१ शमूएल 10:23 - नेवाः बाइबल

²³ इपिं ब्‍वाँय् वनाः वयात कयाः हल, अले व मनूतय्‌गु दथुइ दन फुक्‍क मनूत वयागु ब्‍वः स्‍वयाः चिधिकः जुयाच्‍वन।

१ शमूएल 10:23 ပူးပေါင်းရင်းမြစ်များ

उत्‍पत्ति 3:24

मनूयात पितिनाछ्वये धुंकाः परमेश्‍वरं जीवनया सिमायागु लँ पाखे पाः तयेत अदनया क्‍यबया पुर्बपाखे करूबत व प्‍यखें चाःहिलाच्‍वनीगु दनदन च्‍यानाच्‍वंगु तरवार तयादिल।

१ शमूएल 16:7

तर परमप्रभुं शमूएलयात धयादिल, “व तःधिकःम्‍ह जूसां अले तसकं बांलाःम्‍ह जूसां वयागु वास्‍ता याये मते। व जुजु जुइत ल्‍वःम्‍ह मखु, छाय्‌धाःसा मनूतय्‌सं ला ख्‍वाः स्‍वयाः बिचाः याइ तर परमप्रभुं नुगः स्‍वयाः बिचाः यानादी।”

१ शमूएल 17:4

पलिश्‍तीतय्‌गु पालया दथुं गातय् च्‍वनीम्‍ह गोल्‍यत नांयाम्‍ह छम्‍ह दकलय् वीरम्‍ह सिपाइँ इस्राएलीतनापं ल्‍वायेत वल। व स्‍वंगू मिटर ति तःधिकःम्‍ह खः।

१ शमूएल 9:1

बेन्‍यामीन कुलया हनेबहःम्‍ह व तःमिम्‍ह मनू छम्‍ह दु। वयागु नां कीश खः। व अबीएलया काय्, जरोरया छय्, बकोरतया छुइ, आपीहया उइ खः।

१ शमूएल 9:2

वया शाऊल नांयाम्‍ह बांलाःम्‍ह छम्‍ह काय् दु। उगु इलय् इस्राएलय् व थें ज्‍याःम्‍ह सुं मदु। व दक्‍वसिबय् तःधिकःम्‍ह खः।