१ शमूएल 10:22 - नेवाः बाइबल

²² अले हाकनं इमिसं परमप्रभुयात न्‍यन, “छु व मनू थन वःगु दु ला?” परमप्रभुं लिसः बियादिल, “व अन सामान तया तःथाय् दथुइ सुलाच्‍वंगु दु।”

१ शमूएल 10:22 ပူးပေါင်းရင်းမြစ်များ

न्‍यायकर्ता 20:18

इस्राएलीत थत्‍थें बेथेलय् वनाः अन इमिसं परमेश्‍वरयात थथे धकाः न्‍यन, “बेन्‍यामीनीतय्‌त हमला यायेत गुगु कुल न्‍हापा वनेमाः?” परमप्रभुं धयादिल, “यहूदा न्‍हापा वनेमाः।”

गन्‍ती 27:21

यहोशू पुजाहारी एलाजारया न्‍ह्यःने दनेगु यायेमाः, एलाजारं वयागु निंतिं परमप्रभुयाके ऊरीमपाखें फैसला न्‍यनेगु यायेमाः। यहोशूयागु हे उजंकथं फुक्‍क इस्राएलीत व नापं हे वयेगु व वनेगु यायेमाः।”

लूका 14:11

सुनां थःत थःम्‍हं तःधंकी व चिधनी। अले सुनां थःत थःम्‍हं चिधं ताय्‌की व तःधनी।”

१ शमूएल 15:17

शमूएलं धाल, “उगु इलय् छि थःम्‍हं थःत जि ला छुं नं मखु धकाः ताय्‌कल, तर आः ला छि इस्राएली कुलतय् नायः खः। अले परमप्रभुं हे छितः जुजु अभिषेक यानादिल।

१ शमूएल 9:21

शाऊलं धाल, “तर जि ला इस्राएलया दक्‍वसिबय् चिधंगु कुलया छम्‍ह बेन्‍यामीनी खः। अले बेन्‍यामीन कुलया वंशतय् जिगु वंश दकलय् चिधंगु वंश खः। छिं छाय् जितः थ्‍व खँ धयादियागु?”

न्‍यायकर्ता 20:28

अबलय् हारूनया छय्‌ व एलाजारया काय् पीनहास पुजाहारी खः। इमिसं न्‍यन, “जिपिं जिमि दाजुकिजा बेन्‍यामीनीतलिसें हाकनं लडाइँ याः वनेमाः कि म्‍वाः?” परमप्रभुं लिसः बियादिल, “इमित हमला या! कन्‍हय् जिं इमित छिमिगु ल्‍हातय् बी।”

न्‍यायकर्ता 20:23

अथे जुयाः इस्राएलीत थाहां वनाः परमप्रभुया न्‍ह्यःने सन्‍ध्‍याकाः ई तक ख्‍वल, अले इमिसं परमप्रभुयात न्‍यन, “जिमि दाजुकिजा बेन्‍यामीनीतलिसें जिपिं हाकनं ल्‍वाः वनेगु ला?” परमप्रभुं लिसः बियादिल, “इमित हाकनं हमला या।”

न्‍यायकर्ता 1:1

यहोशू सीधुंकाः इस्राएलीतय्‌सं परमप्रभुयाके न्‍यन, “गुगु कुलं दकलय् न्‍हापा कनानीतय्‌त हमला यायेमाः?”

उत्‍पत्ति 25:22

रिबेकाया प्‍वाथय् निम्‍ह मचा दुगु जुयाच्‍वन। अले इपिं प्‍वाथय् दुने हे थवंथवय् ल्‍वायेगु यानाच्‍वन। उकिं वं थथे मतिइ तल, “जितः थथे छाय् जुल?” अले वं परमप्रभुयाके न्‍यन।

१ शमूएल 10:21

अले वं बेन्‍यामीन कुलया वंश-वंश यानाः थःगु न्‍ह्यःने वयेत इनाप यात। अले मत्रीया वंशयात ल्‍यल। थुकथं दकलय् लिपा कीशया काय् शाऊलयात ल्‍यल। अनंलि मनूतय्‌सं वयात माः जुल अय्‌नं लुइके मफुत।

१ शमूएल 14:37

अथे जुयाः शाऊलं परमप्रभुयाके न्‍यन, “छु जिं पलिश्‍तीतय्‌त हमला यायेत वने ला? छु छिसं इमित इस्राएलीतय्‌गु ल्‍हातय् लःल्‍हानादियागु मखु ला?” तर उखुन्‍हु परमेश्‍वरं वयात छुं हे लिसः बियामदी।

१ शमूएल 22:10

अहीमेलेकं वयागु पंलिनाः परमप्रभुनापं सल्‍लाह फ्‍वन। अनंलि वं नयेगु नसा व पलिश्‍ती गोल्‍यतया तरवार नं दाऊदयात बिल।”

१ शमूएल 23:9

शाऊलं थःत हमला यायेत तयार याःगु दु धइगु खँ न्‍यनाः दाऊदं पुजाहारी अबियाथारयात धाल, “एपोद ज्‍वनाः थन वा।”

१ शमूएल 30:7

दाऊदं अहीमेलेकया काय् पुजाहारी अबियाथारयात धाल, “पुजाहारीया भिंगु सूती कापःया लं जिथाय् हजि।” अले अबियाथारं व हयाबिल।

१ शमूएल 30:8

अनंलि दाऊदं परमप्रभुयाके न्‍यन, “छु जि उपिं लुतय् याइपिं मनूतय् ल्‍यूल्‍यू वने ला? छु जिं इमित नापलाके फइ ला?” परमप्रभुं वयात लिसः बिल, “ज्‍यू, छं इमित ल्‍यू हुँ, छं इमित नापालाकाः फुक्‍क ज्‍वनायंकूपिन्‍त छुतय् याना हजि।”

२ शमूएल 2:1

अनंलि दाऊदं परमप्रभुयात थथे धकाः न्‍यन, “छु जि यहूदाया छुं छगू शहरय् वने ला?” परमप्रभुं लिसः बियादिल, “हुँ।” दाऊदं न्‍यन, “गुगु शहरय् वनेगु?” अले थथे लिसः वल, “हेब्रोनय्।”

२ शमूएल 21:1

दाऊदं शासन यानाच्‍वंगु इलय् स्‍वदँ ति अनिकाल जुल। अनंलि दाऊदं परमप्रभुयात मालेगु यात। अले परमप्रभुं धयादिल, “शाऊल व वया घरानाय् हिया द्वपं लाःगु दु, छाय्‌धाःसा वं गिबोनीतय्‌त स्‍याःगु खः। अथे जुयाः अनिकाल जूगु खः।”