१ शमूएल 10:11 - नेवाः बाइबल

¹¹ वयात न्‍हापा हे म्‍हस्‍यूपिं मनूतय्‌सं व खनाः थःथवय् खँ ल्‍हात, “कीशया काय्‌यात थ्‍व छु जूगु खः? छु शाऊल नं अगमवक्ता जुल ला?”

१ शमूएल 10:11 ပူးပေါင်းရင်းမြစ်များ

आमोस 7:14

आमोसं अमस्‍याहयात थ्‍व लिसः बिल, “जि ला ज्‍यालाया निंतिं अगमवाणी धाइम्‍ह अगमवक्ता मखु, अगमवक्ताया पुचःयाम्‍ह नं मखु। तर जि ला छम्‍ह फैजवाः व यःमरिमात स्‍वइम्‍ह मनू खः।

आमोस 7:15

तर परमप्रभुं जितः फै-च्‍वलय् ज्‍वयेगुपाखें सःतादिल अले धयादिल, ‘हुँ, वनाः जिमि इस्राएली मनूतय्‌त अगमवाणी धाः।’

यूहन्‍ना 7:15

नायःतय्‌सं छक्‍क जुयाः थथे धाल – “थ्‍व मनुखं ब्‍वँ हे मब्‍वंकं थुलिमछि खँ गथे यानाः सय्‌कल?”

प्रेरित 3:10

इमिसं वयात देगलय् वनेगु “बांलाः” धाःगु ध्‍वाखाय् च्‍वनाः फ्‍वना च्‍वनीम्‍ह फ्‍वगिं थ्‍व हे खः धकाः म्‍हसीकल। इपिं फुक्‍कं वयात थथे जूगु खनाः अजू चाल।

प्रेरित 4:13

पत्रुस व यूहन्‍नां आखः मसःसां थथे मग्‍यासे लिसः ब्‍यूगु न्‍यनाः फुक्‍कं छक्‍क जुल। अले इपिं येशू नाप जूपिं खः धकाः नं इमिसं सिल।

प्रेरित 9:21

वयागु खँ न्‍यनाः मनूतय्‌सं अजू चायाः थथे धाल – “यरूशलेमय् येशूयागु नां काःपिं मनूतय्‌त स्‍याना जूम्‍ह मनू थ्‍व हे मखु ला? अले थन नं छु व इमित तःधंपिं पुजाहारीतय्‌थाय् ज्‍वना यंकेत वःम्‍ह मखु ला?”

१ शमूएल 19:24

वं अन थःगु लं त्‍वःतल अले शमूएलया न्‍ह्यःने अगमवाणी धाधां उखुन्‍हु न्‍हिच्‍छि चच्‍छि पचिनांगां हे बँय् ग्‍वारातुलाच्‍वन। अथे जुयाः मनूतय्‌सं थथे धयाहल, “छु शाऊल नं अगमवक्तातय्‌गु पुचःयाम्‍ह हे जुल ला?”