१ पत्रुस 4:7 - नेवाः बाइबल

⁷ थ्‍व संसार याकनं हे मदया वनिन। उकिं मन थातय् लाकाः प्रार्थना याना च्‍वँ।

१ पत्रुस 4:7 ပူးပေါင်းရင်းမြစ်များ

उत्‍पत्ति 19:35

उखुन्‍हु चान्‍हय् नं इमिसं बौम्‍हय्‌सित दाखमद्य त्‍वंकल। अले चिधीम्‍ह म्‍ह्याय् वनाः बौम्‍हलिसे द्यन। दाखमद्य यक्‍व त्‍वंगुलिं लोतं व द्योंवःगु व दनावंगु छुं हे मचाः।

उत्‍पत्ति 6:13

अले परमेश्‍वरं नोआयात धयादिल, “पृथ्‍वीइ च्‍वंपिं फुक्‍क मनूतय्‌त जिं न्‍हंकाछ्वयेगु क्‍वःछीधुन। जिं इमित पृथ्‍वी नापं सुचुक न्‍हंकाछ्वये। छाय्‌धाःसा पृथ्‍वी इमिगु ल्‍वापुख्‍यापुं जाये धुंकल।

उपदेशक 7:2

भ्‍वय् नयेगु छेँ वनेगु स्‍वयाः दुखं च्‍वनाच्‍वंगु छेँ वनेगु हे बांलाः। सीगु धयागु हे मनूतय्‌गु निंतिं अन्‍त खः, अथे जुयाः म्‍वानाच्‍वंपिन्‍सं थ्‍व खँ नुगलय् तयातयेमा।

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

इजकिएल 7:6

अन्‍त वःगु दु! अन्‍त वये नं धुंकल! व छिमिगु विरोधय् दंगु दु। स्‍व, व वये धुंकल।

मत्ती 24:42

“उकिं होश‍यानाच्‍वँ, छाय्‌धाःसा छिमिसं छिमि प्रभु गुबलय् वइ धकाः मस्‍यू।

मत्ती 25:13

“उकिं छिपिं नं होश‍यानाच्‍वँ, छाय्‌धाःसा मनूया काय् गुबलय्, गुखुन्‍हु वइ धकाः छिमिसं मस्‍यू।

लूका 21:34

“अय्‌जूगुलिं छिमिसं होश‍ यानाच्‍वँ। भ्‍वय् जक नया जुइगु, अय्‌लाः थ्‍वँ जक त्‍वना जुइगु, अले थ्‍व जीवनयागु धन्‍दा कयाः जुइगु याना जुल धाःसा छिमिसं मसीक जिं धयागु दिं वइ।

लूका 21:36

अय्‌जूगुलिं होश‍ यानाच्‍वँ। व दिनय् जू वइगु फुक्‍क खं बचय् जुइत व मनूया काय्‌या न्‍ह्यःने दने फय्‌केत छिमिसं न्‍ह्याबलें प्रार्थना याना च्‍वँ।”

लूका 22:46

अले वय्‌कलं धयादिल – “छिपिं छाय् द्यनाच्‍वनागु? दनाः प्रार्थना या। अले जक दुःखकष्‍ट जू वःसां छिपिं बल्‍लाना च्‍वने फइ।”

रोमी 12:12

छिमिके तःधंगु आशा दुगुलिं लय्‌ताया च्‍वँ। दुःखकष्‍ट जूसां सहयाना च्‍वँ। प्रार्थना यायेगु गुबलें त्‍वःते मते।

१ कोरिन्‍थी 15:24

अले तिनि दक्‍व फुक्‍कं मदय्‌का छ्वयादी। अबलय् ख्रीष्‍टं फुक्‍क शासन, अधिकार व शक्ति मदय्‌का छ्वयाः राज्‍य परमेश्‍वर बाःयात लःल्‍हानादी।

१ कोरिन्‍थी 7:29

यःपिं दाजुकिजापिं, जिं धायेत्‍यनागु खँ थ्‍व खः – ई अप्‍वः मदये धुंकल, आवंनिसें ब्‍याहा याये धुंकूम्‍ह मनू नं ब्‍याहा मयानिम्‍ह थें च्‍वनाच्‍वँ।

एफिसी 6:18

न्‍ह्याबलें छिमिसं पवित्र आत्‍मायागु शक्ति कयाः प्रार्थना या, अले परमेश्‍वरयागु ग्‍वाहालि फ्‍वँ। होशियार जु, अले न्‍ह्याथासय् च्‍वंपिं विश्‍वासीतय्‌गु निंतिं मदिक्‍क प्रार्थना या।

फिलिप्‍पी 4:5

फुक्‍कलिसे बांलाक हनाबना याना च्‍वँ। प्रभु याकनं झाइ।

कलस्‍सी 4:2

छिमिसं प्रार्थना यायेगु गुबलें त्‍वःते मते। म्‍हुतुं जक प्रार्थना यायेगु मखु, दुनुगलंनिसें परमेश्‍वरयात सुभाय् बियाः प्रार्थना यायेमाः।

२ तिमोथी 4:5

छं जक न्‍ह्यागु जूसां नुगः क्‍वात्तुकाः च्‍वँ। दुःख सी माःसां स्‍यू। भिंगु खँ न्‍यंकेगु याना च्‍वँ। थःत बियातःगु ज्‍या पूवंकि।

तीतस 2:12

थ्‍व हे दया मायां झीत पापं व संसारयागु ज्‍याखं लिचिकी, अले थःत कःघानाः धर्मी व परमेश्‍वरयात मानय् याइपिं जुयाः थ्‍व संसारय् म्‍वानाच्‍वने फइ।

हिब्रू 10:25

गुम्‍हं गुम्‍हय्‌सिगु संगतिइ मवनेगु बानी दइ, झीपिं धाःसा छथाय् मुनेगु त्‍वःते मज्‍यू। अज्‍ज ला प्रभु झायादीगु दिं न्‍ह्यःने वयेत्‍यंगु दु धकाः सीकाः थःथवय् साहस बीगु यायेमाः।

हिब्रू 9:26

थथे झाःझाः पतिं झायेमाःगु जूसा ला ख्रीष्‍टं संसारयागु सृष्‍टि जूसांनिसें तःकः मछि दुःख सी मालिगु खः। तर वय्‌कः संसारयागु अन्‍त जुइ त्‍यय्‌काः आः सदांयात छकलं झायाः मनूतय्‌गु पाप हुया छ्वयेत थः हे बलिदान जुयादिल।

१ पत्रुस 1:13

अथे जूगुलिं छिमिसं थःगु मन थातय् लाकाः होश‍ यानाच्‍वँ। येशू ख्रीष्‍ट झायादीबलय् बी तिनिगु परमेश्‍वरयागु आशिषय् पूरा भरोसा तया च्‍वँ।

१ पत्रुस 3:7

अथे हे मिजंतय्‌सं नं थः कलाः बमलाःम्‍ह खः धयागु खँ ल्‍वःमंके मज्‍यू। छिमिसं नं इमित मानय् यायेमाः, छाय्‌धाःसा परमेश्‍वरं इमित नं अनन्‍त जीवन बियातःगु दु। थुकथं छिमित निम्‍ह जानाः प्रार्थना यायेत छुकिं नं पनी मखु।

१ पत्रुस 5:8

अय्‌नं थःगु मन बल्‍लाका च्‍वँ, होश‍ यानाच्‍वँ। छिमि शत्रु, शैतानं छिमित फतिंफतलय् स्‍यंकेत स्‍वयाच्‍वंगु दु। नये मखंम्‍ह सिंह थें शैतानं नं सुयातं स्‍यंके फइ ला धकाः माः जुयाच्‍वंगु दु।

प्रकाश 16:15

“होश‍ यानाच्‍वँ, जि खुँ थें वये। मद्यंसे न्‍ह्यलं चाय्‌का च्‍वंम्‍ह धन्‍यम्‍ह खः। वसः ज्‍वना च्‍वंम्‍ह धात्‍थें धन्‍यम्‍ह खः, छाय्‌धाःसा इपिं नांगां जुइ माली मखु। अले थःगु नांगांगु म्‍ह कर्पिन्‍त क्‍यने माली मखु।”