१ शमूएल 10:24 - नेवाः बाइबल

²⁴ शमूएलं मनूतय्‌त धाल, “स्‍वयादिसँ! परमप्रभुं ल्‍ययादीम्‍ह मनू थ्‍व हे खः। व थें ज्‍याःम्‍ह झीगु जातिइ मेपिं सुं हे मदु।” अनंलि उपिं सकलें मनूतय्‌सं ततःसलं थथे धकाः हाल, “जुजुया जय जुइमा!”

१ शमूएल 10:24 ပူးပေါင်းရင်းမြစ်များ

१ राजा 1:39

सादोक पुजाहारीं पवित्र पालं चिकं तइगु नेकू कयाः सोलोमनयात चिकनं अभिषेक यात। इमिसं फैया नेकू पुल अले फुक्‍क मनूत “जुजु सोलोमन ताःई तक म्‍वानाच्‍वनेमा” धकाः हाल।

१ राजा 1:25

वं थौं क्‍वय् वनाः यक्‍व द्वहंत व ल्‍ह्वंपिं द्वहंचात व फैत बलि छाःगु दु। वं जुजु दाऊदया फुक्‍क काय्‌पिं, सेनापतित व अबियाथार पुजाहारीयात भ्‍वय् सःतूगु दु। आः थुबलय् हे इपिं वनापं च्‍वनाः भ्‍वय् नयाच्‍वंगु दु अले ‘जुजु अदोनियाह ताःई म्‍वायेमा’ धकाः हालाच्‍वंगु दु।

२ शमूएल 21:6

व हे मनूया घरानाया न्‍हय्‌म्‍ह मनूत जिमित ब्‍यु। अले परमप्रभुं ल्‍ययातःम्‍ह जुजु शाऊलया गिबाय् परमप्रभुयागु हे न्‍ह्यःने जिमिसं इमित स्‍यानाः निभालय् व फसय् तयाबी।” अनंलि जुजुं लिसः बिल, “जिं छिमित इपिं बी।”

व्‍यवस्‍था 17:15

परमप्रभु छिमि परमेश्‍वरं ल्‍ययादीम्‍ह मनूयात हे छिमिसं जुजु दय्‌कि। छिमिगु दथुं हे सुं छम्‍हसित थः जुजु ल्‍ययेमाः। इस्राएली मखुम्‍ह परदेशीयात थः जुजु दय्‌के मते।

२ राजा 11:12

अले यहोयादां योआश, जुजुया काय्‌यात पिने हयाः श्रीपेच पुइकाबिल। अले वं वयात बाचाया साक्षी पौ बियाः जुजु घोषणा यात। इमिसं वयात अभिषेक यात। अले मनूत ल्‍हाःपा थाथां थथे धकाः हाल, “जुजु न्‍ह्याबलें म्‍वानाच्‍वनेमा।”

मत्ती 21:9

वय्‌कःया ल्‍यूल्‍यू व न्‍ह्यः न्‍ह्यः वयाच्‍वंपिं मनूत थथे धकाः हाल – “होसन्‍ना, दाऊदया काय्, प्रभुया नामं झाःम्‍ह धन्‍यम्‍ह खः। स्‍वर्गय् च्‍वनादीम्‍ह परमेश्‍वरयात होसन्‍ना।”

१ राजा 1:34

अन पुजाहारी सादोक व अगमवक्ता नातानं वयात इस्राएलया जुजु अभिषेक यायेमाः। फैया नेकू पु, अले थथे धकाः तःसलं हा, ‘जुजु सोलोमन ताःई तक म्‍वानाच्‍वनेमा।’

१ राजा 1:21

छःपिन्‍सं छुं याना मदिल धाःसा जिमि मालिक महाराज सीधुंकाः जि व जिम्‍ह काय् सोलोमनयात अपराधीयात थें व्‍यवहार याइ।”

१ शमूएल 9:2

वया शाऊल नांयाम्‍ह बांलाःम्‍ह छम्‍ह काय् दु। उगु इलय् इस्राएलय् व थें ज्‍याःम्‍ह सुं मदु। व दक्‍वसिबय् तःधिकःम्‍ह खः।

१ शमूएल 12:1

अले शमूएलं इस्राएलीतय्‌त थथे धाल, “जिं छिमिसं धाःगु फुक्‍कं खँ न्‍यना अले छिमिगु निंतिं जुजु नं ल्‍यया।

१ शमूएल 12:13

छिमिसं हे ल्‍यःम्‍ह जुजु थन दु। छिमिसं वयात फ्‍वन अले परमप्रभुं हे वयात जुजु ल्‍ययादिल।

२ शमूएल 16:16

अनंलि दाऊदया पासा अरकी हूशैनं अब्‍शालोमयात नापलात, अले वं धाल, “जुजुया जय जुइमा! जुजुया जय जुइमा!”

२ इतिहास 23:11

यहोयादां जुजुया काय्‌यात पिने हयाः श्रीपेच पुइकाबिल। अले वयात साक्षी पौ बियाः जुजु दय्‌कल। अले यहोयादा व वया काय्‌पिन्‍सं वयात अभिषेक यात। थ्‍व खनाः मनूत ततःसलं हाला हल, “जुजु न्‍ह्याबलें म्‍वानाच्‍वनेमा।”

१ शमूएल 11:15

अथे जुयाः इपिं फुक्‍क गिलगालय् वनाः परमप्रभुया न्‍ह्यःने मेलबलि छाल अले परमप्रभुया न्‍ह्यःने शाऊलयात जुजु घोषणा यात। शाऊल व फुक्‍क इस्राएलीतय्‌सं खुशी जुयाः तःधंगु नखः हन।