१ शमूएल 1:19 - नेवाः बाइबल

¹⁹ कन्‍हय् खुन्‍हु सुथ न्‍हापां दनाः एल्‍काना व वया परिवार परमप्रभुया आराधना यायेधुंकाः थःगु छेँ रामाय् लिहां वन। अले एल्‍काना व वया कलाः हन्‍नाहया दथुइ लसपस जुल, अले परमप्रभुं हन्‍नाहयात लुमंकादिल।

१ शमूएल 1:19 ပူးပေါင်းရင်းမြစ်များ

उत्‍पत्ति 21:1

परमप्रभुं सारायात थःम्‍हं बचं बियादी थें दया यानादिल, अले थःम्‍हं धया थें यानादिल।

१ शमूएल 1:11

हन्‍नाहं थथे धयाः परमप्रभुयात भाकल यात, “हे दक्‍व शक्ति दुम्‍ह परमप्रभु, छिं थः दासीयागु दुःख थुइकाः थः दासीयात माया यानागु खः धयागु जूसा, छिं थः दासीयात ल्‍वःमंका मदी धयागु खःसा, थः दासीयात छम्‍ह काय् बियादिसँ अले जिं वयात वयागु जिवंकाछिया निंतिं छितः बी अले वयागु छेनय् गुबलें ख्‍वःचा लाइ मखु।”

उत्‍पत्ति 30:22

अले परमेश्‍वरं राहेलयात लुमंकादिल। वयागु प्रार्थना न्‍यनाः वय्‌कलं वयात प्‍वाथय् दय्‌काबिल।

उत्‍पत्ति 4:1

आदम व हव्‍वाया दथुइ लसपस जुल। अले हव्‍वाया प्‍वाथय् दयाः कयिनयात बुइकल। वं धाल “परमप्रभुया आशिर्वादं जिकाय् दत।”

लूका 23:42

अले वं धाल – “येशू, छि जुजु जुयाः झायादीबलय् जितः नं लुमंकादिसँ।”

मर्कूस 1:35

येशू सुथ न्‍हापां खिउँसे च्‍वंबलय् हे दनाः सुं मदुगु थासय् झायाः प्रार्थना यानादिल।

भजनसंग्रहया सफू 119:147

सुथ जुइ न्‍ह्यः हे दनाः जिं ग्‍वाहालिया लागि तसकं हालाच्‍वनागु दु, छिगु वचनया आशा यानाच्‍वनागु दु।

भजनसंग्रहया सफू 55:17

सुथय्, न्‍हिनय्, बहनी जिं ततःसलं जिगु दुःख न्‍यंकाः प्रार्थना याये। अले परमप्रभुं जिगु सः न्‍यनादी।

भजनसंग्रहया सफू 25:7

जिं ल्‍याय्‌म्‍हबलय् यानागु पापयात ल्‍वःमंकादिसँ। जितः लुमंकादिसँ, अले छि धात्‍थें गुलि दया माया दुम्‍ह खः धकाः क्‍यनादिसँ।

१ शमूएल 9:26

सुथय् खिउँ खिउँ धाःबलय् शमूएलं शाऊलयात कःसिइ हे सःताः धाल, “दँ, आः जिं छिमित बिदा बियाछ्वये।” शाऊल दन अले व नापं तुं शमूएल निम्‍हं नापं लँय् वन।

उत्‍पत्ति 8:1

अले परमेश्‍वरं नोआ व वलिसे जहाजय् दुपिं फुक्‍क जंगलय् च्‍वनीपिं व छेँय् लहीपिं पशुतय्‌त लुमंकादिल। वय्‌कलं पृथ्‍वीइ फय् वय्‌कादिल। अले लः बुलुहुं सुनावन।

भजनसंग्रहया सफू 136:23

झीपिं लडाइँलय् बूबलय् वय्‌कलं झीत लुमंकादिल, वय्‌कःया दया माया सदां दयाच्‍वनी।

भजनसंग्रहया सफू 5:3

हे परमप्रभु, सुथय् छिं जिगु सः न्‍यनादी। सुथय् सुथय् जिं छितः प्रार्थना याये, अले लिसः पियाच्‍वने।

१ शमूएल 2:11

अले एल्‍काना थःगु छेँ रामाय् लिहां वन। मचाम्‍ह शमूएल धाःसा पुजाहारी एलीं धाःकथं परमप्रभुया सेवा यायेत अन हे च्‍वन।

१ शमूएल 1:1

एफ्राइमया पहाडी देशयागु सूपया लागाया रामतैम शहरय् एल्‍काना नांयाम्‍ह छम्‍ह मनू दु। व यरोहामया काय्, एलीहूया छय्, तोहूया छुइ व सूपीया उइ खः। व एफ्राइम कुलयाम्‍ह खः।

१ शमूएल 7:17

तर व न्‍ह्याबलें रामाय् हे लिहां वइगु खः। छाय्‌धाःसा वयागु छेँ अन हे खः अले अनं नं वं इस्राएलीतय्‌गु न्‍याय याइगु खः। वं अन परमप्रभुया निंतिं छगू वेदी दय्‌कल।

यहोशू 18:25

गिबोन, रामा, बेरोत,

१ शमूएल 8:4

अथे जुयाः इस्राएलया सकलें थकालित मुनाः रामाय् शमूएलयाथाय् वल।

१ शमूएल 15:34

अनं लिपा शमूएल रामाय् वन, तर शाऊल थःगु छेँय् गिबाय् वन।

१ शमूएल 16:13

शमूएलं नेकुलिं चिकं कयाः वया दाजुपिनिगु न्‍ह्यःने हे वयात अभिषेक यात। उखुन्‍हुनिसें परमप्रभुया आत्‍मा दाऊदयाके वल। अनंलि शमूएल दनाः रामाया लँपु जुयाः वन।

१ शमूएल 19:18

दाऊद रामाय् शमूएलयाथाय् बिस्‍युं वन अले शाऊलं थःत गुकथं व्‍यवहार याःगु खः व फुक्‍क शमूएलयात धाल। अनंलि दाऊद व शमूएल नैयोतय् वनाः अन हे च्‍वन।

१ शमूएल 25:1

शमूएल सित अले सकलें इस्राएलीत मुनाः दुखं च्‍वन। इमिसं वयात रामाया थःगु हे छेँ लिक्‍कसं थुन। अनंलि दाऊद माओनया मरुभूमिइ क्‍वहां वन।

२ राजा 4:17

तर व मिसाया प्‍वाथय् दत। एलीशां धाःथें हे वं मेगु दँय् छम्‍ह काय् बुइकल।