१ शमूएल 1:26 - नेवाः बाइबल

²⁶ हन्‍नाहं वयात धाल, “हे जिमि प्रभु, गथे छि म्‍वाम्‍ह खः अथे हे छिगु न्‍ह्यःने दनाः परमप्रभुयात प्रार्थना यानाः वयाच्‍वनाम्‍ह मिसा जि हे खः।

१ शमूएल 1:26 ပူးပေါင်းရင်းမြစ်များ

उत्‍पत्ति 42:15

आः जिं छिपिं धात्‍थें सु खः धकाः जाँचय् याये। जिं छिमित धाये, छिमि दक्‍वसिबय् चिधीम्‍ह किजा मवतले छिपिं थनं वने दइ मखु।

२ शमूएल 11:11

उरियाहं लिसः बिल, “इस्राएल, यहूदा व सनू पालय् हे दु अले जिमि सेनापति योआब व छःपिं जिमि प्रभुया मनूत नं चकंगु ख्‍यलय् पाल ग्‍वयाच्‍वंगु दु। जि जक नयेत्‍वने यायेत व कलाःनापं द्यनेत छेँ वनेगु ला? जिं छःपिनिगु जीवनया नामं पाफयाः धाये, जिं अथे याये फइ मखु।”

२ शमूएल 14:19

अले जुजुं वयात न्‍यन, “छन्‍त योआबं थथे याकेब्‍यूगु खः ला?” वं लिसः बिल, “छःपिनिगु जीवनया नामं पाफया धाये, छःपिन्‍सं न्‍ह्यसः न्‍यनीबलय् लिसः बीत जवंखवं छुं हे लँपु दइ मखु। खः, छःपिनि दास योआबं हे जितः थ्‍व खँ फुक्‍क स्‍यंगु खः अले वं हे जिगु म्‍हुतुइ थुपिं फुक्‍क वचन तयाब्‍यूगु खः।

२ राजा 2:2

एलियां एलीशायात धाल, “छ थन हे च्‍वँ, परमप्रभुं जितः बेथेलय् छ्वयादीगु दु।” तर एलीशां धाल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं पाफयाः धाये जिं छितः त्‍वःते हे मखु।” अले इपिं निम्‍हनापं क्‍वय् बेथेलय् वन।

२ राजा 2:4

अनंलि एलियां एलीशायात धाल, “छ थन हे च्‍वँ, परमप्रभुं जितः यरीहोय् छ्वयादीगु दु।” तर एलीशां धाल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं छितः त्‍वःते हे मखु।” अले उपिं निम्‍हनापं यरीहोय् वन।

२ राजा 2:6

अले एलियां वयात धाल, “थन हे च्‍वँ, परमप्रभुं जितः यर्दन खुसिइ छ्वयादीगु दु।” तर हाकनं एलीशां लिसः बिल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं छितः त्‍वःते हे मखु।” उकिं इपिं निम्‍हं न्‍यासि वना हे च्‍वन।

२ राजा 4:30

तर मचाया मामं धाल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं छितः त्‍वःते हे मखु।” उकिं एलीशा दनाः उम्‍ह मिसाया ल्‍यूल्‍यू वन।

१ इतिहास 4:10

तर याबेसं इस्राएलयाम्‍ह परमेश्‍वरयात थथे धकाः प्रार्थना यात, “हे परमेश्‍वर, जितः आशिष बियादिसँ। जितः तःकूगु इलाका बियादिसँ। जिं यानागु न्‍ह्यागु नं ज्‍याय् छि जिनापं च्‍वनादिसँ। जितः कसाः बीगु दुःखपाखें बचय् यानादिसँ।” अले परमेश्‍वरं वयागु बिन्‍ति न्‍यनादिल।

१ शमूएल 17:55

शाऊलं दाऊद गोल्‍यत नापं ल्‍वायेत वंबलय् थः सेनापति अबनेरयात न्‍यन, “अबनेर, व ल्‍याय्‌म्‍ह मचा सुया काय् खः?” अबनेरं धाल, “महाराज! छसपोल सदां म्‍वानादीमा! जिं मस्‍यू।”

१ शमूएल 20:3

तर दाऊदं धाल, “छितः जि गुलि यः धकाः छिकपिनि बौनं स्‍यू, छिकपिनि बौनं थःगु मनय् थथे धाःगु दु, ‘थ्‍व खँ जोनाथनं मसीमा, मखुसा व दुःखी जुइ।’ धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिगु मृत्‍यु न्‍ह्यःने थ्‍यंकः वःगु दु।”

१ शमूएल 25:26

“आः हे जिमि प्रभु, ल्‍वापु ख्‍याःपु यानाः हि हायेकेगु व बदला कायेगु खँय् छितः परमप्रभुं पनादीगु दु। धात्‍थें परमप्रभु छिकपिनि परमेश्‍वर म्‍वाःम्‍ह खः थें, अले छि म्‍वाःम्‍ह खः थें, जिं धाये, छपिनि शत्रुतय्‌गु व छिकपिनिगु नाश जुइगु यय्‌कीपिनिगु गति नाबालया थें हे जुइमा।