१ पत्रुस 4:14 - नेवाः बाइबल

¹⁴ ख्रीष्‍टयात विश्‍वास यानाः छिमित हेला यात धाःसा ला छिपिं धन्‍यपिं खः, छाय्‌धाःसा थुकिं हे छिमिके परमेश्‍वरयागु तःधंगु आत्‍मा दी धकाः सी दइ।

१ पत्रुस 4:14 ပူးပေါင်းရင်းမြစ်များ

१ राजा 10:8

धन्‍य खः छिकपिनि मनूत! न्‍हियान्‍हिथं छिगु न्‍ह्यःने च्‍वनाः छिगु बुद्धिया खँ न्‍यनीपिं छिकपिनि थुपिं हाकिमत धन्‍य खः।

२ राजा 2:15

व स्‍वयाच्‍वंपिं यरीहों वःपिं अगमवक्तातय्‌गु पुचलं धाल, “एलियाया आत्‍मा एलीशायाके क्‍वहां वःगु दु।” इपिं वयात नापलाः वन, अले वयागु न्‍ह्यःने भ्‍वसुल।

भजनसंग्रहया सफू 146:5

धन्‍य खः व मनू, गुम्‍हय्‌सिया ग्‍वाहालि याकूबया परमेश्‍वर खः, गुम्‍हय्‌सिनं परमप्रभु परमेश्‍वरयागु भलसा काइ।

भजनसंग्रहया सफू 49:9

व न्‍ह्याबलें म्‍वानाच्‍वनी मखु, व ध्‍वगिना मवनी मखु।

भजनसंग्रहया सफू 89:51

छिकपिनि शत्रुतय्‌सं जितः हिस्‍यागु दु, हे परमप्रभु, इमिसं छिं अभिषेक यानादीम्‍ह जुजुयात पला पलाखय् हिस्‍याइगु।

यशैया 11:2

परमप्रभुया आत्‍मा वयाके वइ – बुद्धि व दुग्‍यांया आत्‍मा, सल्‍लाह व शक्तिया आत्‍मा, ज्ञान व परमप्रभुया भयया आत्‍मा।

यशैया 25:8

वय्‌कलं मृत्‍युयात सदांया निंतिं नुनाछ्वयादी। परमप्रभु परमेश्‍वरं फुक्‍कसिगु मिखां ख्‍वःबि हुयादी। वय्‌कलं फुक्‍क पृथ्‍वीं थः प्रजाया बदनामी चीकाः छ्वयादी। परमप्रभु थःम्‍हं हे थ्‍व खँ धयादीगु दु।

यशैया 51:7

“सुनां धार्मिकता स्‍यू जिगु खँ न्‍यँ, अले सुयागु नुगलय् जिं स्‍यनातयागु खँ दु, मनूतय्‌सं दोष बी धकाः ग्‍याये मते, अले इमिसं क्‍वह्यंकी धकाः नं ग्‍याये मते।

मत्ती 5:11

“जितः विश्‍वास याःगुलिं छिमित मनूतय्‌सं मभिंका जुइ, हेस्‍याना जुइ, दुःखकष्‍ट बियाजुइ। अय्‌जूगुलिं छिपिं धन्‍यपिं खः।

मत्ती 5:16

छिपिं नं मनूतय्‌गु न्‍ह्यःने थथे हे थिनाच्‍वने फयेमाः। अले जक छिमिसं याःगु बाबांलाःगु ज्‍याखँ मनूतय्‌सं खनी, अले स्‍वर्गय् च्‍वनादीम्‍ह परमेश्‍वर बाःयात इमिसं तःधंकी।

लूका 6:22

मनूया काय् नाप जुयाः मनूतय्‌सं घृणा याकाजुइपिं धन्‍यपिं खः, अले पितिना तःपिं, मभिंका तःपिं व दुष्‍ट धाय्‌का च्‍वनेमाःपिं धन्‍यपिं खः।”

यूहन्‍ना 15:21

थुकथं जिगु नामं इमिसं छिमित सास्‍ती याइ। जितः छ्वया हःम्‍हय्‌सित म्‍हमस्‍यूगुलिं इमिसं थथे याना जूगु खः।

यूहन्‍ना 8:48

अले यहूदी नायःतय्‌सं वय्‌कःयात धाल – “छ सामरी खः, अले छंके भूत दुबिनाच्‍वंगु दु धकाः जिमिसं धयागु धात्‍थें हे खः।”

यूहन्‍ना 9:28

अले इमिसं वयात हक्‍काः थथे धाल – “छ हे खः का वया चेला। जिपिं ला मोशाया चेला खः।

यूहन्‍ना 9:34

इमिसं वयात धाल – “पापय् बुयाः पापय् हे ब्‍वलंम्‍ह छं जिमित स्‍यं वयागु ला?” थथे धयाः इमिसं वयात पितिनाछ्वल।

प्रेरित 13:45

थथे यक्‍व मनूत न्‍यं वःगु खनाः यहूदीतय् नायःतय्‌गु नुगः मुल। अले इमिसं पावलं धाःगु खँ ख हे मखु धकाः हेस्‍यानाः वयात मभिंकाः खँ ल्‍हात।

प्रेरित 18:6

यहूदीतय् नायःतय्‌सं वयात विरोध यानाः तसकं बेइज्‍जत यात। अले वं थःगु लनय् च्‍वंगु धू थाथा यानाः इमित थथे धाल – “छिकपिं नाश जुल धाःसा थुकिया दोष छिकपिन्‍त हे लाइ, जितः लाइ मखु। आवंलि यहूदीमखुपिन्‍थाय् वनाः न्‍यंके।”

प्रेरित 28:22

अय्‌नं छिं थःगु खँ जिमित नं कनादिसँ, छाय्‌धाःसा थ्‍व लँय् जुइपिन्‍त न्‍ह्याथाय् नं मभिंकाः खँ ल्‍हाइगु जिमिसं स्‍यू।”

प्रेरित 5:41

थथे येशू ख्रीष्‍टयागु नामय् दाय्‌काः दुःख सी बहःपिं जूगुलिं प्रेरितत तसकं लय्‌लय्‌तायाः सभां पिहां वन।

२ कोरिन्‍थी 12:10

थथे जूगुलिं ख्रीष्‍टयागु निंतिं बमलाःसां, बेइज्‍जत याःसां, मछिंसां, दुःखकष्‍ट जूसां, स्‍यंकेत स्‍वःसां, जि तसकं लय्‌ताः। गुबलय् जि बमलाइ अबलय् जितः बल्‍लाकी।

२ कोरिन्‍थी 4:10

येशू ख्रीष्‍ट जिमिगु जीवनय् प्रकट जुइमा धकाः वय्‌कः थें सीमातले नं जिमिसं न्‍हियान्‍हिथं दुःखकष्‍ट फयाच्‍वना।

२ कोरिन्‍थी 4:16

उकिं हे ला खः नि, जिमिसं आशा मत्‍वःतागु। जिमिगु म्‍ह झन झन स्‍यनावनाच्‍वंगु दु। अय्‌नं जिमिगु आत्‍मा धाःसा न्‍हियान्‍हिथं बल्‍लाना वयाच्‍वंगु दु।

गलाती 1:24

जिगु जीवनय् थथे हिउपा वःगुलिं इमिसं परमेश्‍वरयात प्रशंसा यात।

हिब्रू 11:26

मिश्रयागु दक्‍व सम्‍पत्ति स्‍वयाः मुक्ति बीम्‍ह ख्रीष्‍टया निंतिं हेला याका जुइगु हे वं तःधं ताय्‌कल, छाय्‌धाःसा व परमेश्‍वरं बीगु सिरपाः कायेत पियाच्‍वंम्‍ह खः।

याकूब 1:12

दुःखकष्‍ट जुयाच्‍वंबलय् नं परमेश्‍वरयाके भरोसा तयाच्‍वंम्‍ह मनू धन्‍यम्‍ह खः। अथे दुःखकष्‍ट सीधुंकाः वयात परमेश्‍वरं वय्‌कःयात माया याःपिन्‍त बी धकाः धयादीगु जीवनयागु श्रीपेच बियादी।

याकूब 5:11

इमिसं अथे सहयाना च्‍वने फुगुलिं झीसं इमित “धन्‍य खः” धकाः धयाच्‍वना। अय्‍यूब धाःम्‍ह मनुखं नं गथे लिपा तक सह यानाच्‍वन, अले प्रभुं हे वयात यक्‍व लिधंसा बियादीगु खँ नं छिमिसं स्‍यू। प्रभुयागु दया माया तःधं।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ पत्रुस 3:14

सुयातं भिंगु यानाः नं दुःखकष्‍ट जुल धाःसा परमेश्‍वरं छिमित आशिष बियादी। अथे दुःखकष्‍ट बीवं ग्‍याये मते, अले दुःख नं ताये मते।

१ पत्रुस 3:16

थथे लिसः बीबलय् हनाबना तयाः, मिजासं नुगः यचुकाः नवा। थज्‍याःगु भिंगु चालचलनं यानाः छिमित बांमलाका व ब्‍वः बिया च्‍वंपिं मनूत थः हे लज्‍या चाये माली।

१ पत्रुस 4:16

ख्रीष्‍टियनत जूगुलिं छिमिसं दुःखसिया च्‍वनेमाल धकाः छतिं हे लज्‍या चायेमाःगु मदु, बरु अथे ब्‍वःबीकाच्‍वने दुगुलिं छिमिसं परमेश्‍वरयात सुभाय् ब्‍यु।

२ पत्रुस 2:2

अथे इमिसं धाःगु मखुगु खँ न्‍यनाः यक्‍व मनूत मभिंगु लँय् वनी। अथे मभिंगु लँय् वनाः मभिंगु ज्‍याखँ यानाजूपिन्‍सं यानाः मनूतय्‌सं सत्‍ययागु लँयात हे मभिं धकाः धाइ।