१ शमूएल 11:7 - नेवाः बाइबल

⁷ अले वं छज्‍वः द्वहं कयाः कुचा कुचा जुइक पालाः व कुचात कयाः खबर यायेत वःपिं मनूतय्‌त बियाः इस्राएल देय्‌न्‍यंक थथे धकाः खबर छ्वत, “सु सु शमूएल व शाऊलया ल्‍यूल्‍यू लडाइँ यायेत वइ मखु इमि द्वहंयात नं थथे हे यायेगु जुइ।” अले मनूतय्‌सं परमप्रभुया भय काल व इपिं फुक्‍क छप्‍पँ जुयाः पिहां वल।

१ शमूएल 11:7 ပူးပေါင်းရင်းမြစ်များ

उत्‍पत्ति 35:5

इपिं अनं वँसेंलि परमेश्‍वरं इमिगु जवंखवं च्‍वंगु शहरयात ग्‍याःचिकुं भुनाबिल। अले सुनानं याकूब व वया मनूतय्‌त लीमफुत।

२ इतिहास 14:14

इमिसं गरारया जःखः च्‍वंगु फुक्‍क शहरयात नाश यानाबिल। अन च्‍वंपिं मनूतय्‌त परमप्रभुं ख्‍यानादीगु खः। उपिं शहरय् मू वंगु सामान दुगुलिं इमिसं उपिं फुक्‍क शहरयात लुतय् यात।

२ इतिहास 17:10

यहूदाया जःखः च्‍वंगु फुक्‍क देश परमप्रभुलिसें ग्‍यात। उकिं इमिसं यहोशापात जुजुलिसें लडाइँ मयाः।

२ इतिहास 19:7

उकिं आः छिमिसं परमप्रभुया भय कायेमा। होसियार जुयाः थ्‍व ज्‍या या, छाय्‌धाःसा परमप्रभु छिमि परमेश्‍वरं अन्‍याय, सुयागुं पं काःगु व घुस नःगु सह यानादी मखु।”

यशैया 8:13

दक्‍व शक्ति दुम्‍ह परमप्रभुयात पवित्र भाःपियेमाः। वय्‌कःया भय का। वय्‌कः खनाः थरथर खा।

न्‍यायकर्ता 19:29

छेँ थ्‍यनेधुंकाः वं छपु छुरि काल। थः मथ्‍याःम्‍ह कलाःया सीम्‍हयात कुचा कुचा यानाः ध्‍यन। उकिं झिंनिप्‍वः चिनाः इस्राएलया प्‍यखेरं छ्वयाबिल।

न्‍यायकर्ता 20:1

अले उत्तरय् दानंनिसें दच्‍छिनय् बेर्शेबातक व पुर्बय् गिलादंनिसें सकलें इस्राएलीत पिहां वल। इपिं छप्‍पँ जुयाः परमप्रभुया न्‍ह्यःने मिस्‍पाय् मुन।