१ शमूएल 10:3 - नेवाः बाइबल

³ “अनं तबोरया तःमागु सिमायाथाय् थ्‍यनेवं बेथेलय् परमेश्‍वरयात आराधना यायेत वनाच्‍वंपिं स्‍वम्‍ह मनूतय्‌त छिं नापलाइ। इपिं मध्‍ये न्‍हापांम्‍हं स्‍वम्‍ह दुगुचात, अनं लिपाम्‍हं स्‍वपा मरि अले दकलय् लिपायाम्‍हं छेंगूया म्‍हिचाय् दाखमद्यं जाःगु थल ज्‍वना वयाच्‍वंगु नापलाइ।

१ शमूएल 10:3 ပူးပေါင်းရင်းမြစ်များ

उत्‍पत्ति 28:19

वं व थाय्‌या नां बेथेल तल। न्‍हापा व थाय्‌या नां लुजः खः।

उत्‍पत्ति 28:22

अले जिं धंकागु थ्‍व ल्‍वहं परमेश्‍वरया छेँ जुइ। अले वय्‌कलं बियादीगु न्‍ह्यागुं झिब्‍वय् छब्‍व वय्‌कःयात देछाये।”

उत्‍पत्ति 35:1

परमेश्‍वरं याकूबयात धयादिल, “दँ, बेथेलय् वनाः अन हे च्‍वँ। अले छ थः दाजु एसावलिसे ग्‍यानाः बिस्‍युं वंबलय् छन्‍थाय् खनेदय्‌कः वःम्‍ह परमेश्‍वरया लागि छगू वेदी दय्‌कि।”

उत्‍पत्ति 35:3

झी आः थ्‍व थाय् त्‍वःताः बेथेलय् वनेत्‍यना। अन जिं जितः आपतय् ग्‍वाहालि यानादीम्‍ह व जि न्‍ह्याथाय् वंसां जिलिसें दीम्‍ह परमेश्‍वरया लागि छगू वेदी दय्‌के।”

भजनसंग्रहया सफू 89:12

उत्तर व दच्‍छिन छिं दय्‌कादीगु खः, तबोर व हेर्मोन पर्वत छिगु नामय् लय्‌लय्‌तातां म्‍ये हाली।

यर्मिया 32:8

“अले परमप्रभुया वचनकथं जिमि ककाया काय् हनमेल पिवाःया चुकय् जिथाय् वयाः जितः धाल, ‘बेन्‍यामीनया लागाया अनातोतय् दुगु जिगु बुँ न्‍यानादिसँ। उकियात कब्‍जा यानाः कायेगु व उकियात त्‍वःतकेगु हक छिगु हे खः। उकिं छिं हे व बुँ न्‍यानादिसँ।’ “अले जिं थ्‍व परमप्रभुया वचन खः धकाः सिल।

लेवी 1:10

“‘सुनानं परमप्रभुया निंतिं बथांपाखें फै वा दुगुचा बलि हल धाःसा वं खू मदुम्‍ह मिजंम्‍ह छायेमाः।

लेवी 23:13

थुकिया नापं परमप्रभुया निंतिं अन्‍नबलिकथं छिमिसं चिकनय् न्‍हायातःगु छगू एपाया झिब्‍वय् निब्‍व भिंगु छुचुं नस्‍वाःया लागिं परमप्रभुया निंतिं विशेष देछाकथं छाये हयेमाः। थ्‍व नापं छगू लिटर दाखमद्य नं छायेमाः।

लेवी 3:12

“‘सुनानं दुगुचा छाल धाःसा वं परमप्रभुया न्‍ह्यःने छायेमाः।

लेवी 3:6

“‘सुनानं परमप्रभुयात मेलबलिया बथांपाखें फैचा वा दुगुचा छाल धाःसा मिजंम्‍ह जूसां मिसाम्‍ह जूसां खू मदुम्‍ह पशुयात छायेमाः।

लेवी 7:13

सुभाय् बीत छायेहःगु मेलबलि नापं वं सोडा ल्‍वाकछ्यानातःगु मरि नं छायेमाः।

यहोशू 19:12

सारीदया पुर्बय् किस्‍लोथ-तबोरया सिमाना तक जुयाः दाबरत जुजुं यापी तक च्‍वय् वन।

यहोशू 19:22

हानं सिमाना तबोर डाँडा, शहसूमा व बेथ-शेमेश तक थ्‍यनाः यर्दनय् क्‍वचाल। थुकी झिंखुगू शहर व इमिगु जःख च्‍वंगु गां दुथ्‍याः।

न्‍यायकर्ता 20:18

इस्राएलीत थत्‍थें बेथेलय् वनाः अन इमिसं परमेश्‍वरयात थथे धकाः न्‍यन, “बेन्‍यामीनीतय्‌त हमला यायेत गुगु कुल न्‍हापा वनेमाः?” परमप्रभुं धयादिल, “यहूदा न्‍हापा वनेमाः।”

न्‍यायकर्ता 20:23

अथे जुयाः इस्राएलीत थाहां वनाः परमप्रभुया न्‍ह्यःने सन्‍ध्‍याकाः ई तक ख्‍वल, अले इमिसं परमप्रभुयात न्‍यन, “जिमि दाजुकिजा बेन्‍यामीनीतलिसें जिपिं हाकनं ल्‍वाः वनेगु ला?” परमप्रभुं लिसः बियादिल, “इमित हाकनं हमला या।”

न्‍यायकर्ता 20:27

इस्राएलीतय्‌सं परमप्रभुयाके न्‍यन। उबलय् परमेश्‍वरया बाचाया सनू बेथेलय् दुगु जुल।

न्‍यायकर्ता 4:12

सीसरां अबीनोअमया काय् बाराक तबोर डाँडाय् थाहां वंगु खँ न्‍यनाः

न्‍यायकर्ता 4:6

छन्‍हु वं नप्‍तालीया केदेशं अबीनोअमया काय् बाराकयात सःताः धाल, “परमप्रभु इस्राएलयाम्‍ह परमेश्‍वरयागु आज्ञा थ्‍व दु, ‘वनाः नप्‍ताली व जबूलूनयापिं झिद्वः मनूतय्‌त ल्‍ययाः इमित छलिसें हे तबोर डाँडाय् हजि।

न्‍यायकर्ता 8:18

अबलय् वं जेबह व सल्‍मुन्‍नायात न्‍यन, “तबोरय् छं स्‍यानापिं मनूत गथे च्‍वं?” इमिसं लिसः बिल, “इपिं छि थें च्‍वं, सकसिगु ख्‍वाः जुजुया काय्‌पिनिगु थें च्‍वं।”

१ शमूएल 10:4

इमिसं छितः ज्‍वजलपा धयाः निपा मरि बी। अले छिं व काइ।