१ पत्रुस 4:15 - नेवाः बाइबल

¹⁵ अय्‌नं ज्‍यानमारा, खुँ, मभिंगु ज्‍याखँ यानाजुइपिं, अले कर्पिनिगु ज्‍याखँय् ल्‍हाः तः जुइपिं थें जुयाः छता छिमिसं दुःखकष्‍ट सी मते।

१ पत्रुस 4:15 ပူးပေါင်းရင်းမြစ်များ

प्रस्‍थान 22:2

“चान्‍हय् छेँय् खुयाच्‍वंबलय् खुँयात ज्‍वनाः दाःबलय् व सित धाःसा वयागु हियागु दोष दाःम्‍हय्‌सित लाइ मखु।

मत्ती 5:11

“जितः विश्‍वास याःगुलिं छिमित मनूतय्‌सं मभिंका जुइ, हेस्‍याना जुइ, दुःखकष्‍ट बियाजुइ। अय्‌जूगुलिं छिपिं धन्‍यपिं खः।

१ थेसलोनिकी 4:11

जिमिसं छिमित न्‍हापा हे धया थें सुं लिसे हाला जुइ मते, थःगु ज्‍या मन तयाः या, अले थःगु हे ल्‍हातं ज्‍या यानाः नयेगु कुतः या।

२ थेसलोनिकी 3:11

छिपिं मध्‍ये गुम्‍हं गुम्‍हय्‌सिनं थःम्‍हं ज्‍या मयासें मेपिनिगु ज्‍याय् जक ल्‍हाः तयाः सना जुयाच्‍वन धयागु खँ न्‍यनाः थथे च्‍वयाच्‍वनागु खः।

१ तिमोथी 5:13

अज्‍ज ला इपिं छेँय् छेँय् चाःहिलाः ज्‍या मयासें जुइ। थुलि जक मखु, इपिं खँगुलु जुइ, अले इमिसं मेपिनिगु ज्‍याय् ल्‍हाः तया जुइगु व ल्‍हाय् मज्‍यूगु खँनापं ल्‍हाना जुइ।

२ तिमोथी 2:9

थ्‍व हे भिंगु खँ न्‍यंकाः जिं थथे अपराधीयात थें नेवलं चिकाः च्‍वनेमाली। तर परमेश्‍वरयागु वचनयात सुनानं चिनातये फइ मखु।

१ पत्रुस 3:14

सुयातं भिंगु यानाः नं दुःखकष्‍ट जुल धाःसा परमेश्‍वरं छिमित आशिष बियादी। अथे दुःखकष्‍ट बीवं ग्‍याये मते, अले दुःख नं ताये मते।

१ पत्रुस 3:17

परमेश्‍वरं हे छिमित दुःख सीके बियादीगु जूसा, छिमिसं मभिंगु यानाः दुःख सीगु स्‍वयाः ला भिंगु यानाः दुःख सीगु हे बांलाः।