१ पत्रुस 2:7 - नेवाः बाइबल

⁷ उकिं छिपिं विश्‍वास याःपिनिगु निंतिं थ्‍व तसकं तःजिगु खः। तर विश्‍वास मयाःपिनिगु निंतिं ला – “दकःमितय्‌सं ज्‍यालगय् मजूगु धकाः धाःगु ल्‍वहं हे कुंयागु मू ल्‍वहं जुल।”

१ पत्रुस 2:7 ပူးပေါင်းရင်းမြစ်များ

यशैया 28:5

व दिंखुन्‍हु दक्‍व शक्ति दुम्‍ह परमप्रभु थः बचय्‌जूपिं प्रजाया निंतिं तसकं बांलाःगु स्‍वांनं दय्‌कातःगु श्रीपेच थें जुइतिनि।

हाग्‍गै 2:7

जिं फुक्‍क जातितय्‌त संकाबी, अले फुक्‍क जातितय्‌गु धन-सम्‍पत्ति थन मुं वइ। अले थ्‍व देगःयात झःझः धाय्‌के बी,’ दक्‍व शक्ति दुम्‍ह परमप्रभुं धयादी।

जकरिया 4:7

“हे तःधंगु पर्वत, छ छु खः? यरूबाबेलया न्‍ह्यःने छ मैदान जुइतिनि। वं देगःया च्‍वय् फुसय् तइगु ल्‍वहंयात लिकयाः उकिया थासय् तइ, अले मनूत थथे धकाः ततःसलं हाली, ‘परमेश्‍वरं आशिष बियादीमा! थुकियात परमेश्‍वरं आशिष बियादीमा!’”

मत्ती 21:42

वय्‌कलं हानं धयादिल – “धर्मशास्‍त्रय् च्‍वयातःगु छिकपिन्‍सं ब्‍वनादियागु मदु ला? “‘दकःमितय्‌सं ज्‍यालगय् मजूगु धकाः धाःगु ल्‍वहं हे मू ल्‍वहं जुल। परमेश्‍वरं हे थथे यानादीगु खः। झीसं स्‍वयेबलय् थ्‍व तसकं अजू चायापु।’”

लूका 2:32

यहूदीमखुपिन्‍त नं लँ क्‍यनीम्‍ह वय्‌कः मुक्तिदाता व जः खः। उकिं वय्‌कः मुक्तिदाता झायादीगुलिं मनूतय्‌सं झी इस्राएलीतय्‌त तःधंकी।”

लूका 2:34

अले शिमियोनं इमित आशिष बियाः मचाया मांयात थथे धाल – “इस्राएलय् च्‍वंपिं यक्‍व मनूतय्‌त भिंकेत नं स्‍यंकेत नं परमेश्‍वरं ल्‍ययादीम्‍ह मचा थ्‍व हे खः। थ्‍व मचा परमेश्‍वरयागु चिं जूगुलिं यक्‍वसिनं थ्‍वयागु विरोध याइ।

लूका 20:17

इमिसं अथे धाःगुलिं वय्‌कलं इमित स्‍वयाः धयादिल – “अय्‌सा धर्मशास्‍त्रय् थथे च्‍वया तःगुया छु अर्थ जुल लय्? “‘दकःमितय्‌सं ज्‍यालगय् मजूगु धकाः धाःगु ल्‍वहं हे मू ल्‍वहं जूवल।’

यूहन्‍ना 4:42

इमिसं व मिसायात धाल – “आः छं धाःगुलिं जक जिमिसं विश्‍वास यानागु मखु, बरु जिमिसं हे वय्‌कःयागु खँ न्‍यनाः विश्‍वास यानागु खः। जिमिसं वय्‌कः हे संसारयाम्‍ह मुक्तिदाता खः धकाः सीके धुन।”

प्रेरित 26:19

“थथे जूगुलिं हे, जुजु अग्रिपास, जिं स्‍वर्गपाखेंयागु दर्शनय् खनागु खँ गथे मन्‍यनेगु?

रोमी 10:21

इस्राएलीतय्‌त धाःसा परमेश्‍वरं थथे धाःगु दु – “धयागु खँ मानय् मजुइपिं व मखुगु जक यानाजुइपिं अतेरि मनूतय्‌त न्‍हिच्‍छि जिं ल्‍हाः ब्‍वय्‌काच्‍वनागु दु।”

रोमी 15:31

यहूदियाय् च्‍वंपिं विश्‍वास मयाःपिं मनूतय्‌पाखें जि बचय् जुइमा धकाः व यरूशलेमय् जिगु सेवा अन च्‍वंपिं विश्‍वासीतय्‌त ययेमा धकाः परमेश्‍वरयात प्रार्थना या।

२ कोरिन्‍थी 2:16

नाश जुइपिनिगु निंतिं थ्‍व नवःगु नरक थें खः, मुक्ति काइपिनिगु निंतिं थ्‍व नस्‍वाःगु जीवन थें खः। थथे याये फुम्‍ह सु दु?

कलस्‍सी 2:10

वय्‌कःपाखें हे छिपिं बांलाक ब्‍वलंगु दु। वय्‌कः फुक्‍क राज्‍य व शक्ति स्‍वयाः तःधं।

तीतस 3:3

झीपिं नं छकः ला छुं मस्‍यूपिं, अतेरिपिं, लँ द्वंका च्‍वनापिं, मभिंगु मतिइ तया जुइपिं, मोजमज्‍जा जक याइपिं, नुगः मुइका जुइपिं व थःथवय् मयय्‌का जुइपिं जुइ धुन।

हिब्रू 11:31

विश्‍वासं हे राहाब धाःम्‍ह वेश्‍या परमेश्‍वरयात मानय् मयाःपिं नाप सिनावने म्‍वाःल, छाय्‌धाःसा वं चिवा काय्‌के छ्वयाहःपिं मनूतय्‌त लसकुस यात।

हिब्रू 4:11

थथे जूगुलिं झीसं नं फक्‍व कुतः यानाः झासु लने थाय् वनेगु स्‍वये माल। तापाःबाज्‍यापिन्‍सं वय्‌कःयात मानय् मयाःगुलिं वय्‌कः नाप झासु लने मखन, उकिं झीसं नं इमिसं थें याये मज्‍यू।

१ पत्रुस 1:8

वय्‌कःयात छिमिसं मखंनिसां माया यानाच्‍वंगु दु। आः नं वय्‌कःयात छिमिसं मखंनि, अय्‌नं छिमिसं विश्‍वास यानाच्‍वंगु दु। अले धयां मब्‍याक छिपिं लय्‌तायाच्‍वंगु दु।

१ पत्रुस 2:4

वय्‌कः मनूतय्‌सं ज्‍यालगय् मजू धकाः चीकूगु, अय्‌नं परमेश्‍वरं ल्‍ययादीगु, म्‍वाःगु व तःजिगु ल्‍वहं खः। उकिं प्रभुयाथाय् वा।

१ पत्रुस 2:8

हानं मेथाय् थथे च्‍वयातःगु दु – “थ्‍व हे ल्‍वहँतय् मनूत लुफिं हानाः क्‍वदइ।” परमेश्‍वरयागु वचनय् विश्‍वास मयाःगुलिं इपिं थथे लुफिं हानाः क्‍वदइ। अले परमेश्‍वरं क्‍वःछिना तयादीगु सजाँय फयेमाली।