१ पत्रुस 5:5 - नेवाः बाइबल

⁵ क्‍वकालिपिं मनूतय्‌सं थकालिपिं मनूतय्‌त मानय् यायेमाः। थथःम्‍हं तुं तःधं जुया जुइगु बांमलाः। अय्‌जूगुलिं ग्‍वाहालि याये माःपिन्‍त छिमिसं ग्‍वाहालि या। थ्‍व हे खँ धर्मशास्‍त्रय् नं थथे च्‍वयातःगु दु – “परमेश्‍वरं तःधंछुना जुइपिनिगु विरोध यानादी, क्‍वमिलुपिन्‍त धाःसा दया यानादी।”

१ पत्रुस 5:5 ပူးပေါင်းရင်းမြစ်များ

२ इतिहास 6:41

“हे परमप्रभु परमेश्‍वर, दनाः छि थःगु शक्तिया सनूनापं थःगु आरामया थासय् झासँ। हे परमप्रभु परमेश्‍वर छिकपिनि पुजाहारीतय्‌त उद्धारया वसः फिकादिसँ। छु भिंगु खः, उकी छिकपिनि मनूत लय्‌तायाच्‍वनेमा।

अय्‍यूब 22:29

मनूतय्‌त क्‍वह्यंकीबलय् छिं थथे धयादी, ‘थुमित थकयादिसँ!’ अले वय्‌कलं क्‍वह्यकांतःपिन्‍त बचय् यानादी।

अय्‍यूब 29:14

जिं धार्मिकतायात वसः थें फिना, इन्‍साफयात जिं जिगु वसः व फेटा थें पुना।

भजनसंग्रहया सफू 132:16

थनयापिं पुजाहारीतय्‌त जिं उद्धारया वसः फीकाबी, अले थनच्‍वंपिं विश्‍वास यायेबहःपिं मनूतय्‌सं लय्‌लय्‌तातां म्‍ये हाली।

भजनसंग्रहया सफू 132:9

छिकपिनि पुजाहारीत धर्मी जुइमा। अले छिकपिनि विश्‍वास यायेबहःपिं मनूतय्‌सं लय्‌लय्‌तातां म्‍ये हालेमा।

भजनसंग्रहया सफू 138:6

परमप्रभु तःधंम्‍ह जूसां वय्‌कलं क्‍वत्‍यका च्‍वनेमाःपिन्‍त स्‍वयादी। तःधंछुया जुइपिन्‍त धाःसा वय्‌कलं तापाक्‍कं हे म्‍हस्‍यू।

हितोपदेश 25:7

जुजुं थःम्‍हं हे सःताः आसनय् फ्‍यतुकूगु बांलाः तःधंपिं मनूतय्‌गु न्‍ह्यःने क्‍वह्यंकाः च्‍वनेगु स्‍वयाः।

हितोपदेश 3:34

वय्‌कलं तःधंछुना जुइपिन्‍त वास्‍ता यानादी मखु, क्‍वमिलुपिन्‍त धाःसा दया यानादी।

यशैया 57:15

छाय्‌धाःसा सदां म्‍वानाच्‍वनादीम्‍ह, तच्‍वकं मानय् याये बहःम्‍ह, गुम्‍हय्‌सिगु नां पवित्र खः, वय्‌कलं धयादी, “जि दक्‍वसिबय् च्‍वय् पवित्रगु थासय् च्‍वनीम्‍ह खः, तर जि पश्‍चातापी व क्‍वमिलुपिंनापं नं च्‍वनीम्‍ह खः, अले जिं क्‍वमिलुया आत्‍मां छिमित बल्‍लाकाबी, अले पश्‍चातापयागु नुगःयात नं बल्‍लाकाबी।

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

यशैया 66:2

छु थःगु हे ल्‍हातं जिं आकाश व पृथ्‍वी दय्‌कागु मखु ला? अले फुक्‍कं थथे जू वःगु मखु ला? परमप्रभुं घोषणा यानादी। “आत्‍माय् चीमि खनीपिं व नुगः ख्‍वःपिन्‍त अले जिगु वचनय् थरथर खाइपिन्‍त जिं दयां स्‍वये।

इजकिएल 26:16

अबलय् समुद्रया सिथय् दुगु देशयापिं फुक्‍कं शासकतय्‌सं थथःगु सिंहासनं क्‍वहां वयाः थथःगु वसः त्‍वइ, बुत्ता भरय् यानातःगु वसः त्‍वइ। ग्‍यानाः इपिं थुरथुर खाइ। इपिं बँय् च्‍वनाः थरथर खायाच्‍वनी, अले छ खनाः वातां जुइ।

दानिएल 11:12

थथे व सेनायात बुके धुंकाः व तःधंछु जुइ अले वं द्वलंद्वः मनूतय्‌त स्‍याइ। अय्‌नं तःन्‍हु तक त्‍याना च्‍वनी मखु।

लेवी 19:32

“‘बुराबुरी मनूतय्‌गु न्‍ह्यःने दनाः इमिगु हनाबना तयेमाः। अले थः परमेश्‍वरया भय कायेगु। जि परमप्रभु छिमि परमेश्‍वर खः।

लूका 22:26

छिमिसं धाःसा अथे यायेदइ मखु, बरु छिपिं मध्‍ये सु दकलय् तःधंम्‍ह खः वं दकलय् चिधंम्‍ह जुयाः क्‍यनेमाः। अले छिमि नायः सु खः वं ला झन फुक्‍कसियां च्‍यः जुयाः ज्‍या यायेमाः।

रोमी 12:10

छिपिं विश्‍वासी दाजुकिजापिं थःथवय् दुनुगलंनिसें माया याना च्‍वँ। थःथवय् हनाबना तया च्‍वँ।

रोमी 13:14

थथे मयासें बरु न्‍ह्यागु याःसां प्रभु येशू ख्रीष्‍टयात यय्‌क जक याना च्‍वँ। थः यःथें जक याना जुइ मते।

एफिसी 5:21

ख्रीष्‍टयात मानय् यानाच्‍वंपिं जुयाः छिमिसं छम्‍हं मेम्‍हय्‌सिगु खँ न्‍यनेगु या।

फिलिप्‍पी 2:3

थःगु जक भिं स्‍वयाः तःधंछुना जुइ मते। बरु थःथवय् क्‍वमिलु जुयाः मेपिं स्‍वयाः चिधं जुया जु।

कलस्‍सी 3:12

छिपिं परमेश्‍वरं ल्‍ययातःपिं पवित्रपिं व वय्‌कःया यःपिं मनूत खः। उकिं छिमिसं दया माया यायेगु, क्‍वमिलु जुइगु, स्‍वजा जुइगु, सह यानाच्‍वनेगु यायेमाः।

१ तिमोथी 5:1

थः स्‍वयाः थकालिपिन्‍त ब्‍वःबी मते। इमित छुं धाये माःसा थः बौयात थें धा। थः स्‍वयाः क्‍वकालिपिन्‍त किजापिन्‍त थें व्‍यवहार या।

हिब्रू 13:17

छिमिसं मण्‍डलीया थकालिपिनिगु खँ न्‍यँ, अले इमिसं धाःथें च्‍वँ, छाय्‌धाःसा इमिसं थःगु ज्‍याया ल्‍याःचाः परमेश्‍वरयात क्‍यनेमाःगुलिं छिमित बांलाक हेरचाह याना तइ। इमित थःगु ज्‍या लसतां याकेब्‍यु, इमित नुगलय् स्‍याके मते। मखुसा छिमित हे बांलाइ मखु।

याकूब 4:6

परमेश्‍वरं अज्‍ज यक्‍व दया माया यानादी। धर्मशास्‍त्रय् थथे च्‍वयातःगु दु – “परमेश्‍वरयात तःधंछुया जुइपिं मनूत मयः। चिधंछुया जुइपिं मनूतय्‌त धाःसा वय्‌कलं यक्‍व दया माया यानादी।”

१ पत्रुस 3:8

मू खँ छु धाःसा, छिपिं सकलें छगू मनयापिं, क्‍वमिलु, दाजुकिजापिं थें थःथवय् माया याइपिं व सकसितं दया माया याइपिं जुयाच्‍वँ।

१ पत्रुस 4:1

ख्रीष्‍टं शरीरय् दुःख सियादी थें तुं छिपिं नं सीमाःसां लिचिले मते, छाय्‌धाःसा सुनां शरीरय् दुःख फइ, वं पाप यायेगु त्‍वःती।

१ पत्रुस 4:5

इमिसं सी धुंकूपिन्‍त नं म्‍वानाच्‍वंपिन्‍त नं न्‍याय यानादीम्‍ह परमेश्‍वरयात लिसः बी माली।