१ शमूएल 12:18 - नेवाः बाइबल

¹⁸ अथे जुयाः शमूएलं परमप्रभुयात इनाप यात, अले उखुन्‍हु हे परमप्रभुं नँ न्‍याःगु सः व वा वय्‌कादिल। अनंलि फुक्‍क मनूत परमप्रभु व शमूएल खनाः तसकं ग्‍यात।

१ शमूएल 12:18 ပူးပေါင်းရင်းမြစ်များ

१ राजा 18:42

आहाब नयेत त्‍वनेत वन, एलिया धाःसा कर्मेल डाँडाया च्‍वकाय् थाहां वन। अन वं बँय् क्‍वछुनाः थःगु छ्यं पुलिया दथुइ तल।

एज्रा 10:9

स्‍वन्‍हुया दुने, गुंगूगु लाया निइन्‍हुखुन्‍हु यहूदा व बेन्‍यामीनया सकलें मनूत यरूशलेमय् मुन। सकलें मनूत थ्‍व तःधंगु घटनां यानाः दुखी जुयाः अले तसकं वा वयाः चिकुसे च्‍वंगुलिं थुरथुर खानाः परमप्रभुया देगःया न्‍ह्यःने चुकय् च्‍वनाच्‍वन।

अय्‍यूब 37:13

परमेश्‍वरं मनूतय्‌त नाश यायेत, पृथ्‍वीयात प्‍याकेत व थःगु सदां दयाच्‍वनीगु दयामाया क्‍यनेत नं परमेश्‍वरं वा वय्‌कादी।

भजनसंग्रहया सफू 99:6

मोशा व हारून वय्‌कःया पुजाहारीत खः, अले वय्‌कःया नां कयाः प्रार्थना याइम्‍ह छम्‍ह शमूएल खः। इमिसं परमप्रभुयात ग्‍वाहालिया निंतिं इनाप यात, अले वय्‌कलं इमित लिसः बियादिल।

प्रस्‍थान 14:31

अले इस्राएलीतय्‌सं परमप्रभुं मिश्रीतय्‌गु विरोधय् क्‍यनादीगु तःधंगु शक्ति खनाः परमप्रभुयागु ग्‍याःभय काल। अले परमप्रभु व वय्‌कःया च्‍यः मोशायात पत्‍याः यात।

यहोशू 10:12

परमप्रभुं एमोरीतय्‌त इस्राएलीतय्‌गु ल्‍हातय् बियादीखुन्‍हु यहोशूं इस्राएलीतय्‌गु न्‍ह्यःने परमप्रभुयात प्रार्थना यानाः धाल, “हे सूर्य, छ गिबोनया च्‍वय्, हे तिमिला, छ धाःसा अय्‌यालोनया ब्‍यासिया च्‍वय् दिना च्‍वँ।”

यहोशू 4:14

उखुन्‍हु हे इस्राएलीतय्‌गु न्‍ह्यःने परमप्रभुं यहोशूयात तःधंकल। इमिसं वयात मोशायात थें हे वयागु जिवंकाछि हनाबना यात।