१ पत्रुस 5:3 - नेवाः बाइबल

³ छिमिगु ल्‍हातय् त्‍वःता तःपिन्‍त क्‍वत्‍यलेगु स्‍वये मते, बरु इमिगु न्‍ह्यःने थः हे नमूना जुयाब्‍यु।

१ पत्रुस 5:3 ပူးပေါင်းရင်းမြစ်များ

भजनसंग्रहया सफू 33:12

धन्‍य खः व जातिया मनूत, गुगु जातिया परमेश्‍वर परमप्रभु खः। इपिं धन्‍यपिं खः, सुयात परमप्रभुं थः सर्बय जुइत ल्‍ययादिल।

भजनसंग्रहया सफू 74:2

छिं तःदँ न्‍ह्यः थः सर्बय यायेत ल्‍ययादीपिन्‍त लुमंकादिसँ। अले थःगु जाति यायेत मू पुलाः त्‍वःतकादीपिं मनूतय्‌त लुमंकादिसँ। छि थः च्‍वनादीगु सियोन पर्वत व यरूशलेमयात नं लुमंकादिसँ।

इजकिएल 34:4

छिमिसं बमलाःपिन्‍त बल्‍लाकूगु मदु, बिरामीतय्‌त लाय्‌कूगु मदु, घाःपाः जूपिन्‍त मलम बुलाः पट्टी तयाब्‍यूगु मदु। छिमिसं लँ द्वंकुपिन्‍त खःगु लँय् हःगु मदु, तनाच्‍वंपिन्‍त माःगु मदु। छिमिसं इमित बल व जबरजस्‍तिं शासन याःगु दु।

मीका 7:14

हे परमप्रभु, छिं कथि ज्‍वनाः थः प्रजायात ज्‍वयादिसँ, नायुगु ख्‍यलय् व गुँइच्‍वनीपिं छिगु सर्बयया फैच्‍वलय्‌त ज्‍वयादिसँ। कर्मेल डाँडाया गुँइ याकःचा च्‍वंनाच्‍वंसां इपिं न्‍हापा थें हे बाशान व गिलादय् च्‍वंगु घाँय्‌ख्‍यलय् वनाः ज्‍वयेमा।

गन्‍ती 18:7

अय्‌नं छ व छिमि काय्‌पिन्‍सं जक वेदी व पवित्र पालया दुने वनाः पुजाहारीया ज्‍या याये फइ। जिं छिमित पुजाहारीया ज्‍या कोसेलिकथं बियागु दु। मेपिं सुं मनू अन वल धाःसा वयात स्‍यानाछ्वयेमाः।”

यूहन्‍ना 13:15

जिं याना थें छिमिसं नं यायेमा धकाः जिं याना क्‍यनागु खः।

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

१ कोरिन्‍थी 11:11

अथेजूसां प्रभुया न्‍ह्यःने मिसातय्‌त मिजंत मदय्‌क मगाः, अले हानं अथे हे मिजंतय्‌त मिसात मदय्‌क मगाः।

१ कोरिन्‍थी 3:5

अपोल्‍लोस धाःम्‍ह सु खः धकाः? अथे हे पावल धाःम्‍ह सु खः धकाः? जिपिं निम्‍हं छिमित प्रभुयागु भिंगु खँ कनाः विश्‍वास याकापिं परमेश्‍वरया च्‍यःत जक खः। प्रभुं जिमित याकेबियादी थें जिमिसं यानाच्‍वनागु खः।

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

२ कोरिन्‍थी 1:24

छिमिगु विश्‍वासयात जिमिसं थःगु ल्‍हातय् कायेत स्‍वयागु मखु। छिमिसं क्‍वात्तुक विश्‍वास यानाच्‍वंगु दु। छिमित लय्‌ताय्‌केत हे जिपिं छिपिंनाप ज्‍या यानाच्‍वनागु खः।

२ कोरिन्‍थी 4:5

थथे जिमिसं “जिपिं तःधं” धकाः न्‍यंकागु मखु, बरु येशू ख्रीष्‍ट “प्रभु खः” धकाः न्‍यंकागु खः। अय्‌जूगुलिं येशूयागु निंतिं जिपिं छिमि दासत थें जुयाच्‍वनागु दु।

व्‍यवस्‍था 32:9

परमप्रभुया थःगु ब्‍व वय्‌कःया मनूत खः, याकूब वय्‌कःया सर्बयया ब्‍व खः।

फिलिप्‍पी 3:17

यःपिं दाजुकिजापिं, छिमिसं नं जिं थें या। गथे जिपिं छिमिगु निंतिं नमूना जुया, अथे याइपिं मेपिनिगुपाखें नं स्‍यना का।

फिलिप्‍पी 4:9

जिं यानागु छिमिसं न्‍यनातःगु व थः नालाकया तःगु हे दु। अले जिं छिमित स्‍यना बियागु व थुइका बियागु नं दु। छिमिसं नं अथे हे याना च्‍वँ। अले शान्‍ति बियादीम्‍ह परमेश्‍वर छिपिंनाप दइ।

१ थेसलोनिकी 1:7

अथे जूगुलिं छिपिं माकेडोनिया व अखैयाय् च्‍वंपिं विश्‍वासीतय्‌गु निंतिं नमूना थें जुल।

२ थेसलोनिकी 3:9

जिमिसं छिमिगु नये मथ्‍याः धकाः थथे यानागु मखु, बरु छिमिसं नं अथे हे यायेमा धकाः क्‍यनेत अथे यानागु खः।

१ तिमोथी 4:12

सुनानं छंगु ल्‍याय्‌म्‍हसूयात हेबाय्‌चबाय् याये मफयेमा, बरु छं खं, चालचलनं, मायां, विश्‍वासं व शुद्ध जुयाः इमि न्‍ह्यःने नमूना जुयाः क्‍यँ।

तीतस 2:7

छं थःम्‍हं हे भिंगु ज्‍या यानाः इमिगु न्‍ह्यःने नमूना जुयाः क्‍यँ। स्‍यनेकने यायेबलय् खःगु, दुग्‍यंगु व

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।