१ शमूएल 11:6 - नेवाः बाइबल

⁶ शाऊलं थ्‍व खँ न्‍यंबलय् परमेश्‍वरया आत्‍माया शक्ति वयाके वल अले व तसकं तंम्‍वल।

१ शमूएल 11:6 ပူးပေါင်းရင်းမြစ်များ

प्रस्‍थान 32:19

मोशां छाउनी न्‍ह्यः वयेवं द्वहंचा व प्‍याखं हुलाच्‍वंगु खनाः तसकं तं पिकाल। अले वं ल्‍वहंपौत गुँया क्‍वय् वान्‍छ्वयाः तछ्यानाबिल।

गन्‍ती 12:3

मोशा क्‍वमिलुम्‍ह मनू खः, व थें क्‍वमिलुम्‍ह मनू पृथ्‍वीइ सुं हे मदु।

मर्कूस 3:5

इमिगु नुगः छाःगु खनाः नुगः मछिंकाः तमं इमिथाय् मिखा ब्‍वयाः व मनूयात धयादिल – “ल्‍हाः तप्‍यंकी।” अले वं ल्‍हाः तप्‍यंकल। थथे गंगु ल्‍हाः लाल।

एफिसी 4:26

छिमिसं तं पिहां वइबलय् तमय् छुं कथंया पाप याये मते। निभाः बी न्‍ह्यः हे छिमिगु तं क्‍वलायेमाः!

न्‍यायकर्ता 11:29

अले परमप्रभुयागु आत्‍मा यिप्‍तायाके वल, अले व गिलाद व मनश्‍शे जुयाः गिलादया मिस्‍पां दुहां वनाः अम्‍मोनीतलिसें ल्‍वायेत न्‍ह्यज्‍यात।

न्‍यायकर्ता 13:25

अले परमप्रभुया आत्‍मां वयात सोरा व एश्‍तोलया दथुइच्‍वंगु महनेह-दान धाइगु थासय् ब्‍वलंकल।

न्‍यायकर्ता 14:6

उघ्रिमय् हे परमप्रभुयागु आत्‍मां शिमशोनयात बल बिल। अले वं ल्‍हातय् छुं मदुसां व सिंहयात छम्‍ह दुगुचाया मचायात थें कुचा कुचा यानाबिल। तर थःम्‍हं यानागु खँ वं थः मां बौयात मकं।

न्‍यायकर्ता 15:14

शिमशोन लहीइ थ्‍यंबलय् हे पलिश्‍तीत ततःसलं हालाः वपाखे ब्‍वाँय् वल। उघ्रिमय् हे परमप्रभुयागु आत्‍मां वयात बल बिल। वयागु ल्‍हातय् दुगु खिपः मिं च्‍याःगु अजिल स्‍वां थें जुल। वयात चिनातःगु खिपः चबुत।

न्‍यायकर्ता 3:10

वयाके परमप्रभुयागु आत्‍मा दुबिल, अले व इस्राएलीतय् न्‍यायकर्ता जुयाः लडाइँलय् वन। परमप्रभुं अरामया जुजु कूशन-रिशातैमयात ओत्‍निएलया ल्‍हातय् बियादिल। वं कूशन-रिशातैमयात बुकल।

न्‍यायकर्ता 6:34

अले परमप्रभुयागु आत्‍मा गिदोनयाके वल। तुरही पुयाः अबीएजर वंशया मनूतय्‌त थःगु ल्‍युने वयेत गिदोनं सःतल।

१ शमूएल 10:10

इपिं गिबाय् थ्‍यनेवं अन अगमवक्तातय्‌गु छपुचः क्‍वहां वयाच्‍वंगु खः। अले परमेश्‍वरया आत्‍मा तुरुन्‍त हे वयाके वल अनंलि इपिं नापंतुं अगमवाणी ल्‍हायेगु शुरु यात।

१ शमूएल 10:6

अनंलि परमप्रभुया आत्‍माया शक्ति छिके वइ अले छिं नं इपिं नापनापं अगमवाणी ल्‍हानादी अले छितः मेम्‍ह मनूकथं दय्‌कादी।

१ शमूएल 16:13

शमूएलं नेकुलिं चिकं कयाः वया दाजुपिनिगु न्‍ह्यःने हे वयात अभिषेक यात। उखुन्‍हुनिसें परमप्रभुया आत्‍मा दाऊदयाके वल। अनंलि शमूएल दनाः रामाया लँपु जुयाः वन।

१ शमूएल 16:14

परमप्रभुया आत्‍मां शाऊलयात त्‍वःतल, अले परमप्रभुं सास्‍ती बीगु आत्‍मा छ्वयाहयाः वयात तच्‍वकं सह याये मफय्‌क कसाः यात।