१ शमूएल 1:7 - नेवाः बाइबल

⁷ दँय्‌दसं हे थथे याइगु खः। हन्‍नाह परमप्रभुया नापलायेगु पालय् वंक्‍वः पतिकं पनिन्‍नाहं हन्‍नाहयागु मन ख्‍वय्‌काबीगु अले व ख्‍वयाः नसा तकं मनसें च्‍वनी।

१ शमूएल 1:7 ပူးပေါင်းရင်းမြစ်များ

भजनसंग्रहया सफू 102:4

जिगु नुगः घाँय् थें सुकूगनावंगु दु, जितः नये मास्‍ति मवः।

भजनसंग्रहया सफू 102:5

जि तस्‍सलं पिच्‍यानाः हालाच्‍वना। जि छेंगू व क्‍वँय् जक जुइ धुन।

यर्मिया 41:5

थःगु दाह्री चानातःपिं, थःगु वसः खुनातःपिं व थःगु म्‍हय् थःम्‍हं हे घाः यानातःपिं चय्‌म्‍ह मनूत अन्‍नबलि व धुपाँय् ज्‍वनाः शकेम, शीलो व सामरियां परमप्रभुया देगलय् वल।

१ शमूएल 1:6

वया मचाखाचा मदुगुलिं हे हन्‍नाहया लिथुं वयात दुःख बीगु अले क्‍वह्यंकाः खँ ल्‍हाइगु खः।

१ शमूएल 1:8

वया भाःत एल्‍कानां वयात न्‍यनीगु, हन्‍नाह छ छाय् ख्‍वयाच्‍वनागु? छाय् छुं हे मनसें च्‍वनाच्‍वनागु? छं छाय् थुलिमछि दुःख ताय्‌काच्‍वनागु? छु जि छिमि झिम्‍ह काय् स्‍वयाः अप्‍वः मजू ला?

१ शमूएल 2:1

हन्‍नाहं थथे धकाः प्रार्थना यात, “परमप्रभुं जिगु मन तसकं लय्‌ताय्‌कादीगु दु, वय्‌कलं यानादीगु ज्‍या खनाः जि तसकं खुसी जुयागु दु। जि जिमि शत्रुतय् न्‍ह्यःने न्‍हिले, अले परमप्रभुं जितः ग्‍वाहालि यानादीगुलिं जि तसकं लय्‌तायागु दु।

१ शमूएल 2:19

दँय्‌दसं वया मांनं वयागु निंतिं जामालं सुइगु अले थः भाःतनापं दँय्‌दसं बलि छायेत वनीबलय् शमूएलया निंतिं व यंकाबीगु खः।