१ पत्रुस 2:8 - नेवाः बाइबल

⁸ हानं मेथाय् थथे च्‍वयातःगु दु – “थ्‍व हे ल्‍वहँतय् मनूत लुफिं हानाः क्‍वदइ।” परमेश्‍वरयागु वचनय् विश्‍वास मयाःगुलिं इपिं थथे लुफिं हानाः क्‍वदइ। अले परमेश्‍वरं क्‍वःछिना तयादीगु सजाँय फयेमाली।

१ पत्रुस 2:8 ပူးပေါင်းရင်းမြစ်များ

अय्‍यूब 23:14

वय्‌कलं थःगु योजना जिगु विरोधय् पूरा यानादी। थज्‍याःगु यक्‍व योजना वय्‌कःयाके दु।

प्रस्‍थान 9:16

अय्‌नं जिगु शक्ति क्‍यनेत व पृथ्‍वीइ न्‍यंक जिगु नां कायेमा धकाः हे जिं छन्‍त म्‍वाकातयागु खः।

यशैया 37:26

“यक्‍व न्‍हापा हे जिं अथे यायेगु ग्‍वसाः ग्‍वयागु खः धकाः छु छं गुबलें मन्‍यना ला? आः जिं हे व पूवंका। पखालं घेरय् यानातःगु शहरतय्‌त नाश यानाः द्वंचिंकेगु शक्ति जिं छन्‍त बिया।

यशैया 57:14

अले परमेश्‍वरं थथे धयादी, “दय्‌की, दय्‌की, मू लँ दय्‌की! जिमि प्रजाया लँया फुक्‍क पंगःत चीकाछ्व।”

यशैया 8:14

वय्‌कः हे छ च्‍वनेगु थाय् जुयादी, तर इस्राएलया निगुलिं घराना निंतिं वय्‌कः छग्‍वः ल्‍वहं जुयादी। अले मनूत व हे ल्‍वहँतय् लुफिं हानाः क्‍वःदइ। व इमिगु निंतिं तक्‍यनीगु जाः थें खः।

लूका 2:34

अले शिमियोनं इमित आशिष बियाः मचाया मांयात थथे धाल – “इस्राएलय् च्‍वंपिं यक्‍व मनूतय्‌त भिंकेत नं स्‍यंकेत नं परमेश्‍वरं ल्‍ययादीम्‍ह मचा थ्‍व हे खः। थ्‍व मचा परमेश्‍वरयागु चिं जूगुलिं यक्‍वसिनं थ्‍वयागु विरोध याइ।

रोमी 9:22

परमेश्‍वरया तं व थःगु शक्ति क्‍यनादी मास्‍ति वःसा वय्‌कःयात सुनां पने फइ? वय्‌कलं थःत हीमी चाय्‌का च्‍वंपिं मनूत खनाः नं तंचाया मदिसे सहयाना तुं च्‍वनादिल।

१ कोरिन्‍थी 1:23

जिमिसं धाःसा क्रूसय् सीम्‍ह ख्रीष्‍टयागु खँ न्‍यंका जुया। यहूदीतय्‌गु निंतिं थ्‍व पंगः जुल, अले ग्रीकतय्‌गु निंतिं थ्‍व मूर्ख खँ जुल।

२ कोरिन्‍थी 2:16

नाश जुइपिनिगु निंतिं थ्‍व नवःगु नरक थें खः, मुक्ति काइपिनिगु निंतिं थ्‍व नस्‍वाःगु जीवन थें खः। थथे याये फुम्‍ह सु दु?

गलाती 5:11

यःपिं दाजुकिजापिं, जिं अज्‍ज नं म्‍हय् चिं तयेमाः धकाः न्‍यंकाजूगु जूसा जिं अज्‍जं छाय् दुःखकष्‍ट फया च्‍वनेगु? थ्‍व खँ खः धयागु जूसा क्रूसय् सिनादीम्‍ह ख्रीष्‍टयागु भिंगु खँ न्‍यंका जूसां जितः सुनानं दुःखकष्‍ट ब्‍यू वइ मखु।

१ थेसलोनिकी 5:9

परमेश्‍वरं झीत सजाँय बीत सःतादीगु मखु, बरु झी प्रभु येशू ख्रीष्‍टपाखें मुक्ति बीत सःतादीगु खः।

१ पत्रुस 2:6

थ्‍व हे खँ धर्मशास्‍त्रय् थथे च्‍वयातःगु दु – “स्‍व, जिं ल्‍यया तयागु छगः तसकं हे थिकेगु मू ल्‍वहं सियोनय् तये, अले उकियात विश्‍वास याःपिन्‍सं लज्‍या चाये माली मखु।”

१ पत्रुस 2:7

उकिं छिपिं विश्‍वास याःपिनिगु निंतिं थ्‍व तसकं तःजिगु खः। तर विश्‍वास मयाःपिनिगु निंतिं ला – “दकःमितय्‌सं ज्‍यालगय् मजूगु धकाः धाःगु ल्‍वहं हे कुंयागु मू ल्‍वहं जुल।”

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

यहूदा 1:4

न्‍हापा हे दोषी ठहरय् जूपिं गुम्‍हं गुम्‍हं मनूत छिमिगु पुचलय् मसीक दुहां वःगु दु। इमिसं परमेश्‍वरयात मानय् मयाः। वय्‌कलं बियादीगु दया मायायात इमिसं मभिंगु ज्‍याय् छ्यलाच्‍वंगु दु। अले येशू ख्रीष्‍टयात छम्‍ह हे जक प्रभु व मालिक खः धकाः नं इमिसं मानय् मयाः।