१ शमूएल 1:10 - नेवाः बाइबल

¹⁰ हन्‍नाहं ख्‍वख्‍वं तसकं दुःखी जुयाः परमप्रभुयात प्रार्थना यात।

१ शमूएल 1:10 ပူးပေါင်းရင်းမြစ်များ

उत्‍पत्ति 30:1

राहेलं याकूबयात मचा बुइकाबी मफुगुलिं वया थः ततालिसे नुगः मुल। अले वं याकूबयात धाल, “जितः नं मस्‍त दय्‌काब्‍यु। मखुसा जि सिनावने।”

उत्‍पत्ति 50:10

यर्दन लिक्‍क च्‍वंगु आतादया छ्व पाइगु ख्‍यलय् थ्‍यंसेंलि इमिसं तसकं दुःख यानाः ख्‍वल। योसेफ अन थः बौया न्‍हय्‌न्‍हुया दुःखं च्‍वन।

२ शमूएल 13:36

वं थथे धयाच्‍वच्‍वं हे जुजुया काय्‌पिं दुने थ्‍यंकः वल। अले इपिं तसकं ख्‍वयाः विलाप यात। जुजु व वया च्‍यःत नं ह्वाँय्‌ह्वाँय् ख्‍वल।

२ शमूएल 17:8

छिसं हे धयादिसँ, छपिनि अबु दाऊद व वया सिपाइँत तसकं बल्‍लाःपिं खः। इपिं ला थः मचा लाका यंकूम्‍ह मिसाम्‍ह भालू थें ग्‍यानापुसे च्‍वंगु दु। छिकपिनि अबु सःस्‍यूम्‍ह तसकं बल्‍लाःम्‍ह सिपाइँ खः। चान्‍हय् व थः मनूतनापं द्यनी मखु।

२ राजा 20:3

“हे परमप्रभु, जिं दुनुगलंनिसें छिगु विश्‍वासबहः जुयाः छिगु सेवा यानागु खँ लुमंकादिसँ। जिं छितः यःगु ज्‍या हे यानावयाच्‍वनागु दु।” अले हिजकिया ह्वाँय्‌ह्वाँय् ख्‍वल।

अय्‍यूब 10:1

“जितः थःगु जीवन हे घच्‍चाये धुंकल। उकिं जिं थःगु दुःख पना मतसें प्‍वंके, जिं थःगु नुगःयागु पीर कने।

अय्‍यूब 7:11

अथे जुयाः जि सुम्‍क च्‍वने मखु, जि पीर दुगु मनं हाले, जिगु तं दुगु प्राणं उजुर याये।

अय्‍यूब 9:18

जितः हाकनं सासः ल्‍हाके नं बी मखु। वय्‌कलं जिगु जीवन हे म्‍हाइपुका ब्‍यूगु दु।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

भजनसंग्रहया सफू 91:15

इमिसं जितः सःतीबलय् जिं इमित लिसः बी, इमित दुःख जुइबलय् जि इपिंनापं च्‍वने, जिं इमित बचय् याये, अले इज्‍जत याये।

हितोपदेश 14:10

थःगु दुःखसुख धयागु थःम्‍हं हे जक सी, मेपिन्‍सं इनाकाये फइ मखु।

यशैया 38:15

तर आः जिं छु धायेफु धकाः? वय्‌कः जिनापं न्‍ववानादिल अले वय्‌कलं हे थथे यानादिल, जिगु प्राणया धन्‍दाया कारणं जि जिगु जिवंकाछि क्‍वमिलु जुये।

यशैया 54:6

त्‍वःतातःम्‍ह व थःगु आत्‍माय् दुःख ताय्‌काच्‍वंम्‍ह, ल्‍यासेबलय् ब्‍याहा यानाः नं भाःतं त्‍वःतूम्‍हय्‌सित थें छन्‍त हाकनं परमप्रभुं सःतादीगु दु,” परमप्रभुं धयादी।

यर्मिया 13:17

तर छिमिसं ध्‍यान बियाः मन्‍यन धाःसा छिपिं तःधंछु जूगुलिं जि याकःचा ख्‍वये। परमप्रभुया बथांयात ज्‍वना यंकूगु जुयाः जि ह्वाँय्‌ह्वाँय् ख्‍वये, अले जिगु मिखां ख्‍वबिया धाः पिहां वइ।

यर्मिया 22:10

सी धुंकूम्‍ह जुजुया लागि ख्‍वये मते वा वयागु लागि नुगः मछिंके मते। बरु ज्‍वनायंकूम्‍ह मनूया लागि ह्वाँय्‌ह्वाँय् ख्‍व, छाय्‌धाःसा व हाकनं लिहां वइ मखु। वं थः जन्‍म जूगु देश हाकनं खनी मखु।

विलाप 3:15

वय्‌कलं जितः खायुगु वासलं जाय्‌कादिल, अले पित्त त्‍वंकादिल।

लूका 22:44

अले नुगलय् तसकं हीसे च्‍वनाः नुगः हे ह्वगनि थें च्‍वंगुलिं वय्‌कलं झन तसकं मन बियाः प्रार्थना यानादिल। वय्‌कःयागु चःति हि थें ततःफुति जुयाः बँय् तिकि ननाच्‍वन।

हिब्रू 5:7

संसारय् दीबलय् हे येशूं मिखाय् ख्‍वबि हाय्‌काः थःत हानं म्‍वाका दीम्‍हय्‌सित बिन्‍ति व प्रार्थना यानादिल। वय्‌कः क्‍वमिलुम्‍ह जूगुलिं व बाःयात दुनुगलंनिसें मानय् यानादीम्‍ह जूगुलिं वय्‌कःयागु बिन्‍ति व प्रार्थना परमेश्‍वरं न्‍यनादिल।

न्‍यायकर्ता 21:2

आः ला इपिं बेथेलय् वनाः ह्वाँय्‌ह्वाँय् ख्‍वख्‍वं सन्‍ध्‍याकाः ई तक परमेश्‍वरया न्‍ह्यःने च्‍वनाच्‍वन।

रुथया सफू 1:20

वं धाल, “जितः नाओमी धाये मते। जितः मारा धा, छाय्‌धाःसा दक्‍व शक्ति दुम्‍ह परमेश्‍वरं जिगु जीवन तसकं म्‍हाइपुका बियादीगु दु।

१ शमूएल 1:11

हन्‍नाहं थथे धयाः परमप्रभुयात भाकल यात, “हे दक्‍व शक्ति दुम्‍ह परमप्रभु, छिं थः दासीयागु दुःख थुइकाः थः दासीयात माया यानागु खः धयागु जूसा, छिं थः दासीयात ल्‍वःमंका मदी धयागु खःसा, थः दासीयात छम्‍ह काय् बियादिसँ अले जिं वयात वयागु जिवंकाछिया निंतिं छितः बी अले वयागु छेनय् गुबलें ख्‍वःचा लाइ मखु।”

१ शमूएल 1:9

छकः शीलोमय् नयेत्‍वने यायेधुंकाः हन्‍नाह दन। उबलय् एली पुजाहारी परमप्रभुया नापलायेगु पालया ध्‍वाखाय् लिक्‍कसं थःगु थासय् च्‍वनाच्‍वंगु खः।