१ शमूएल 1:9 - नेवाः बाइबल

⁹ छकः शीलोमय् नयेत्‍वने यायेधुंकाः हन्‍नाह दन। उबलय् एली पुजाहारी परमप्रभुया नापलायेगु पालया ध्‍वाखाय् लिक्‍कसं थःगु थासय् च्‍वनाच्‍वंगु खः।

१ शमूएल 1:9 ပူးပေါင်းရင်းမြစ်များ

२ शमूएल 7:2

दाऊदं नातान अगमवक्तायात धाल, “थन जि देवदारु सिं दय्‌कूगु लाय्‌कुलिइ च्‍वनाच्‍वनागु दु, परमप्रभुया बाचाया सनू धाःसा पालय् दु।”

भजनसंग्रहया सफू 27:4

जिं न्‍ह्याबलें माला च्‍वनागु छता हे जक खँ परमप्रभुयाके जिं छता हे जक फ्‍वने, जिं व हे मालाच्‍वने, परमप्रभुयागु हिसिलाःगु ख्‍वाः स्‍वयेत व वय्‌कःयात म्‍हसीकेत वय्‌कःयागु देगलय् सदां च्‍वनेदयेमा।

भजनसंग्रहया सफू 29:9

परमप्रभुया सलं स्‍वंसिमायात संकाबी फु, उकिया हः हाय्‌काबी फु। अले वय्‌कःया देगलय् सकसिनं वय्‌कःया प्रशंसा याइ।

भजनसंग्रहया सफू 5:7

छिगु तःधंगु दयां यानाः जि धाःसा छिगु छेँय् दुहां वये। जिं छिगु पवित्र देगलय् पुलिं चुयाः छितः भागियाये।

प्रस्‍थान 21:6

मालिकं वयात न्‍यायकर्तायाथाय् हयेमाः। अले वयात लुखाय् हयाः वयागु न्‍हाय्‌पं नतूचां प्‍वाः खनाबीमाः। अले व मसीतले वया दास जुइ।

१ शमूएल 1:10

हन्‍नाहं ख्‍वख्‍वं तसकं दुःखी जुयाः परमप्रभुयात प्रार्थना यात।

१ शमूएल 3:15

शमूएल सुथय् तक हे द्यनाच्‍वन। अले वं परमप्रभुया पवित्र पालया लुखा चाय्‌कल। शमूएलं एलीया बारे खंगु दर्शन कनेत ग्‍यात।

१ शमूएल 3:3

शमूएल धाःसा परमेश्‍वरया बाचाया सनू दुगु पवित्र पालय् द्यनाच्‍वंगु खः। परमेश्‍वरया मत च्‍याना हे च्‍वंगु खः।

१ शमूएल 4:13

एली धाःसा परमप्रभुया बाचाया सनूया निंतिं तसकं धन्‍दा कयाच्‍वन। अले लँसिथय् थः च्‍वनेगु थासय् च्‍वनाः त्‍वलय् जुयाच्‍वन। व मनुखं शहरय् न्‍यंकभनं खबर थ्‍यंकल, अले फुक्‍क मनूत ग्‍यानाः तसकं हाला हल।