१ शमूएल 1:11 - नेवाः बाइबल

¹¹ हन्‍नाहं थथे धयाः परमप्रभुयात भाकल यात, “हे दक्‍व शक्ति दुम्‍ह परमप्रभु, छिं थः दासीयागु दुःख थुइकाः थः दासीयात माया यानागु खः धयागु जूसा, छिं थः दासीयात ल्‍वःमंका मदी धयागु खःसा, थः दासीयात छम्‍ह काय् बियादिसँ अले जिं वयात वयागु जिवंकाछिया निंतिं छितः बी अले वयागु छेनय् गुबलें ख्‍वःचा लाइ मखु।”

१ शमूएल 1:11 ပူးပေါင်းရင်းမြစ်များ

उत्‍पत्ति 28:20

अले याकूबं थथे धयाः भाकल यात, “परमेश्‍वर जिलिसें दु धयागु खःसा, अले जितः जि वँवंथाय् बचय् यानादी, नके, त्‍वंके व पुंके यानादी धयागु खःसा,

उत्‍पत्ति 29:32

लेआया प्‍वाथय् दत, अले वं काय् बुइकल। वं व मचायागु नां थथे मतिइ तयाः रूबेन तल, “परमप्रभुं धात्‍थें हे जिगु दुःख खनादीगु दु। आः ला जितः जिमि भाःतं माया याइ।”

उत्‍पत्ति 30:22

अले परमेश्‍वरं राहेलयात लुमंकादिल। वयागु प्रार्थना न्‍यनाः वय्‌कलं वयात प्‍वाथय् दय्‌काबिल।

उत्‍पत्ति 8:1

अले परमेश्‍वरं नोआ व वलिसे जहाजय् दुपिं फुक्‍क जंगलय् च्‍वनीपिं व छेँय् लहीपिं पशुतय्‌त लुमंकादिल। वय्‌कलं पृथ्‍वीइ फय् वय्‌कादिल। अले लः बुलुहुं सुनावन।

२ शमूएल 16:12

सके थौं जितः परमप्रभुं थ्‍व सराःया पलेसा जिगु दुःखयात स्‍वयाः आशिष बियादी।”

भजनसंग्रहया सफू 25:18

जिगु फुक्‍क दुःख व कष्‍टयात बिचाः यानादिसँ, अले जितः जिगु फुक्‍क पापं क्षमा यानादिसँ।

प्रस्‍थान 4:31

मनूतय्‌सं इमित पत्‍याः यात। परमप्रभुं इस्राएलीतय्‌गु च्‍यूताः कयादी अले इमित जुयाच्‍वंगु सास्‍ती नं खंगु दु धकाः न्‍यनाः इमिसं परमप्रभुया न्‍ह्यःने थःगु छ्यं क्‍वछुकाः आराधना यात।

हितोपदेश 31:2

हे जिकाय्! जि न्‍हापांम्‍ह काय्! जिं भाकल यानाः दुम्‍ह काय्!

उपदेशक 5:4

छं परमेश्‍वरयात भाकल यायेबलय् व पूवंकेत लिबाके मते। मूर्खनापं वय्‌कः लय्‌तायादी मखु। छं थःगु भाकल पूवंकि।

लेवी 27:2

“इस्राएलीतय्‌त धा, ‘सुं मनुखं भाकल पूवंकेत परमेश्‍वरयात सुं मनू देछाल धाःसा व मनूयागु मू थुकथं क्‍वःछ्यु।

गन्‍ती 21:2

इस्राएलीतय्‌सं परमप्रभुयात थथे भाकल यानाः प्रार्थना यात, “छिं धात्‍थें हे थ्‍व मनूतय्‌त जिमिगु ल्‍हातय् बियादिल धाःसा जिमिसं इमित, इमिगु शहरतय्‌त छितः शर्त मतसें लःल्‍हाये अले इमित नाश याये।”

गन्‍ती 6:11

सीम्‍ह मनूया न्‍ह्यःने दुगु जुयाः दोष लाःगुलिं पुजाहारीं वयागु निंतिं प्रायश्‍चित यायेत छम्‍ह पापबलि व छम्‍ह होमबलिकथं छायेमाः। उखुन्‍हु हे वं थःगु छ्यं नं शुद्ध यायेमाः।

गन्‍ती 6:5

“‘वं ग्‍वःन्‍हु तक अलग जुइगु भाकल याःगु खः वन्‍हु तक वं थःगु छेनय् ख्‍वःचा मछ्यलेमाः, गुबलय् तक परमप्रभुया निंतिं थःत अलग तइ, व ई पूमवंतले व शुद्ध जुयाच्‍वनेमाः। वं थःगु सँ ताहाकः जुइके बीमाः।

गन्‍ती 6:8

नाजिरी जुयाच्‍वंतले व परमप्रभुयात देछानातःम्‍ह जुइ।

न्‍यायकर्ता 11:30

अले यिप्‍तां थ्‍व भाकल यानाः धाल, “छिं अम्‍मोनीतय्‌त जिगु ल्‍हातय् बियादिल धाःसा

न्‍यायकर्ता 13:5

छाय्‌धाःसा छं प्‍वाथय् दयाः छम्‍ह काय् बुइकी। वयागु सँ गुबलें चाये मते, छाय्‌धाःसा व मचा बूखुन्‍हुंनिसें हे परमेश्‍वरया निंतिं अलग तःम्‍ह नाजिरी जुइ। वं हे इस्राएलयात पलिश्‍तीतय्‌गु ल्‍हातं त्‍वःतकेगु ज्‍या शुरु याइ।”

१ शमूएल 1:10

हन्‍नाहं ख्‍वख्‍वं तसकं दुःखी जुयाः परमप्रभुयात प्रार्थना यात।

१ शमूएल 1:12

वं ताःई तक परमप्रभुया न्‍ह्यःने प्रार्थना याना हे च्‍वन। एलीं वयागु म्‍हुतु संगु खन।

१ शमूएल 1:19

कन्‍हय् खुन्‍हु सुथ न्‍हापां दनाः एल्‍काना व वया परिवार परमप्रभुया आराधना यायेधुंकाः थःगु छेँ रामाय् लिहां वन। अले एल्‍काना व वया कलाः हन्‍नाहया दथुइ लसपस जुल, अले परमप्रभुं हन्‍नाहयात लुमंकादिल।

१ शमूएल 1:22

थुपालय् हन्‍नाह धाःसा इपिं नापं मवं। अले थः भाःतयात धाल, “मचायात मांया दुरु त्‍वंकेगु त्‍वःतके धुंकाः जिं वयात परमप्रभुया न्‍ह्यःने नापलायेगु पालय् यंकाः लःल्‍हाये व अन सदांया निंतिं च्‍वनीगु जुइ।”

१ शमूएल 1:27

थ्‍व हे काय्‌या निंतिं जिं प्रार्थना यानागु खः अले जिं परमप्रभुयाके फ्‍वनागुकथं वय्‌कलं जितः बियादिल।

१ शमूएल 1:28

अथे जुयाः जिं थ्‍वयात परमप्रभुयात हे लःल्‍हाये। थ्‍व जिवंकाछिया निंतिं परमप्रभुयाम्‍ह हे जुइ।” अले इमिसं अन परमप्रभुया आराधना यात।

१ शमूएल 2:20

एलीं एल्‍काना व वया कलाःयात सुवाः बियाः थथे धाइगु, “छिमिसं परमप्रभुयाके फ्‍वंम्‍ह थ्‍व काय्‌या पलेसा परमप्रभुं छिमित थ्‍व मिसापाखें मचाखाचात बीमाः।” अले इपिं थःगु छेँ लिहां वनीगु जुयाच्‍वन।