१ शमूएल 1:1 - नेवाः बाइबल

¹ एफ्राइमया पहाडी देशयागु सूपया लागाया रामतैम शहरय् एल्‍काना नांयाम्‍ह छम्‍ह मनू दु। व यरोहामया काय्, एलीहूया छय्, तोहूया छुइ व सूपीया उइ खः। व एफ्राइम कुलयाम्‍ह खः।

१ शमूएल 1:1 ပူးပေါင်းရင်းမြစ်များ

१ राजा 11:26

जेरेदायाम्‍ह छम्‍ह एफ्राइमी नबातया काय् यारोबाम नं जुजुया विरोधय् विद्रोही जुल। व सोलोमनया अधिकृत खः। वया मां विधवा सेरूआ खः।

१ इतिहास 6:12

अहीतूब सादोकया बाः खः। सादोक शल्‍लूमया बाः खः।

१ इतिहास 6:22

थुपिं कहातया सन्‍तान खः – अम्‍मीनादाब कहातया काय् खः। कोरह अम्‍मीनादाबया काय् खः। अस्‍सीर कोरहया काय् खः।

१ इतिहास 6:33

थःकाय्‌पिंलिसें मिलय् जुयाः सेवा याइपिं मनूत थुपिं हे खः – कहात वंशयाम्‍ह म्‍ये स्‍यनीम्‍ह हेमान। हेमान योएलया काय् खः। योएल शमूएलया काय् खः।

१ इतिहास 6:34

शमूएल एल्‍कानाया काय् खः। एल्‍काना यरोहामया काय् खः। यरोहाम एलीएलया काय् खः। एलीएल तोहया काय् खः।

मत्ती 27:57

सन्‍ध्‍याकाः इलय् अरिमाथिया धाःगु थासय् च्‍वंम्‍ह योसेफ धाःम्‍ह छम्‍ह तःमिम्‍ह मनू अन वल। व नं येशूया चेला खः।

यहोशू 24:33

हारूनया काय् एलाजार नं सित। व शहर एफ्राइमया पहाडी देशय् वया काय् पीनहासयात ब्‍यूगु खः। अले वयात गिबाय् थुनाबिल।

न्‍यायकर्ता 12:5

गिलादीतय्‌सं एफ्राइमपाखे वनेत यर्दन खुसि छीगु थाय्‌त त्‍याका काल। अले सुं बचय् जूम्‍ह एफ्राइमी वयाः “जितः खुसिया उखे वनेब्‍यु” धाःसा गिलादयापिं मनूतय्‌सं वयात “छु छ एफ्राइमी खः?” धकाः न्‍यनीगु। वं “मखु” धाल धाःसा

न्‍यायकर्ता 17:1

एफ्राइमया पहाडी देशय् मीका धाःम्‍ह छम्‍ह मनू दु।

न्‍यायकर्ता 19:1

उगु इलय् इस्राएलय् जुजु धयापिं हे मदुनि। छन्‍हु एफ्राइमया पहाडी देशयागु तसकं वने थाकुगु थासय् च्‍वनीम्‍ह छम्‍ह लेवीं यहूदाया बेथलेहेमं छम्‍ह मथ्‍याःम्‍ह कलाः हल।

न्‍यायकर्ता 4:5

व एफ्राइमया पहाडी देशय् रामा व बेथेलया दथुइ दुगु दबोराया ताय्‌गः सिमा क्‍वय् च्‍वनीगु। इस्राएलीत वयाथाय् न्‍यायया निंतिं वइगु खः।

रुथया सफू 1:2

व मनूया नां एलीमेलेक खः, वया कलाःया नां नाओमी अले वया निम्‍ह काय्‌पिनिगु नां महलोन व किल्‍योन खः। इपिं यहूदाया बेथलेहेमयापिं एप्रातीत खः। इपिं मोआब देशय् वनाः अन च्‍वन।

रुथया सफू 4:22

ओबेदया काय् यिशै खः। यिशैया काय् दाऊद खः।

१ शमूएल 1:19

कन्‍हय् खुन्‍हु सुथ न्‍हापां दनाः एल्‍काना व वया परिवार परमप्रभुया आराधना यायेधुंकाः थःगु छेँ रामाय् लिहां वन। अले एल्‍काना व वया कलाः हन्‍नाहया दथुइ लसपस जुल, अले परमप्रभुं हन्‍नाहयात लुमंकादिल।

१ शमूएल 17:12

आः दाऊद यिशै धाःम्‍ह एप्रातीया काय् खः। व यहूदाया बेथलेहेमय् च्‍वंम्‍ह खः। यिशैया च्‍याम्‍ह काय्‌पिं दु। शाऊलया इलय् व बःमलाय् धुंकूम्‍ह व बुरा जुइ धुंकूम्‍ह खः।

१ शमूएल 2:11

अले एल्‍काना थःगु छेँ रामाय् लिहां वन। मचाम्‍ह शमूएल धाःसा पुजाहारी एलीं धाःकथं परमप्रभुया सेवा यायेत अन हे च्‍वन।

१ शमूएल 7:17

तर व न्‍ह्याबलें रामाय् हे लिहां वइगु खः। छाय्‌धाःसा वयागु छेँ अन हे खः अले अनं नं वं इस्राएलीतय्‌गु न्‍याय याइगु खः। वं अन परमप्रभुया निंतिं छगू वेदी दय्‌कल।

१ शमूएल 9:4

व एफ्राइमया पहाडय् च्‍वंगु देश जुयाः शलीशाया जिल्‍लाय् वन तर अनं नं वं लुइके मफुत। इपिं शालीमया जिल्‍ला जुयाः वन तर गधात अन नं लुइके मफुत। इपिं बेन्‍यामीनया इलाका जुयाः वन अथेसां इमिसं गधात लुइके हे मफुत।

१ शमूएल 9:5

इपिं सूपया जिल्‍लाय् थ्‍यंकः वन। शाऊलं थःनापं वःम्‍ह च्‍यःयात धाल, “थन वा! झीपिं छेँय् लिहां वनेनु। मखुसा जिमि बौनं गधाया धन्‍दा कायेगु त्‍वःताः झीगु धन्‍दा कयाच्‍वनी।”