१ शमूएल 10:6 - नेवाः बाइबल

⁶ अनंलि परमप्रभुया आत्‍माया शक्ति छिके वइ अले छिं नं इपिं नापनापं अगमवाणी ल्‍हानादी अले छितः मेम्‍ह मनूकथं दय्‌कादी।

१ शमूएल 10:6 ပူးပေါင်းရင်းမြစ်များ

गन्‍ती 11:17

जिं कुहां वयाः छनापं खँ ल्‍हाये। छंके दुगु छुं छुं आत्‍मा कयाः इमिके तयाबी। अले इमिसं नं मनूतय्‌गु कु क्‍वबी, छ याकःचां जक क्‍वबी माली मखु।

गन्‍ती 11:25

अले परमप्रभु सुपाँचय् कुहां झायाः व नापं खँ ल्‍हानादिल। परमप्रभुं मोशायाके दुगु आत्‍मां छुं छुं आत्‍मा कयाः न्‍हयेम्‍ह थकालितय्‌के तयाबिल। इमिके आत्‍मा वयेवं इमिसं अगमवाणी यात, तर हानं लिपा गुबलें अथे मयाः।

गन्‍ती 11:26

एल्‍दाद व मेदाद नांयापिं निम्‍ह मनूत थकालितय्‌गु धलखय् दुथ्‍यानाः नं मेपिं थकालित मुनाच्‍वंगु पालय् मवंसें छाउनीइ हे च्‍वनाच्‍वंगु जुयाच्‍वन। अथे जूसां आत्‍मा इमिके जूवयाः इमिसं छाउनीइ हे अगमवाणी यात।

गन्‍ती 11:29

मोशां वयात धाल, “जिगु लागि छ नुगः मुइकीम्‍ह जुइ धुनागु ला? परमप्रभुया फुक्‍क मनूत अमगवक्ता जूगु जूसा अले परमप्रभुं इपिं फुक्‍कसिके थःगु आत्‍मा तयादीगु जूसा गुलि बांलाइगु खः।”

मत्ती 7:22

न्‍याय याइखुन्‍हु यक्‍वसिनं जितः थथे धाइ – ‘प्रभु, प्रभु, छिगु नामं जिमिसं अगमवाणी कना मवया ला? छिगु हे नामं भूत दुबिना च्‍वंपिं मनूतय्‌त लाय्‌का मवया ला? अले छिगु हे नामं यक्‍व हे अजू चायापुगु ज्‍या मयाना ला?’

न्‍यायकर्ता 14:6

उघ्रिमय् हे परमप्रभुयागु आत्‍मां शिमशोनयात बल बिल। अले वं ल्‍हातय् छुं मदुसां व सिंहयात छम्‍ह दुगुचाया मचायात थें कुचा कुचा यानाबिल। तर थःम्‍हं यानागु खँ वं थः मां बौयात मकं।

न्‍यायकर्ता 15:14

शिमशोन लहीइ थ्‍यंबलय् हे पलिश्‍तीत ततःसलं हालाः वपाखे ब्‍वाँय् वल। उघ्रिमय् हे परमप्रभुयागु आत्‍मां वयात बल बिल। वयागु ल्‍हातय् दुगु खिपः मिं च्‍याःगु अजिल स्‍वां थें जुल। वयात चिनातःगु खिपः चबुत।

न्‍यायकर्ता 3:10

वयाके परमप्रभुयागु आत्‍मा दुबिल, अले व इस्राएलीतय् न्‍यायकर्ता जुयाः लडाइँलय् वन। परमप्रभुं अरामया जुजु कूशन-रिशातैमयात ओत्‍निएलया ल्‍हातय् बियादिल। वं कूशन-रिशातैमयात बुकल।

१ शमूएल 10:10

इपिं गिबाय् थ्‍यनेवं अन अगमवक्तातय्‌गु छपुचः क्‍वहां वयाच्‍वंगु खः। अले परमेश्‍वरया आत्‍मा तुरुन्‍त हे वयाके वल अनंलि इपिं नापंतुं अगमवाणी ल्‍हायेगु शुरु यात।

१ शमूएल 10:9

अनंलि शाऊल शमूएलपाखें बिदा जुयाः वन, अले परमेश्‍वरं वयागु मन न्‍हूगु यानादिल। उखुन्‍हु हे शमूएलं धाःगु फुक्‍क चिं छुं हे मपाक पूवन।

१ शमूएल 11:6

शाऊलं थ्‍व खँ न्‍यंबलय् परमेश्‍वरया आत्‍माया शक्ति वयाके वल अले व तसकं तंम्‍वल।

१ शमूएल 16:13

शमूएलं नेकुलिं चिकं कयाः वया दाजुपिनिगु न्‍ह्यःने हे वयात अभिषेक यात। उखुन्‍हुनिसें परमप्रभुया आत्‍मा दाऊदयाके वल। अनंलि शमूएल दनाः रामाया लँपु जुयाः वन।

१ शमूएल 19:20

दाऊदयात ज्‍वनेत छपुचः सिपाइँत अन छ्वत। इमिसं शमूएल न्‍ह्यलुवाः जुयाः छपुचः अगमवक्तात नापं अगमवाणी कनाच्‍वंगु खन। अले शाऊलया सिपाइँतय्‌के नं परमेश्‍वरया आत्‍मा वल अले इमिसं नं अगमवाणी धयाहल।