१ पत्रुस 5:4 - नेवाः बाइबल

⁴ अले लिपा मूलम्‍ह फैजवाः येशू ख्रीष्‍ट झाइबलय् छिमिसं गुबलें नाश जुइ मखुगु श्रीपेच कायेखनी।

१ पत्रुस 5:4 ပူးပေါင်းရင်းမြစ်များ

भजनसंग्रहया सफू 23:1

परमप्रभु जिमि जवाः खः, जितः छुं मगाःमचाः जुइ मखु।

यशैया 40:11

वय्‌कलं थःगु फैच्‍वलय्‌या बथांयात फैजवालं थें ज्‍वयादी। वय्‌कलं चिचीधिकःपिं भ्‍याःचातय्‌त थःगु मुलय् कयादी अले इमित थःगु हे नुगःया लिक्‍क पाछायादी। वय्‌कलं तसकं चिचीधिकःपिं फैचा दुपिन्‍त बुलुहुं ज्‍वयादी।

इजकिएल 34:23

जिं इमि छम्‍ह हे जक फैजवाः जुइत जिम्‍ह दास दाऊदयात ल्‍यये। वं इमित स्‍वइ, व इमि फैजवाः जुइ।

इजकिएल 37:24

“‘जिम्‍ह दास दाऊद इमि जुजु जुइ, इमि छम्‍ह हे फैजवाः जुइ। इमिसं जिगु नियम पालन याइ, अले जिगु विधित पालन यानाः वकथं जुइ।

दानिएल 12:3

बुद्धि दुपिं आकाश थीगु थें थी, अले यक्‍वसित धर्मया लँपुइ यंकीपिं न्‍ह्याबलेंया लागि नगु थें थी।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

यूहन्‍ना 10:11

“जि भिंम्‍ह फैजवाः खः। भिंम्‍ह फैजवालं फैतय्‌गु निंतिं सीत तकं लिफः स्‍वइ मखु।

१ कोरिन्‍थी 9:25

न्‍ह्यागु कासाय् ब्‍वति काइपिं मनूतय्‌सं न्‍हापा लाकाः नाश जुया वनीगु सिरपाः कायेत न्‍हियान्‍हिथं कुतः यानाच्‍वनी। अथे हे झीसं नं नाश जुया मवनीगु सिरपाः कायेत कुतः याये।

२ तिमोथी 4:8

आः ला धर्मी ठहरय् जूपिन्‍त धकाः तयातःगु श्रीपेच जक काये ल्‍यंदनि, गुगु सुयागुं ख्‍वाः मस्‍वसे न्‍याय यानादीम्‍ह प्रभुं झायाः पुइकादी। जितः जक मखु, वय्‌कः झाइगु यःपिं फुक्‍कसितं वय्‌कलं व श्रीपेच पुइकादी।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

याकूब 1:12

दुःखकष्‍ट जुयाच्‍वंबलय् नं परमेश्‍वरयाके भरोसा तयाच्‍वंम्‍ह मनू धन्‍यम्‍ह खः। अथे दुःखकष्‍ट सीधुंकाः वयात परमेश्‍वरं वय्‌कःयात माया याःपिन्‍त बी धकाः धयादीगु जीवनयागु श्रीपेच बियादी।

१ पत्रुस 1:4

परमेश्‍वरं वय्‌कःया मनूतय्‌त स्‍वर्गय् गुबलें आशां मद्याइगु, न्‍हना मवनीगु, फुना मवनीगु सम्‍पत्ति तयादीगु दु।

१ पत्रुस 2:25

न्‍हापा छिपिं तंपिं फैचात थें जुयाच्‍वंगु खः। आः छिपिं थः जवाः व सुसाःकुसाः याइम्‍हय्‌सिथाय् वय्‌कः नाप जुइत लिहां वये धुंकल।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।

१ यूहन्‍ना 3:2

अय् जि यःपिं मस्‍त, आः ला झीपिं परमेश्‍वरया सन्‍तान खः धकाः झीसं स्‍यू। अय्‌नं लिपा झीपिं गज्‍याःपिं जुइ धयागु खँ झीत कना मदीनि। अय्‌सां ख्रीष्‍ट झायादीबलय् झीपिं वय्‌कः थें हे जुइतिनि धकाः झीसं स्‍यू। अले तिनि वय्‌कः गथे च्‍वं धकाः झीसं खनी।

प्रकाश 1:7

“स्‍व, वय्‌कः सुपाँचय् झायादी तिनि, फुक्‍कसिगु मिखां खनीतिनि, वय्‌कःयात भालां सूपिन्‍सं नं खनी। अले संसारय् च्‍वंपिं फुक्‍क जातियापिं मनूत वय्‌कःयात खनाः नुगः दादां ख्‍वये मालीतिनि। थथे ला जु हे जुइ। आमेन!”

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।

प्रकाश 3:11

जि याकनं वयेत्‍यनागु दु, उकिं छिमिके दुगु त्‍वःफिके मते। अले जक छिमित बीगु श्रीपेच सुनानं लाकाकाये फइ मखु।