१ शमूएल 10:5 - नेवाः बाइबल

⁵ “अनंलि छि परमेश्‍वरया आराधना यायेगुथाय् गिबाय् झायादी। अन पलिश्‍तीतय्‌गु छाउनी दु। छि शहरया लिक्‍क थ्‍यनेवं छिं आराधना यायेगु थासं क्‍वहां वयाच्‍वंपिं अगमवक्तातय्‌गु छपुचःयात सारंगी कियाः दम्‍फु ज्‍वनाः बाँसुरी पुयाः व वीणा थानाः वयाच्‍वंगु नापलाइ। अले इमिसं अगमवाणी कनाः वयाच्‍वनी

१ शमूएल 10:5 ပူးပေါင်းရင်းမြစ်များ

१ राजा 18:29

बान्‍हि नं बित, बहनिया बलि बीगु ई तक हे इपिं अगमवाणी ल्‍हानाच्‍वन। तर छुं सः मवः, सुनानं लिसः मब्‍यू, सुनानं ध्‍यान मब्‍यू।

२ राजा 2:15

व स्‍वयाच्‍वंपिं यरीहों वःपिं अगमवक्तातय्‌गु पुचलं धाल, “एलियाया आत्‍मा एलीशायाके क्‍वहां वःगु दु।” इपिं वयात नापलाः वन, अले वयागु न्‍ह्यःने भ्‍वसुल।

२ राजा 2:3

बेथेलय् छपुचः अगमवक्तातय्‌सं एलीशायाथाय् वयाः न्‍यन, “परमप्रभुं थौं छिकपिनि मालिकयात छिपाखें यंकादी धकाः छु छिं स्‍यू ला?” एलीशां धाल, “खः, जिं स्‍यू। थ्‍व खँ ल्‍हाये मते।”

२ राजा 2:5

यरीहोय् छपुचः अगमवक्तातय्‌सं एलियायाथाय् वयाः न्‍यन, “परमप्रभुं थौं छिकपिनि मालिकयात छिपाखें यंकादी धकाः छु छिं स्‍यू ला?” वं धाल, “खः, जिं स्‍यू। तर थ्‍व खँ ल्‍हाये मते।”

२ राजा 2:7

नेय्‌म्‍ह अगमवक्तात यर्दन तक हे इमिगु ल्‍यूल्‍यू वल। एलिया व एलीशा खुसि सिथय् दित। नेय्‌म्‍ह अगमवक्तात भचा तापाक दनाः इमित स्‍वयाच्‍वन।

२ राजा 3:15

आः वीणा थाइम्‍ह छम्‍ह मनू जिथाय् हयादिसँ।” व मनुखं वीणा थानाच्‍वंबलय् परमप्रभुया शक्ति एलीशायाके क्‍वहां वल।

२ राजा 4:38

देशय् अनिकाल जुयाच्‍वंबलय् एलीशा गिलगालय् लिहां वन। छन्‍हु छपुचः अगमवक्तात थःनापं च्‍वनाच्‍वंबलय् एलीशां थः च्‍यःयात धाल, “मिइ छगः तग्‍वःगु थल तयाः अगमवक्तातय् पुचःया लागि भचा क्‍वाति दय्‌कि।”

२ राजा 6:1

छकः छपुचः अगमवक्तात वयाः एलीशायात थथे धाल, “स्‍वयादिसँ, छिनापं जिपिं नापलायेगु थाय् जिमिगु लागि यक्‍व चीकू जुल।

१ इतिहास 11:16

उबलय् दाऊद किल्‍लाय् दु। अले उबलय् बेथलेहेम कब्‍जा यानाः छपुचः पलिश्‍ती सिपाइँत अन च्‍वनाच्‍वंगु खः।

१ इतिहास 13:8

दाऊद व सकल इस्राएलीत परमेश्‍वरयात हनाबना तयेत थःगु फुक्‍क बलं प्‍याखं हुल। इमिसं म्‍ये हाल, सारंणी, वीणा, दम्‍फु व भुस्‍याः थात, अले तुरही पुल।

१ इतिहास 16:42

पवित्र भजनया निंतिं तुरही पुइगु, भुस्‍याःत व मेमेगु बाजं थायेगु जिम्‍मा हेमान व यदूतूनयात ब्‍यूगु खः। यदूतूनया काय्‌पिन्‍त लुखाय् पिवाः च्‍वनेत तल।

१ इतिहास 16:5

इमि नायः आसाप खः। अले वया ल्‍यूयाम्‍ह जकरिया खः। यीएल, शमीरामोत, यहीएल, मत्तित्‍याह, एलीआब, बनायाह, ओबेद-एदोमयात वीणा व सारंगी थायेत ल्‍यल। आसापं धाःसा भुस्‍याः थाइगु।

भजनसंग्रहया सफू 49:4

जिं हितोपदेशय् ध्‍यान बी। अले वीणा थानाः जिं उकिया अर्थ कने।

१ कोरिन्‍थी 14:1

अय्‌जूगुलिं छिमिसं कर्पिन्‍त माया यायेगु कुतः या। आत्‍मायागु वरदान कायेत नं कुतः या। अज्‍ज ला अगमवाणी कनेगु वरदान कायेत स्‍व।

१ शमूएल 10:10

इपिं गिबाय् थ्‍यनेवं अन अगमवक्तातय्‌गु छपुचः क्‍वहां वयाच्‍वंगु खः। अले परमेश्‍वरया आत्‍मा तुरुन्‍त हे वयाके वल अनंलि इपिं नापंतुं अगमवाणी ल्‍हायेगु शुरु यात।

१ शमूएल 10:4

इमिसं छितः ज्‍वजलपा धयाः निपा मरि बी। अले छिं व काइ।

१ शमूएल 13:2

शाऊलं स्‍वद्वः मनूत ल्‍यल अले थःनापं मिकमाशय् व बेथेलया पहाडया देशय् निद्वः तल अले थःकाय् जोनाथननापं बेन्‍यामीन कुलया इलाका दुने गिबाय् द्वःछि छ्वत। अले ल्‍यंदुपिं मनूतय्‌त धाःसा वं छेँ तुं लित छ्वयाबिल।

१ शमूएल 13:3

जोनाथनं गेबाय् च्‍वंगु पलिश्‍तीतय्‌गु छाउनी हमला यात। थुकिया खबर पलिश्‍तीतय्‌गु दथुइ थ्‍यन। अले शाऊलं “फुक्‍क हिब्रूत न्‍यँ” धकाः देय्‌न्‍यंक तुरही पुइकल।

१ शमूएल 19:20

दाऊदयात ज्‍वनेत छपुचः सिपाइँत अन छ्वत। इमिसं शमूएल न्‍ह्यलुवाः जुयाः छपुचः अगमवक्तात नापं अगमवाणी कनाच्‍वंगु खन। अले शाऊलया सिपाइँतय्‌के नं परमेश्‍वरया आत्‍मा वल अले इमिसं नं अगमवाणी धयाहल।

१ शमूएल 9:12

इमिसं धाल, “खः, छेँ हे दु। वय्‌कः छिकपिं स्‍वयाः भच्‍चा जक न्‍ह्यः झाःगु खः। याकनं झासँ वय्‌कः नकतिनि शहरय् दुहां झाःगु खः, छाय्‌धाःसा थौं आराधना याइगु थासय् वनाः मनूतय्‌सं बलि छाः वनीतिनि।