१ पत्रुस 4:8 - नेवाः बाइबल

⁸ दक्‍वसिबय् तःधंगु ला, छिपिं थःथवय् दुनुगलंनिसें माया याना च्‍वँ, छाय्‌धाःसा मायां हे न्‍ह्यागु पापयात नं त्‍वपुया तइ।

१ पत्रुस 4:8 ပူးပေါင်းရင်းမြစ်များ

हितोपदेश 10:12

घृणां ल्‍वापु ह्वइ, मायां मभिंगु फुक्‍कं त्‍वपुयाबी।

हितोपदेश 12:16

मूर्खतय्‌सं धाय्‌वं तं क्‍यनी, बुद्धिमानतय्‌सं थःत क्‍वह्यंकूसां मिखा तिस्‍सिनाबी।

हितोपदेश 17:9

सुयागुं दोष क्षमा यायेगु धयागु हे वयात थः मनू यानातयेगु खः, दोषयात जक कुत्तुकुलाच्‍वन कि पासापिं बायेमाली।

हितोपदेश 18:13

लिसः बी न्‍ह्यः खँ न्‍यनेगु या, मखुसा छ मूर्ख जुइ, अले मछालापुकी।

१ कोरिन्‍थी 13:1

मनूतय्‌गु थीथी भाषां व स्‍वर्गदूततय्‌गु भाषां हे नवाये सःसां जिं कर्पिन्‍त माया मयात धाःसा जिं अथे नवाःगु खँ भुस्‍याः व गं थाःगु थें जक जुइ।

१ कोरिन्‍थी 13:4

माया दुम्‍ह मनुखं सह यानाच्‍वनी व दया याइ। नुगः मुइकी मखु, थथःम्‍हं तुं तःधंछुया जुइ मखु, अले घमण्‍ड याइ मखु।

कलस्‍सी 3:14

थ्‍व स्‍वयाः तःधंगु ला थःथवय् माया यानाच्‍वनेगु हे खः। थ्‍व हे मायां छिपिं फुक्‍कसित छप्‍पँ व छधी याना तइ।

१ थेसलोनिकी 3:12

जिमिसं छिमित माया याना थें प्रभुं छिमित नं थःथवय् व मेपिन्‍त माया यानाः न्‍ह्यज्‍याये फय्‌कादीमा।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

१ तिमोथी 1:5

यचुगु नुगलं, भिंगु मतिं व शंका मयासें याइगु विश्‍वासं दइगु मायायात ब्‍वलंकेत जिमिसं थथे धयाच्‍वनागु खः।

हिब्रू 13:1

दाजुकिजापिं, थःथवय् माया यायेगु त्‍वःते मते।

याकूब 5:12

दाजुकिजापिं, सुंनाप छुं कालबिल यायेत बाचा चिनेबलय् छिमिसं स्‍वर्ग व पृथ्‍वी, अथवा मेमेगु छुं नं नां कयाः पाफये मते। खःसा खः, अले मखुसा मखु जक धा। उकिं छिमित परमेश्‍वरं दोष बियादी मखु।

याकूब 5:20

थुकथं लिगना हःम्‍ह बांमलाःगु लँय् वनाच्‍वंम्‍ह मनूयात ला नरकं हे लित ब्‍वना हःगुति जुइ। अले छिमिसं यानाः वं याःगु फुक्‍क पाप नं परमेश्‍वरं क्षमा यानादी। थ्‍व खँ लुमंका ति।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।

३ यूहन्‍ना 1:2

यःम्‍ह किजा, छंगु आत्‍मा थें शरीर नं बल्‍लायेमा, अले न्‍ह्यागु खँय् नं च्‍वन्‍ह्यायेमा धकाः प्रार्थना यानाच्‍वना।