१ पत्रुस 3:21 - नेवाः बाइबल

²¹ थ्‍व आः छिमित बचय् याइगु लःया बप्‍तिस्‍माया चिं खः। थ्‍व म्‍हया खिति सिला छ्वयेगु थें मखु, बरु यचुगु नुगलं परमेश्‍वरया अधीनय् जुइगु खः। ख्रीष्‍ट सिनाः म्‍वाना वःगुलिं झीपिं बचय् जुइ।

१ पत्रुस 3:21 ပူးပေါင်းရင်းမြစ်များ

जकरिया 13:1

“उखुन्‍हु दाऊदया घराना व यरूशलेमया मनूतय्‌गु पाप व दोष चीकाछ्वयेत लःयागु छगू मुहान न्‍ह्याइ।

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

मर्कूस 16:16

विश्‍वास यानाः बप्‍तिस्‍मा काःम्‍ह बचय् जुइ, विश्‍वास मयाःपिं दोषी ठहरय् जुइ।

यूहन्‍ना 13:9

अले सिमोन पत्रुसं धाल – “अय्‌सा प्रभु, जिगु तुति जक मखु, ल्‍हाः व छ्यं नं सिला बियादिसँ।”

प्रेरित 16:33

चान्‍हय् हे वं पिने यंकाः इमिगु घाः सिला बिल। वं व वया छेँय् च्‍वंपिन्‍सं उबलय् हे बप्‍तिस्‍मा काल।

प्रेरित 2:38

अले पत्रुसं इमित धाल – “पश्‍चाताप या, अले छिकपिं छम्‍ह छम्‍हय्‌सिनं थःगु पापया क्षमा या लागि येशू ख्रीष्‍टयागु नामं बप्‍तिस्‍मा कयादिसँ। अले छिकपिन्‍सं परमेश्‍वरयागु वरदान पवित्र आत्‍मा कायेखनी।

प्रेरित 22:16

अय्‌जूगुलिं आः छुकियात लिबाका च्‍वनेगु? दनादिसँ, वय्‌कःया नामं बप्‍तिस्‍मा कयाः थःगु पाप सिला छ्वयादिसँ।’”

प्रेरित 8:36

इपिं वँवं छथाय् लः दुथाय् थ्‍यन। अले वं फिलिपयात धाल – “स्‍वयादिसँ, थन लः दु। जितः बप्‍तिस्‍मा कायेत छुकिं पनी?”

प्रेरित 8:37

फिलिपं धाल – “छिं दुनुगलंनिसें विश्‍वास यानादियागु खःसा बप्‍तिस्‍मा कयादी फु।” अले वं लिसः बिल – “येशू ख्रीष्‍ट परमेश्‍वरया काय् खः धकाः जिं विश्‍वास याना।”

रोमी 5:14

मनूतय्‌गु पाप आदमं आज्ञा मानय् मयासें याःगु पाप थें मखुसां आदमयागु पालंनिसें मोशायागु पालय् तक मनूत सी हे माल। आदम वइतिनिम्‍ह छम्‍ह मनू थें च्‍वंम्‍ह जक खः।

१ कोरिन्‍थी 12:13

थथे हे झीपिं यहूदीत, यहूदीमखुपिं, दास, दासमखुपिं फुक्‍कं छम्‍ह हे पवित्र आत्‍मां बप्‍तिस्‍मा कयागुलिं छगू म्‍ह जूगु दु। अले झीपिं फुक्‍कसिके छम्‍ह हे पवित्र आत्‍मा च्‍वनादीगु दु।

१ कोरिन्‍थी 4:6

यःपिं दाजुकिजापिं, छिमिगु निंतिं जिं व अपोल्‍लोसं च्‍वय् धयागु खँ यानाः क्‍यनाबियागु दु। झीत बीगु आज्ञायात मानय् यायेमाः धकाः छिमित स्‍यनेत हे जिमिसं थथे यानाः क्‍यनागु खः। छिपिं मध्‍ये सुं नं तःधंछुइ मते, अले हानं मेपिन्‍त हेला याये नं मते।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 7:1

यःपिं दाजुकिजापिं, झीत थ्‍व बचं बियादीगुलिं म्‍ह व आत्‍मायात अशुद्ध याइगु फुक्‍क खँपाखें झीसं थःत पवित्र याये नु। अले परमेश्‍वरया भय कयाः झीसं पवित्र जुयाच्‍वनेगु कुतः याये नु।

गलाती 3:27

ख्रीष्‍टयात विश्‍वास यानाः बप्‍तिस्‍मा कयाः वय्‌कः नाप मिलय् जूपिं सकसिनं पहःचहः न्‍हूगु वसः थें पुंगु दु।

एफिसी 5:26

ख्रीष्‍ट येशूं मण्‍डलीयात शुद्ध यायेत थःगु वचनं व लखं सिलाः शुद्ध यानादिल।

कलस्‍सी 2:12

बप्‍तिस्‍मा काःबलय् छिमिसं थःत वय्‌कःनापं तुं थुन। अले सीम्‍ह ख्रीष्‍टयात म्‍वाकादीम्‍ह परमेश्‍वरयागु शक्तियात विश्‍वास याःगुलिं वय्‌कः नाप तुं हानं म्‍वानावःगु दु।

१ तिमोथी 1:5

यचुगु नुगलं, भिंगु मतिं व शंका मयासें याइगु विश्‍वासं दइगु मायायात ब्‍वलंकेत जिमिसं थथे धयाच्‍वनागु खः।

१ तिमोथी 6:12

विश्‍वासयागु लँपुइ न्‍ह्यज्‍याना तुं च्‍वँ। अले अनन्‍त जीवन काय्‌त स्‍व। थुकियागु निम्‍ति हे परमेश्‍वरं छन्‍त सःतादीगु खः, अले थुकियागु निम्‍ति हे छं यक्‍व मनूतय्‌त थःगु विश्‍वासयागु साक्षी ब्‍यूगु खः।

हिब्रू 10:22

पवित्रगु लखं म्‍ह शुद्ध यानाः बांमलाःगु व मभिंगु खँ मतिइ मतसे, नुगः यचुकाः व विश्‍वासय् बल्‍लानाः झीपिं परमेश्‍वरया न्‍ह्यःने वनेनु।

हिब्रू 11:19

परमेश्‍वरं सीम्‍ह मनूयात हानं म्‍वाकादी फु धकाः अब्राहामं विश्‍वास यानाः थथे इसहाकयात बलि बीत्‍यंगु खः। उकिं अब्राहामयात ला छगूकथं इसहाक सिनाः म्‍वानावःम्‍ह थें हे जुल।

हिब्रू 13:18

जिमिगु निंतिं प्रार्थना याना हे च्‍वँ। जिमित विश्‍वास दु, जिमिगु नुगः यचुसे च्‍वँ, छाय्‌धाःसा जिमित बांलाःगु ज्‍या जक याये मास्‍ति वः।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

हिब्रू 9:24

ख्रीष्‍ट मनूतय्‌सं स्‍वर्गयागु किपालु थें जक यानाः दय्‌कातःगु महा-पवित्रगु थाय् दुने मखु, बरु झीगु निंतिं स्‍वर्गय् हे परमेश्‍वरया न्‍ह्यःने झायादीगु दु।

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

१ पत्रुस 3:16

थथे लिसः बीबलय् हनाबना तयाः, मिजासं नुगः यचुकाः नवा। थज्‍याःगु भिंगु चालचलनं यानाः छिमित बांमलाका व ब्‍वः बिया च्‍वंपिं मनूत थः हे लज्‍या चाये माली।