१ पत्रुस 3:22 - नेवाः बाइबल

²² वय्‌कः स्‍वर्गय् झायाः परमेश्‍वरया जवय् च्‍वनादीगु दु। अधिकार दुपिं, शक्ति दुपिं, व स्‍वर्गदूतत फुक्‍कं वय्‌कःया ल्‍हातय् दु।

१ पत्रुस 3:22 ပူးပေါင်းရင်းမြစ်များ

भजनसंग्रहया सफू 110:1

परमप्रभुं जिमि प्रभुयात धयादिल, “छं शत्रुतय्‌त छंगु पालि तःले मततले छ जिगु जवय् च्‍वँ।”

मत्ती 22:44

“‘परमप्रभुं जिमि प्रभुयात धयादिल, “छं शत्रुतय्‌त छंगु पालि तःले मततले छ जिगु जवय् च्‍वँ।”’

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

मर्कूस 12:36

पवित्र आत्‍मां जायाः दाऊद थःम्‍हं हे थथे धयावंगु खः – “‘छं शत्रुतय्‌त छंगु पालि तःले मततले छ जिगु जवय् च्‍वनाच्‍वँ धकाः परमप्रभुं जिमि प्रभुयात धयादिल।’

मर्कूस 16:19

थथे इपिं नाप खँ ल्‍हाये धुंकाः प्रभु येशूयात स्‍वर्गय् थत यंकल। अले वय्‌कः परमेश्‍वरयागु जवय् च्‍वनादिल।

लूका 20:42

दाऊद थःम्‍हय्‌सिनं हे भजन सफुलिइ थथे च्‍वया थकूगु दु – “‘छं शत्रुतय्‌त छंगु पालि तःले मततले छ जिगु जव ल्‍हाःपाखे च्‍वनाच्‍वँ धकाः परमप्रभुं जिमि प्रभुयात धयादिल।’

यूहन्‍ना 13:32

वयापाखें परमेश्‍वर तःधनिगुलिं परमेश्‍वरं वयात थःलिसे तःधंकादी, याकनं हे तःधंकादी।

प्रेरित 1:11

थथे धाल – “गालीलय् च्‍वंपिं मनूत, छाय् वातां दनाः आकाशय् स्‍वयाच्‍वनागु? येशू स्‍वर्गय् झायादीगु छिमिसं खंथें तुं वय्‌कः हानं अथे हे थन लिहां झायादी तिनि।”

प्रेरित 3:21

फुक्‍कं न्‍हूकथं मिलय् मजुतले वय्‌कः स्‍वर्गय् हे च्‍वनादी। थ्‍व खँ परमेश्‍वरं न्‍हापांनिसें हे अगमवक्तातय्‌त धाय्‌कादीगु खः।

रोमी 8:34

सुनां इमित दोषी याइ? दोषी यानादीम्‍ह ला सिनाः म्‍वानादी धुंकूम्‍ह ख्रीष्‍ट येशू हे खः। थ्‍व हे येशू परमेश्‍वरया जव ल्‍हाःपाखे दी। अले वय्‌कलं झीगु निंतिं परमेश्‍वरयात बिन्‍ति यानादी।

रोमी 8:38

सुनानं अले छुकिं हे नं परमेश्‍वरयागु मायां झीत त्‍वःतके फइ मखु धकाः जिं स्‍यू। न मृत्‍युं, न जीवनं, न स्‍वर्गदूततय्‌सं, न शैतानया दूततय्‌सं, न संसारयागु शक्तिं, न थौंकन्‍हय् जुयाच्‍वंगु खं, न लिपा जुइतिनिगु खं,

१ कोरिन्‍थी 15:24

अले तिनि दक्‍व फुक्‍कं मदय्‌का छ्वयादी। अबलय् ख्रीष्‍टं फुक्‍क शासन, अधिकार व शक्ति मदय्‌का छ्वयाः राज्‍य परमेश्‍वर बाःयात लःल्‍हानादी।

कलस्‍सी 3:1

छिपिं नं ख्रीष्‍टनाप तुं म्‍वाना वःगुलिं छिमिसं स्‍वर्गयागु खँय् जक मन ति। अन स्‍वर्गय् येशू ख्रीष्‍ट परमेश्‍वरया जवय् च्‍वनादीगु दु।

हिब्रू 1:13

परमेश्‍वरं स्‍वर्गदूततय्‌त थथे गुब्‍सं धयामदी। “जिं छं शत्रुतय्‌त छंगु पालि तःले मततले छ जिगु जव ल्‍हाःपाखे च्‍वनाच्‍वँ।”

हिब्रू 1:3

वय्‌कलं नवानादीगु खँय् हे थ्‍व संसार न्‍ह्यानाच्‍वंगु दु। परमेश्‍वरयागु महिमाया जः वय्‌कःयाके दु। वय्‌कः व परमेश्‍वर उतिग्‍यं। वय्‌कःया शक्ति दुगु वचनं हे थ्‍व संसार न्‍ह्यानाच्‍वंगु दु। मनूतय्‌त पापं छुतय् यानादी धुंकाः वय्‌कः दक्‍वसिबय् तःधंम्‍ह परमेश्‍वरयागु जवय् च्‍वनादीगु दु।

हिब्रू 1:6

वय्‌कलं थः दकलय् तःधिकःम्‍ह काय्‌यात संसारय् छ्वया हयादीबलय् थथे धयादिल – “फुक्‍क स्‍वर्गदूततय्‌सं वय्‌कःयागु आराधना यायेमाः।”

हिब्रू 10:12

ख्रीष्‍टं धाःसा पापयागु निंतिं सदांयात गाक्‍क छता हे जक बलि बियादिल। अले वय्‌कः परमेश्‍वरयागु जवय् च्‍वनादीगु दु।

हिब्रू 12:2

अले झीगु विश्‍वास शुरु यानादीम्‍ह व क्‍वचाय्‌कादीम्‍ह येशूयात स्‍व, लिपायागु आनन्‍दया निंतिं वय्‌कः लज्‍या मचासे क्रूसया सास्‍ती फयादिल। वय्‌कः आः परमेश्‍वरया सिंहासनया जवय् च्‍वनादीगु दु।

हिब्रू 4:14

स्‍वर्गय् झायादीम्‍ह परमेश्‍वरया काय् येशू हे झी दक्‍वसिबय् तःधंम्‍ह पुजाहारी जूगुलिं झीसं मानय् यानाः वयागु विश्‍वासयात अज्‍जं क्‍वात्तुकाच्‍वनेमाः।

हिब्रू 6:20

झीगु निंतिं येशू न्‍ह्यः हे मल्‍कीसेदेक थें सदांया लागि दकलय् तःधंम्‍ह पुजाहारी जुयाः अन दुहां झाये धुंकल।

हिब्रू 8:1

जिमिसं धयाच्‍वनागु मू खँ थ्‍व हे खः – झीके थज्‍याःम्‍ह दकलय् तःधंम्‍ह पुजाहारी दु, गुम्‍ह स्‍वर्गय् परमेश्‍वरया सिंहासनया जवपाखे च्‍वनादी।

हिब्रू 9:24

ख्रीष्‍ट मनूतय्‌सं स्‍वर्गयागु किपालु थें जक यानाः दय्‌कातःगु महा-पवित्रगु थाय् दुने मखु, बरु झीगु निंतिं स्‍वर्गय् हे परमेश्‍वरया न्‍ह्यःने झायादीगु दु।