१ पत्रुस 2:6 - नेवाः बाइबल

⁶ थ्‍व हे खँ धर्मशास्‍त्रय् थथे च्‍वयातःगु दु – “स्‍व, जिं ल्‍यया तयागु छगः तसकं हे थिकेगु मू ल्‍वहं सियोनय् तये, अले उकियात विश्‍वास याःपिन्‍सं लज्‍या चाये माली मखु।”

१ पत्रुस 2:6 ပူးပေါင်းရင်းမြစ်များ

उत्‍पत्ति 49:24

तर याकूबया दक्‍व शक्ति दुम्‍ह परमेश्‍वरया ग्‍वाहालिं, फैजवाः व इस्राएलया ल्‍वहँधीया ग्‍वाहालिं वयागु धनुष वाण तप्‍यना हे च्‍वनी, अले वयागु लप्‍पा नं बल्‍लाना च्‍वनी।

भजनसंग्रहया सफू 40:14

जितः स्‍यायेत स्‍वःपिं लज्‍या चाये मालेमा, अले इतिमिति कनेमा। जिगु दुःखय् लय्‌तायाजूपिं लिज्‍यां वनेमा, अले मछालाः जुइमा।

भजनसंग्रहया सफू 89:19

यक्‍व न्‍हापा छिं थः विश्‍वास यायेबहःपिं मनूतय्‌त दर्शन बियाः थथे धयादिल, “जिं छम्‍ह नांजाःम्‍ह सिपाइँयात ग्‍वाहालि यानागु दु, जिं मनूतय् दथुं ल्‍ययाम्‍ह छम्‍ह मनूयात राज्‍ययागु सिंहासन बियागु दु।

यशैया 28:16

अथे जुयाः परमप्रभुं धयादी, “स्‍व, जिं सियोनय् छग्‍वः ल्‍वहं तयागु दु, जाँचय् यानातःगु छग्‍वः ल्‍वहं, तसकं बल्‍लाःगु जगया निंतिं मदय्‌कं मगाःगु मू ल्‍वहं। थुकी विश्‍वास याइपिं सुनानं लज्‍या चाय् माली मखु।

यशैया 41:11

“छनापं तंम्‍वःपिं फुक्‍क धात्‍थें हे लाजय् लाइ, अले बेइज्‍जत जुइ। छन्‍त विरोध याइपिं छुं मखुपिं जुइ अले नाश जुयावनी।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

यशैया 46:13

जिं थःगु धार्मिकता लिक्‍क हयाच्‍वनागु दु। व तामपाः, छिमिगु लिक्‍क हे दु। जिगु उद्धारं लिबाकी मखु। जिं सियोनयात उद्धार बी, अले इस्राएलयात जिगु महिमा क्‍यने।

यशैया 50:7

जि लाजय् लाइ मखु, छाय्‌धाःसा परमप्रभु परमेश्‍वरं जितः ग्‍वाहालि यानादी। जिं च्‍वल्‍वहं थें कडा जुइगु क्‍वःछिनागु दु, अले जिं स्‍यू कि जि लाजय् लाइ मखु।

यशैया 54:4

“ग्‍याये मते, छ लाजय् लाइ मखु। मेपिन्‍सं बेइज्‍जत याइ धकाः ग्‍याये मते। छन्‍त क्‍वह्यंके फइ मखु। छं थःगु ल्‍याय्‌म्‍हबलय्‌या लज्‍या ल्‍वःमंकी, अले छन्‍त भाःत मदुबलय्‌या याःगु हेला गुबलें लुमंकी मखु।

जकरिया 10:4

यहूदापाखें मू ल्‍वहं, वपाखें हे पालया नकिं, अले वपाखें हे लडाइँया धनुष, वपाखें हे फुक्‍क शासकत पिहां वइ।

मत्ती 12:18

परमेश्‍वरं धयादिल – “स्‍व, थ्‍व जिं ल्‍ययाम्‍ह जि यःम्‍ह च्‍यः खः। थ्‍व खनाः जि तसकं लय्‌ताः। थ्‍वयागु नुगलय् जिगु आत्‍मा तयाबी, अले थ्‍वं हे जात जातियापिन्‍त न्‍याययागु खँ न्‍यंकी।

मर्कूस 12:10

थथे च्‍वयातःगु खँ छिमिसं मब्‍वना ला? “‘दकःमितय्‌सं ज्‍यालगय् मजूगु धकाः धाःगु ल्‍वहं हे मू ल्‍वहं जूवल।

लूका 20:17

इमिसं अथे धाःगुलिं वय्‌कलं इमित स्‍वयाः धयादिल – “अय्‌सा धर्मशास्‍त्रय् थथे च्‍वया तःगुया छु अर्थ जुल लय्? “‘दकःमितय्‌सं ज्‍यालगय् मजूगु धकाः धाःगु ल्‍वहं हे मू ल्‍वहं जूवल।’

लूका 23:35

अन लिक्‍कसं दनाः मनूत स्‍वयाच्‍वंगु दु। शासकतय्‌सं धाःसा वय्‌कःयात थथे धकाः गिजय् यात – “थ्‍वं कर्पिन्‍त ला बचय् यात, थ्‍व मनू परमेश्‍वरं हे ल्‍ययातःम्‍ह मुक्ति बीम्‍ह ख्रीष्‍ट खः धयागु जूसा थःत नं बचय् याये फयेमाःगु खः।”

यूहन्‍ना 7:38

अले धर्मशास्‍त्रय् च्‍वया तः थें – सुनां जितः विश्‍वास याइ, वयागु नुगलं अनन्‍त जीवन दुगु खुसिबाः वयाच्‍वनी।”

प्रेरित 1:16

“दाजुकिजापिं, येशूयात ज्‍वंकूम्‍ह यहूदाया खँय् न्‍हापां हे दाऊदया म्‍हुतुं पवित्र आत्‍मां नवाःगु खँ धर्मशास्‍त्रय् च्‍वयातःगु खः। थथे जुइ हे माःगु खः, अले जु नं जुल।

रोमी 10:11

वय्‌कःयात विश्‍वास याइपिं सुनानं लज्‍या चाय् माली मखु धकाः न्‍हापां हे धर्मशास्‍त्रय् च्‍वयातःगु दु।

एफिसी 1:4

संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

एफिसी 2:20

प्रेरिततय्‌सं व अगमवक्तातय्‌सं स्‍वना थकूगु जगय् दय्‌कूगु छेँ छिपिं नं खः। अले थ्‍व जगयागु मू ल्‍वहं येशू ख्रीष्‍ट खः।

२ तिमोथी 3:16

धर्मशास्‍त्रयागु फुक्‍क खँ परमेश्‍वरया प्रेरणां च्‍वःगु खः, थुपिं स्‍यनेकने यायेत, न्‍वायेत, द्वंगु भिंकेत व खःकथं म्‍वायेत तिबः बी।

१ पत्रुस 2:4

वय्‌कः मनूतय्‌सं ज्‍यालगय् मजू धकाः चीकूगु, अय्‌नं परमेश्‍वरं ल्‍ययादीगु, म्‍वाःगु व तःजिगु ल्‍वहं खः। उकिं प्रभुयाथाय् वा।

१ पत्रुस 2:8

हानं मेथाय् थथे च्‍वयातःगु दु – “थ्‍व हे ल्‍वहँतय् मनूत लुफिं हानाः क्‍वदइ।” परमेश्‍वरयागु वचनय् विश्‍वास मयाःगुलिं इपिं थथे लुफिं हानाः क्‍वदइ। अले परमेश्‍वरं क्‍वःछिना तयादीगु सजाँय फयेमाली।

२ पत्रुस 1:20

दकलय् न्‍हापालाक अगमवक्तातय्‌सं धयावंगु खँ इमिसं यसें धयावंगु मखु, परमेश्‍वरं धाय्‌कूगु खः धकाः छिमिसं थुइका तये माल।

२ पत्रुस 3:16

पावलं च्‍वयातःगु पौलय्‌ नं थ्‍व हे खँ न्‍ह्यथनातःगु दु। गनं गनं पावलं च्‍वयातःगु खँ थुइकेत थाकु। बांलाक मस्‍यूपिं मनूतय्‌सं व क्‍वात्तुक विश्‍वास यानाच्‍वने मफुपिं मनूतय्‌सं ला च्‍वयातःगु खँया अर्थ हे हीका छ्वइ। थथे हे इमिसं धर्मशास्‍त्रयागु अर्थ नं हीका छ्वइ। थथे इमिसं थःत थःम्‍हं हे स्‍यंकी।