१ शमूएल 11:1 - नेवाः बाइबल

¹ अम्‍मोनी जुजु नाहाशं याबेश-गिलादयात हमला यानाः घेरय् यात। याबेशया मनूतय्‌सं नाहाशयात धाल, “जिपिंनापं सन्‍धि यानादिसँ अले जिपिं नं छिकपिनि प्रजा जुइ।”

१ शमूएल 11:1 ပူးပေါင်းရင်းမြစ်များ

उत्‍पत्ति 26:28

इमिसं धाल, “जिमिसं सिल, परमप्रभु छिलिसे दी। उकिं आः झी दथुइ छगू सन्‍धि याये। झीसं पाफयाः छगू थज्‍याःगु सन्‍धि याये।

२ शमूएल 10:1

छुं ई लिपा अम्‍मोनयाम्‍ह जुजु नहाश सित, अले वया काय् हानून जुजु जुल।

२ शमूएल 10:2

दाऊद जुजुं धाल, “जिं हानूनयात हनाबना यायेमाः छाय्‌धाःसा वया बौ नाहाशं जितः न्‍ह्याबलें हनाबना याःगु खः।” उकिं वं बिचाः हनाः दूततय्‌त खबर बियाः छ्वल। तर दाऊदया दूतत अम्‍मोनय् थ्‍यंबलय्

२ शमूएल 17:27

दाऊद महनोमय् थ्‍यंकः वःबलय् अम्‍मोनितय्‌ रब्‍बाय् च्‍वनीम्‍ह नाहाशया काय् शोबी, लो-देबारय् च्‍वनीम्‍ह अम्‍मीएलया काय् माकीर व रोगलीमय् च्‍वनीम्‍ह गिलादी बर्जिल्‍लैनं

२ शमूएल 2:5

अनंलि वं इमित थ्‍व खबर छ्वल, “छिमिसं थः मालिक शाऊलप्रति क्‍यंगु भक्ति व वय्‌कःयाम्‍ह थुनाब्‍यूगुलिं परमप्रभुं छिमित आशिष बियादीमा।

१ राजा 20:34

बेन-हददं धाल, “जिमि बौनं छिकपिनि बौपाखें काःगु शहरत जिं छितः लितबी। जिमि बौनं सामरियाय् याःगु थें छिं नं दमस्‍कसय् ब्‍यापार यायेगुथाय् चाय्‌कादिसँ।” आहाबं धाल, “छं छगू सन्‍धि यात धाःसा जिं छन्‍त त्‍वःताबी।” उकिं वं वलिसें छगू सन्‍धि यात, अले वयात वनेबिल।

१ इतिहास 10:11

पलिश्‍तीतय्‌सं शाऊलयात छु छु याःगु व फुक्‍क खँ याबेश-गिलादयापिं मनूतय्‌सं न्‍यन।

१ इतिहास 10:12

अले इमि वीर वीर मनूत शाऊल व वया काय्‌पिनिगु सीम्‍ह काःवन। इमिसं इमिगु सीम्‍ह याबेशय् हयाः अन स्‍वसिमाया क्‍वय् थुनाबिल। अले इपिं न्‍हय्‌न्‍हु तक छुं मनसें दुखं च्‍वन।

अय्‍यूब 41:4

व सदां छिम्‍ह दास जुयाच्‍वने धकाः छु! वं छलिसें बाचा चिनी ला?

प्रस्‍थान 23:32

“छिमिसं इपिं नापं अले इमि द्यःत नापं स्‍वापु तये मते।

यशैया 36:16

“हिजकियायागु खँ न्‍यने मते। अश्‍शूरयाम्‍ह महाराजं थथे धयादी – छिपिं जिनापं मिलय् जूवःसा अले पिहां वयाः जिथाय् वःसा, छिपिं फुक्‍कसिनं थथःगु दाखमाया फल व यःमरिमाया फल नयेखनी, अले थथःगु तुंपाखें लः त्‍वनेखनी।

यर्मिया 40:11

बेबिलोनयाम्‍ह जुजुं यहूदाया मनूतय् छुं मनूत त्‍वःताथकूगु दु व शापानया छय्, अहीकामया काय् गदल्‍याहयात बडाहाकिम ल्‍यःगु दु धयागु खँ मोआबय्, अम्‍मोनय्, एदोमय् व मेमेगु देशय् दुपिं यहूदीतय्‌सं न्‍यन।

यर्मिया 40:14

इमिसं वयात थथे धाल, “छितः स्‍यायेत अम्‍मोनीतय् जुजु बालीसं नतन्‍याहया काय् इश्‍माएलयात छ्वयाहःगु दु।” तर अहीकामया काय् गदल्‍याहं व खँ पत्‍याः मयात।

इजकिएल 17:13

वं जुजुया वंशयापिं मध्‍ये छम्‍हय्‌सित कयाः वयात पाफय्‌काः वलिसें सन्‍धि यात। अले देशयापिं मू मू मनूतय्‌त वं यंकल।

व्‍यवस्‍था 23:3

अम्‍मोनी वा मोआबी परमप्रभुया मुँज्‍याय् दुहां वने दइ मखु। झिगू पुस्‍ता तक इमि सुं नं सन्‍तान परमप्रभुया मुँज्‍याय् दुहां वने दइ मखु।

न्‍यायकर्ता 10:7

अथे जुयाः परमप्रभु इस्राएल खनाः तंचायादिल। अले वय्‌कलं इमित पलिश्‍तीत व अम्‍मोनीतय्‌गु ल्‍हातय् मियादिल।

न्‍यायकर्ता 11:4

छुं ई लिपा अम्‍मोनीतय्‌सं इस्राएलीतलिसें लडाइँ याःबलय्

न्‍यायकर्ता 21:8

अले इमिसं हानं न्‍यन, “इस्राएलया कुल मध्‍ये गुगु कुल मिस्‍पाय् परमप्रभुयाथाय् मवः?” इमिसं याबेश-गिलादं सुं नं सभाया निंतिं छाउनीइ मवःगु धइगु खँ सीकल।

१ शमूएल 12:12

“अनंलि अम्‍मोनीतय् जुजु नाहाश छिमित हमला यायेत वयाच्‍वंगु छिमिसं खंबलय् परमप्रभु छिमि परमेश्‍वर हे छिमि जुजु जुयादीगु जूसां छिमिसं जितः धाल, ‘मखु, जिमित शासन यायेत छम्‍ह जुजु माल।’

१ शमूएल 14:47

शाऊलं इस्राएलय् शासन यानाच्‍वंबलय् वं प्‍यखेरं च्‍वंपिं शत्रुतनापं लडाइँ यात। वं मोआबीत, अम्‍मोनीत, एदोमीत, सोबाया जुजुपिं व पलिश्‍तीतनापं लडाइँ यात। गन गन वं लडाइँ यात अन अन वं इमित बुकल।