१ पत्रुस 4:12 - नेवाः बाइबल

¹² यःपिं दाजुकिजापिं, गुबलें मजूनिगु दुःखकष्‍ट जूवल धकाः छिपिं अजू चाये मते। छिमिगु विश्‍वास स्‍वयेत थथे दुःखकष्‍ट जूवःगु खः।

१ पत्रुस 4:12 ပူးပေါင်းရင်းမြစ်များ

उपदेशक 5:8

छुं जुयाः छं छगू जिल्‍लाय् चीमिपिन्‍त क्‍वत्‍यलातःगु व इमिगु निंतिं न्‍याय व अधिकार मजूगु खन धाःसा अजू चाये मते, छाय्‌धाःसा फुक्‍क अधिकार याइपिं अले व स्‍वयाः च्‍वय् च्‍वंपिं तःधंपिं अधिकार याइपिन्‍त नं इमिगु वास्‍ता यायेत तयातःगु खः।

यशैया 28:21

वय्‌कःया ज्‍या, थःगु गज्‍जबगु ज्‍या पूवंकादीत परमप्रभु पराजीम पर्वतय् दनादी थें दनादी, गिबोनया ब्‍यासि वय्‌कः झायादी थें झाइ।

दानिएल 11:35

अन्‍तया ई तक शुद्ध जुइमा, यचुसे च्‍वनेमा अले ख्‍वं मदुपिं जुइमा धकाः छुं बुद्धि दुपिं नायःतय्‌सं दुःख सी। परमेश्‍वरं क्‍वःछिनादीगु अन्‍तया ई मवतले थुपिं खँ जुया हे च्‍वनी।

१ कोरिन्‍थी 10:13

मनूतय्‌सं सह याये मफइगु जाँचय् छिपिं लाःगु मदु। परमेश्‍वर विश्‍वास याये बहःम्‍ह खः। सह याये हे मफय्‌क छिमित वय्‌कलं जाँचय् लाकादी मखु। तर छिमिसं सह याये फयेमा धकाः जाँच नापनापं बचय् जुइगु लँ नं बियादी। थुकथं छिमिसं उकियात सह याये फइ।

१ कोरिन्‍थी 3:13

सुनां बांलाक ज्‍या यात, सुनां बांमलाक ज्‍या यात धकाः ख्रीष्‍ट न्‍याय यायेत झायादीबलय् जाँचय् यानादी। छाय्‌धाःसा उबलय् फुक्‍क मनूतय्‌गु ज्‍या मिइ तयाः जाँचय् याइ।

२ तिमोथी 3:12

ख्रीष्‍ट येशूयात मानय् यानाः वय्‌कलं धाःथें च्‍वनीपिन्‍त ला थथे दुःखकष्‍ट जू हे वइ।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।

१ पत्रुस 4:4

छिपिं आः अथे म्‍वाःमदुगु ज्‍याखँय् इपिं नाप सना मजूगुलिं परमेश्‍वरयात म्‍हमस्‍यूपिं मनूत अजू चायाच्‍वंगु दु। उकिं इमिसं छिमित मभिंका जुइ।

१ पत्रुस 5:9

विश्‍वासय् बल्‍लानाः शैतानयागु विरोध या। थ्‍व संसारय् च्‍वंपिं दाजुकिजापिन्‍सं नं छिमिसं थें दुःखकष्‍ट सियाच्‍वंगु दु धकाः छिमिसं सि हे स्‍यू।