१ पत्रुस 3:9 - नेवाः बाइबल

⁹ सुनानं छिमित स्‍यंकल धाःसा वयात स्‍यंके मते। बांमलाकल धाःसा बांमलाके मते, बरु उकिया पलेसा आशिष ब्‍यु, छाय्‌धाःसा परमेश्‍वरं छिमित आशिष बीत सःतादीगु खः।

१ पत्रुस 3:9 ပူးပေါင်းရင်းမြစ်များ

उत्‍पत्ति 42:25

योसेफं इमिगु बोरा जाय्‌क अन्‍न तयाबीत व इमिगु वहःयागु धिबा इमिगु हे बोराय् तयाबीत उजं बिल। वं इमित लँय् नयेत नं नसात्‍वँसा तयाब्‍यु धकाः उजं बिल। अथे यानाबी धुंकाः

हितोपदेश 17:13

भिंगुया पलेसा मभिंगु याइम्‍हय्‌सिया छेँनं मभिं धयागु गुबलें चिलावनी मखु।

हितोपदेश 20:22

मभिंया पलेसा मभिं हे याये धाये मते। परमप्रभुयाके भलसा ति। वय्‌कलं फुक्‍कं ज्‍यंकाबी।

हितोपदेश 28:10

भिंपिं मनूतय्‌त मभिंगु लँय् यंकीपिं मनूत थःम्‍हं म्‍हूगु गालय् थः हे लाइ। तर भिंपिं मनूतय्‌त सिरपाः दइ।

मत्ती 19:29

जिगु निंतिं छेँबुँ, दाजुकिजा, तताकेहेँ, मांबौ, काय्‌म्‍ह्याय् त्‍वःतावःपिन्‍त व स्‍वयाः अप्‍वः दइ। अले अनन्‍त जीवन नं दइ।

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

मत्ती 5:39

तर जिं छिमित धाये – थःत मभिंकूपिन्‍त छिमिसं ब्‍वलासाये मते। सुनानं छिमित जव न्‍यतालय् दाल धाःसा खव न्‍यताः नं फया ब्‍यु।

मत्ती 5:44

तर जिं छिमित धाये – शत्रुयात माया या, थःत दुःख बीपिनिगु निंतिं प्रार्थना या।

मर्कूस 10:17

अनं येशू लँय् झाया च्‍वंबलय् छम्‍ह मनुखं ब्‍वाँय् ब्‍वाँय् वयाः वय्‌कःया न्‍ह्यःने पुलिं चुयाः थथे धकाः न्‍यन – “भिंम्‍ह गुरुजु, छु ज्‍या याःसा जितः अनन्‍त जीवन दइ?”

लूका 10:25

छन्‍हु छम्‍ह शास्‍त्रीं वयाः वय्‌कलं छु धाइ थें धकाः स्‍वयेत येशूयात थथे न्‍ह्यसः यात – “गुरुजु, भिंगु छु ज्‍या याःसा जितः अनन्‍त जीवन दइ?”

लूका 18:18

छन्‍हु छम्‍ह तःधंम्‍ह मनुखं येशूयाके न्‍यन – “भिंम्‍ह गुरु, छु याःसा जितः अनन्‍त जीवन दइ?”

रोमी 12:14

छिमित सास्‍ती ब्‍यूपिन्‍त सुवाः ब्‍यु, इमित सराः बी मते।

रोमी 12:17

मभिंगुया पलेसा मभिंगु हे याये मते, बरु फुक्‍क मनूतय्‌त यइपुसे च्‍वंगु व भिंगु जक याना जु।

रोमी 8:28

परमेश्‍वरयात माया याइपिं, अले वय्‌कलं थःगु इच्‍छा पूवंकेत ल्‍ययातःपिन्‍त दक्‍व ज्‍या मिलय् यानाः भिं जुइकथं हे वय्‌कलं ज्‍या यानादी धकाः झीसं स्‍यू।

रोमी 8:30

वय्‌कलं न्‍हापांनिसें ल्‍ययातःपिन्‍त सःता नं दिल। थथे वय्‌कलं सःतादीपिन्‍त धर्मी ठहरय् यानादिल। थुकथं वय्‌कलं धर्मी ठहरय् याःपिन्‍त तःधं नं यानादिल।

गलाती 3:14

यहूदीमखुपिन्‍त नं येशू ख्रीष्‍टपाखें परमेश्‍वरं अब्राहामयात बी धयादीगु आशिष बियादीगु दु। उकिं झी विश्‍वास याना च्‍वनापिन्‍सं नं झीगु विश्‍वासं यानाः बी धयातःगु पवित्र आत्‍मा कायेखनी।

एफिसी 4:32

गथे ख्रीष्‍टयात विश्‍वास याःगुलिं परमेश्‍वरं छिमित क्षमा यानादिल, अथे हे छिमिसं नं थःथवय् क्षमा बीगु यानाः दया माया याना च्‍वँ।

१ थेसलोनिकी 5:15

मभिंगुया पलेसा मभिंगु तुं याये मते, बरु थःथवय् व न्‍ह्याम्‍हय्‌सित नं न्‍ह्याबलें भिंका जुइगु कुतः या।

हिब्रू 12:17

छिमिसं सि हे स्‍यू, लिपा वं थः अबुयाके आशिष फ्‍वंबलय् काये मखन। वं थःम्‍हं म्‍यूगु हक ख्‍वलं नं लिफ्‍याना काये मफुत।

हिब्रू 6:14

“जिं छन्‍त आशिष बी, अले छं सन्‍तान नं यक्‍व दय्‌काबी।”

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।

१ शमूएल 26:11

तर जिं परमप्रभुया अभिषेक जूम्‍हय्‌सिया विरोधय् गुबलें ल्‍हाः ल्‍ह्वने म्‍वालेमा। झीसं वया छ्यं लिक्‍क दुगु भाला व आम्‍खुरा ज्‍वनाः वनेनु।”