१ पत्रुस 4:18 - नेवाः बाइबल

¹⁸ धर्मशास्‍त्रय् नं थथे च्‍वयातःगु दु – “धर्मीपिं मनूत ला बचय् जुइत तसकं थाकुइ धाःसा परमेश्‍वरयात म्‍हमस्‍यूपिं मनूत झन छु जुइगु जुइ?”

१ पत्रुस 4:18 ပူးပေါင်းရင်းမြစ်များ

उत्‍पत्ति 13:13

सदोमया मनूत तसकं दुष्‍ट व परमप्रभुया विरोधय् पाप यानाजुइपिं खः।

हितोपदेश 11:31

पृथ्‍वीइ धर्मीतय्‌गु ला न्‍याय जुइ धाःसा दुष्‍ट व पापी मनूतय्‌त गुलि न्‍याय जुइगु जुइ।

यर्मिया 25:29

स्‍व! मनूतय्‌सं जिगु धकाः धाइगु शहरय् हे ला जिं विपत्ति हयेत्‍यनागु दु धाःसा, छिमिसं स्‍वयेबलय् जिं छिमित सजाँय बी मखु धकाः च्‍वनागु ला? अथे मखु, जिं छिमित धात्‍थें सजाँय बी। छाय्‌धाःसा जिं पृथ्‍वीया फुक्‍क मनूतय्‌गु विरोधय् तरवार चले यायेत्‍यनागु दु, दक्‍व शक्ति दुम्‍ह परमप्रभुं धयादी!’

इजकिएल 18:24

“तर धर्मी मनुखं थःगु धार्मिकता त्‍वःताः पापयात, अले दुष्‍ट मनुखं याःगु घच्‍चाइपुगु ज्‍या यात धाःसा छु व म्‍वाइ ला? वं न्‍हापा याःगु छुं नं धर्मया ज्‍या लुमंकीगु जुइ मखु। वयागु विश्‍वासघात व वं याःगु पापया कारणं व सी।

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”

लूका 15:1

कर काइपिं मनूत व पापीत हुल हुल मुनाः येशूयाथाय् लिक्‍क लिक्‍क वयाः वय्‌कःयागु खँ न्‍यं वल।

लूका 23:31

“प्‍याःगु सिमायात ला मनूतय्‌सं छ्वय्‌कल धाःसा गंगु सिमायागु झन छु जक गति जुइ?”

प्रेरित 14:22

इमिसं विश्‍वासीतय्‌त विश्‍वासय् बल्‍लाना च्‍वनेत साहस बिल। अले थथे धकाः नं स्‍यन – “परमेश्‍वरया राज्‍यय् दुहां वनेत झीसं थज्‍याःगु दुःखकष्‍ट सह यायेमाः।”

प्रेरित 27:24

‘ग्‍याये मते पावल, छ कैसरया न्‍ह्यःने वने हे माः। अय्‌जूगुलिं परमेश्‍वरं छ नाप दुपिं सकसितं बचय् यानादी।’

प्रेरित 27:31

थ्‍व खँ सियाः पावलं कप्‍तान व सिपाइँतय्‌त धाल – “थुपिं बिस्‍युं वन धाःसा छिकपिं सुं नं म्‍वाइ मखु।”

रोमी 1:18

मभिंगु बांमलाःगु ज्‍याखँ जक यानाः सत्‍ययात त्‍वपुया छ्वयेत स्‍वइपिं मनूत खनाः स्‍वर्गय् च्‍वंम्‍ह परमेश्‍वर तंम्‍वय्‌कादीगु दु धकाः फुक्‍क मनूतय्‌त सीकादिल।

रोमी 5:6

झीसं थःम्‍हं थःगु मुक्तिया लागि छुं याये मफुबलय् ख्रीष्‍ट पापीतय्‌गु निंतिं पाय्‌छि इलय् सिनादिल।

रोमी 5:8

तर झी पापी जुयाच्‍वंबलय् हे ख्रीष्‍ट झीगु पलेसाय् सिनादीगुलिं झीत परमेश्‍वरं माया यानादीगु दु धकाः सी दु।

१ कोरिन्‍थी 10:12

दनाच्‍वनागु दु धकाः धाइम्‍ह मनू बांलाक होश याना च्‍वनेमाली, मखुसा क्‍वदली।

१ तिमोथी 1:9

व्‍यवस्‍था भिंपिं मनूतय्‌गु निंतिं दय्‌कातःगु मखु। थ्‍व ला मभिंपिं मनूतय्‌गु निंतिं दय्‌कातःगु खः। नियम मानय् मयाइपिं, परमेश्‍वरयात मानय् मयाइपिं, पापीत, पवित्र मजूपिं, परमेश्‍वरयात क्‍वह्यंकीपिं, मां बौयात स्‍याइपिं, मनू स्‍याइपिं,

हिब्रू 4:1

थथे झासु लंके बियादी धकाः परमेश्‍वरं पाफयादीगु झीगु निंतिं नं खः। उकिं होश या, छिपिं मध्‍ये सुं नं झासु लने मखंकाः च्‍वने म्‍वाःलेमा।

याकूब 5:6

भिंम्‍ह मनूयात छिमिसं मभिं धकाः स्‍याना छ्वत, अय्‌नं वं अथे याये मते धकाः मपं।

१ पत्रुस 5:8

अय्‌नं थःगु मन बल्‍लाका च्‍वँ, होश‍ यानाच्‍वँ। छिमि शत्रु, शैतानं छिमित फतिंफतलय् स्‍यंकेत स्‍वयाच्‍वंगु दु। नये मखंम्‍ह सिंह थें शैतानं नं सुयातं स्‍यंके फइ ला धकाः माः जुयाच्‍वंगु दु।

२ पत्रुस 3:7

परमेश्‍वरयागु वचनं हे आःयागु आकाश व पृथ्‍वीयात मिइ छ्वय्‌केत बचय् यानातःगु दु। पापी मनूतय्‌त न्‍याय यानाः नाश मयातले आकाश व पृथ्‍वी दयाच्‍वनी।

यहूदा 1:15

अले थज्‍याःपिं फुक्‍क मनूतय्‌त न्‍याय यानादी। परमेश्‍वरयात मानय् मयाइपिन्‍त, अले वय्‌कःयात मभिंकाः पापी ज्‍या जक यानाच्‍वंपिं फुक्‍कसितं दोषी ठहरय् यानाः सजाँय बियादी।

१ शमूएल 15:18

परमप्रभुं छितः इपिं दुष्‍ट जाति अमालेकीतय्‌त भज्‍यंक नाश या धकाः कडा आज्ञा बियाः छ्वयाहयादीगु खः। इपिं फुक्‍क नाश मजुतले छिं इमित हमला यानातुं च्‍वनेमाःगु खः।