१ पत्रुस 4:19 - नेवाः बाइबल

¹⁹ अय्‌जूगुलिं परमेश्‍वरयागु इच्‍छा कथं दुःख स्‍यूम्‍हय्‌सिनं भिंगु ज्‍या यायेगु मत्‍वःतुसे सृष्‍टि यानादीम्‍ह परमेश्‍वरयाके भरोसा तया च्‍वँ।

१ पत्रुस 4:19 ပူးပေါင်းရင်းမြစ်များ

एस्‍तर 4:16

“शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

भजनसंग्रहया सफू 138:8

परमप्रभुं जिगु लागि थःगु उद्देश्‍य पूवंकादी, हे परमप्रभु, छिगु दया माया न्‍ह्याबलेंया लागि दयाच्‍वनी। थःगु ल्‍हातं दय्‌कादीपिन्‍त त्‍वःतादी मते।

भजनसंग्रहया सफू 31:5

जिं थःत छिगु हे ल्‍हातिइ लःल्‍हायेधुन। हे परमप्रभु, विश्‍वास याये बहःम्‍ह परमेश्‍वर! जितः उद्धार यानादिसँ।

भजनसंग्रहया सफू 37:5

थःगु जीवन परमप्रभुयात लःल्‍हानाब्‍यु, वय्‌कःयात विश्‍वास या, अले वय्‌कलं छन्‍त ग्‍वाहालि यानादी।

यशैया 43:21

व जातियात, जिगु प्रशंसाया घोषणा यायेमा धकाः जिं थःगु निंतिं दय्‌कागु खः।

यशैया 43:7

सु सु जिगु नामं सःतूगु दु, सुयात जिं जिगु महिमाया निंतिं सृष्‍टि यानागु दु, सुयात बां लुइका अले सुयात जिं दय्‌का।”

दानिएल 6:22

जिं द्वंकागु मदु धकाः परमेश्‍वरं स्‍यूगुलिं वय्‌कलं थः दूत छ्वयाहयाः सिंहतय्‌गु म्‍हुतु तिनादिल। सिंहतय्‌सं जितः घाःपाः याःगु मदु। महाराज, जिं छःपिनिगु नं छुं स्‍यंकागु मदु।”

लूका 23:46

येशू तःसलं थथे धकाः हालादिल – “बाः, जिगु आत्‍मायात छिगु हे ल्‍हातय् लःल्‍हानाबी।” थथे धयाः वय्‌कलं प्राण त्‍वःतादिल।

प्रेरित 7:59

इमिसं थथे ल्‍वहँतं कय्‌का च्‍वंबलय् स्‍तिफनसं थथे प्रार्थना यात – “प्रभु येशू, जिगु आत्‍मा कयादिसँ।”

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

१ पत्रुस 2:15

छिमिसं थथे भिंगु ज्‍या याना हे छुं मस्‍यूपिं मूर्खतय्‌गु म्‍हुतुप्‍वाः तिके फयेमा धयागु परमेश्‍वरयागु इच्‍छा खः।

१ पत्रुस 3:17

परमेश्‍वरं हे छिमित दुःख सीके बियादीगु जूसा, छिमिसं मभिंगु यानाः दुःख सीगु स्‍वयाः ला भिंगु यानाः दुःख सीगु हे बांलाः।

१ पत्रुस 3:20

नोआं न्‍यंकूबलय् मनूतय्‌सं विश्‍वास हे मयाः। नोआं जहाज दय्‌का च्‍वंतले इमिसं विश्‍वास याइ ला धकाः परमेश्‍वरं तःन्‍हु हे पियादिल। संसार लखं जाःबलय् च्‍याम्‍ह जक मनूत म्‍वात, मेपिं फुक्‍कं सित।