१ शमूएल 1:14 - नेवाः बाइबल

¹⁴ अले एलीं वयात धाल, “छं अय्‌लाखं काय्‌काः जुइगु गुबलय् त्‍वःताछ्वयेगु? छं त्‍वनेगु त्‍वःताछ्व!”

१ शमूएल 1:14 ပူးပေါင်းရင်းမြစ်များ

अय्‍यूब 11:14

छिगु ल्‍हातय् दुगु पाप तापाक तयादिल धाःसा, अले छुं मभिंगु छिगु छेँय् च्‍वने मबिल धाःसा,

अय्‍यूब 22:23

क्‍वमिलु जुयाः छि दक्‍व शक्ति दुम्‍ह परमेश्‍वरयाथाय् लिहां वल धाःसा, छितः हाकनं न्‍हापा थें हे याइगु जुइ। छिं थःगु पालं पापयात तापाक तयादिल धाःसा,

अय्‍यूब 8:2

“छिं गुबलय् तक थज्‍याःगु खँ ल्‍हानाच्‍वनादीगु? छिगु वचनत तसकं वःगु फय् जक खः।

भजनसंग्रहया सफू 62:3

क्‍वदलेत्‍यंगु पःखाः थें च्‍वंम्‍ह याकःचाम्‍ह मनूयात छिमिसं गुबलय् तक हय्‌कायाच्‍वनेगु?

हितोपदेश 4:24

मखुगु खँ ल्‍हाये मते, म्‍हुतुं गुबलें मज्‍यूगु, मत्‍यःगु खँ पिकाये मते।

हितोपदेश 6:9

हे अल्‍छीत! गुबलय् तक छिपिं अथे ग्‍वारातुलाच्‍वनेगु? गुबलय् दनेगु छिपिं?

प्रेरित 2:13

गुम्‍ह गुम्‍हय्‌सिनं गिजय् यानाः थथे धाल – “थ्‍वं काःपिं जुइ का, इपिं?”

प्रेरित 2:4

थुकथं इपिं फुक्‍कं पवित्र आत्‍मां जायाः वय्‌कःयागु शक्तिं इमिसं मेमेगु भाषां नवाना हल।

एफिसी 4:25

अय्‌जूगुलिं मखुगु खँ ल्‍हायेगु त्‍वःताः थःथवय् खःगु खँ जक ल्‍हाना जु, छाय्‌धाःसा झीपिं फुक्‍कं ख्रीष्‍टयागु म्‍हया छता छता म्‍हब्‍व खः।

एफिसी 4:31

बांमलाःगु खँ मतिइ तये मते, तं व ल्‍वापुख्‍यापु त्‍वःताछ्व। ईख यायेगु व मेपिन्‍त क्‍वह्यंका जुइगु त्‍वःताछ्व। मेपिन्‍त स्‍यंका जुइगु नं त्‍वःताछ्व।