१ शमूएल 1:16 - नेवाः बाइबल

¹⁶ छिं जितः ज्‍यालगय् मजूम्‍ह मिसा ताय्‌कादी मते। जिगु दुःख व कष्‍ट अप्‍वया वःगुलिं प्रार्थना यानाच्‍वनागु खः।”

१ शमूएल 1:16 ပူးပေါင်းရင်းမြစ်များ

भजनसंग्रहया सफू 55:2

जिगु सः न्‍यनाः लिसः बियादिसँ। जितः तःधंगु दुःखकष्‍टं ल्‍हाःवयाच्‍वंगु दु।

व्‍यवस्‍था 13:13

छिमिगु दथुं मभिंपिं पिहां वयाः थःगु शहरयापिं मनूतय्‌त “इमिसं न्‍हापा म्‍हमस्‍यूपिं द्यःतय्‌त पुजा याये नु” धकाः हेय्‌कूगु दु धइगु खँ छिमिसं न्‍यनेदत धाःसा

व्‍यवस्‍था 13:14

छिमिसं बांलाक न्‍यनेकने या, उकियात दुवालाः स्‍व। अले अज्‍याःगु घच्‍चाइपुस्‍से च्‍वंगु ज्‍या धात्‍थें जूगु खःसा अले दसि लुल धाःसा

१ शमूएल 1:15

हन्‍नाहं लिसः बिल, “अथे मखु, जिमि प्रभु! जि तसकं दुःखय् लाःम्‍ह मिसा खः। जिं छुं नं अय्‌ला त्‍वनागु मदु, जिं ला परमप्रभुया न्‍ह्यःने थःगु दुःख जक प्‍वंकागु खः।

१ शमूएल 1:17

एलीं लिसः बिल, “याउँक हुँ, अले इस्राएलया परमेश्‍वरं छं वय्‌कःयाके फ्‍वंगु खँ छन्‍त बियादीमा।”

१ शमूएल 10:27

तर इपिं मध्‍ये लुच्‍चात नं दु अले इमिसं धाल, “थ्‍व मनुखं झीत गथे यानाः बचय् याइ?” इमिसं शाऊलयात हेपय् यात अले छुं कोसेलि नं ज्‍वनाः मवः। अथेसां शाऊलं इमित छुं नं मधासे सुम्‍क च्‍वन।

१ शमूएल 2:12

एलीया काय्‌पिं लुच्‍चात खः, इमिसं परमप्रभुयात वास्‍ता मयाः।

१ शमूएल 25:25

जिमि मालिक, व लुच्‍चाम्‍ह मनूया च्‍यूताः तयादी मते। गथे वयागु नां नाबाल खः व अथे हे खः। वयागु नांया अर्थ ‘मूर्ख’ खः अले वयागु पहःचहः नं अथे हे च्‍वं। तर जिं छिकपिनि दासं धाःसा छपिन्‍सं छ्वयाहयादीपिं मनूतय्‌त खनागु मदु।