएल 24:6

अले वं थः मनूतय्‌त धाल, “परमप्रभुं जुजु अभिषेक यानादीम्‍ह जिम्‍ह मालिकयात जिं थःगु ल्‍हाः ल्‍ह्वने म्‍वालेमा। परमप्रभुं हे बचय् यानादीमा छाय्‌धाःसा व परमप्रभुया अभिषेक जूम्‍ह खः। जिं वयागु छुं भतिचा नं हानि याये म्‍वालेमा।”

१ शमूएल 24:7

अले दाऊदं थः मनूतय्‌त “शाऊलयात हमला याये मते” धकाः पन। शाऊल दनाः गुफां पिहां वयाः थःगु लँपु जुयावन।

१ शमूएल 26:11

तर जिं परमप्रभुया अभिषेक जूम्‍हय्‌सिया विरोधय् गुबलें ल्‍हाः ल्‍ह्वने म्‍वालेमा। झीसं वया छ्यं लिक्‍क दुगु भाला व आम्‍खुरा ज्‍वनाः वनेनु।”

१ शमूएल 26:9

तर दाऊदं वयात धाल, “जुजुयात स्‍याये मते। परमप्रभुया अभिषेक जूम्‍हय्‌सित ल्‍हाः ल्‍ह्वंम्‍ह सु जक दोषी मजूगु दु?”