१ पत्रुस 3:10 - नेवाः बाइबल

¹⁰ थथे च्‍वयातःगु दु – “सुयां न्‍ह्यइपुक व ताःई तक म्‍वाये मंदु ला? दुसा, थःगु मेयात मभिंगु खँ नवायेगुपाखें व थःगु म्‍हुतुसियात मखुगु खँ ल्‍हायेगुपाखें तापाक ति।

१ पत्रुस 3:10 ပူးပေါင်းရင်းမြစ်များ

अय्‍यूब 2:4

शैतानं परमप्रभुयात लिसः बिल, “छेंगूया पलेसा छेंगू।” “थःगु ज्‍यान बचय् यायेत मनूतय्‌सं थःके दुगु फुक्‍क मबी ला?

अय्‍यूब 33:28

वय्‌कलं जिगु प्राणयात गालय् वनेगुपाखें बचय् यानादिल। जिगु जीवनं जः खनी।’

अय्‍यूब 9:25

जिगु आयु ब्‍वांय्‌वनीम्‍ह मनू स्‍वयाः तसकं ब्‍वांय्‌वनीगु। लसताया छपुलु मदय्‌क व ब्‍वयावनाच्‍वंगु दु।

भजनसंग्रहया सफू 106:5

अले छिं ल्‍ययातःपिं मनूतय्‌गु भिं जूगु खनाः जि लय्‌ताये फयेमा। छिगु जातिया लसताय् जि नं लय्‌ताये फयेमा, अले छिकपिनि मनूतनापं मिलय् जुयाः छितः प्रशंसा याये फयेमा।

भजनसंग्रहया सफू 27:13

परमप्रभुयागु भिंगु ज्‍या जिं थ्‍व हे जीवनय् स्‍वये दइतिनि धकाः जितः विश्‍वास दु।

भजनसंग्रहया सफू 49:19

सीधुंकाः इपिं थः पुर्खापिंनापं मिलय् जू वनी। अन इमिसं गुबलें नं जः खनि मखु।

हितोपदेश 3:18

बुद्धियात ग्रहण याइपिनिगु निंतिं थ्‍व जीवनया सिमा खः। अले थ्‍वयात क्‍वातुक्‍क ज्‍वनातइपिं सदां लय्‌तायाच्‍वनी।

हितोपदेश 3:2

जिं धया थें यात कि छ तःदँ तक म्‍वानाच्‍वनी, अले छ तःमि नं जुइ।

हितोपदेश 4:22

सुनां थ्‍व लुइके फइ, वयात थ्‍व जीवन जुइ। अले वयागु म्‍हयागु निंतिं उसाँय् जुइ।

हितोपदेश 8:35

जितः लुइकीम्‍हय्‌सित जीवन दइ। अले परमप्रभु वलिसे लय्‌तायादी।

उपदेशक 2:3

दाखमद्य त्‍वनाः वा मूर्ख खँयात घय्‌पुनाः जिं थःत लय्‌ताय्‌केगु कुतः याना। अझ नं जिगु मनयात बुद्धिं न्‍ह्यज्‍याका यंकाच्‍वंगु खः। आकाशया क्‍वय् चिहाकःगु जीवनय् सुं मनूया निंतिं बांलाःगु खँ छु खः धकाः सीकेगु जिं इच्‍छा याना।

मत्ती 19:17

वय्‌कलं लिसः बियादिल – “छिं जिके छाय् भिंगु खँ न्‍यं वयाच्‍वना? भिंम्‍ह ला परमेश्‍वर जक हे दु। अनन्‍त जीवन दय्‌केत छिं आज्ञा मानय् यायेमाः।”

मर्कूस 8:35

थःगु प्राण बचय् यायेत जक स्‍वइम्‍ह मनू नाश जुयावनी। सुनां जिगु निंतिं व भिंगु खँयागु निंतिं थःगु प्राण पाइ व बचय् जुइ।

यूहन्‍ना 1:47

नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

यूहन्‍ना 12:25

थःगु जीवनयात माया याइम्‍हय्‌सिनं अनन्‍त जीवन काये फइ मखु। सुनां थःगु जीवनयात माया याइ मखु, वयात अनन्‍त तकं म्‍वाका तइ।

व्‍यवस्‍था 32:47

उपिं छिमिगु लागि चिधंगु खँ मखु। अय्‌नं छिमिगु जीवन हे खः। उपिंपाखें हे छिमिसं यर्दन छिनाः अधिकार यायेत वनाच्‍वंगु देशय् छिपिं यक्‍व म्‍वाइ।”

याकूब 1:26

धर्मीम्‍ह धकाः धया जुइम्‍ह मनुखं न्‍ह्यःने लाः थें नवाना जुइ मज्‍यू। न्‍ह्यःने लाः थें नवाना जुइम्‍ह मनुखं परमेश्‍वरयात मानय् याना जूगु सितिं वनी। अले हानं थुकथं याना जूम्‍ह मनुखं थःम्‍हं थःत थगय् याइ।

१ पत्रुस 2:1

अय्‌जूगुलिं आवंनिसें छिपिं मभिंपिं मनूत जुइ मते। सुयातं थगय् याये मते, निपाः ख्‍वाःपाः दुपिं जुइ मते, कर्पिन्‍त डाहा याये मते, अले मेपिन्‍त मभिंकाः खँ ल्‍हाये मते।

१ पत्रुस 2:22

“वय्‌कलं गुब्‍सं नं पाप यानामदी। वय्‌कलं मखुगु खँ गुब्‍सं ल्‍हानामदी।”

प्रकाश 14:5

इमिगु म्‍हुतुइ मखुगु खँ धयागु मदु, इमिगु नुगः यचुसे च्‍वं।