१ पत्रुस 2:25 - नेवाः बाइबल

²⁵ न्‍हापा छिपिं तंपिं फैचात थें जुयाच्‍वंगु खः। आः छिपिं थः जवाः व सुसाःकुसाः याइम्‍हय्‌सिथाय् वय्‌कः नाप जुइत लिहां वये धुंकल।

१ पत्रुस 2:25 ပူးပေါင်းရင်းမြစ်များ

भजनसंग्रहया सफू 119:176

तंम्‍ह फै थें जि मखुगु लँय् वनागु दु, छिकपिनि दासयात मालादिसँ, छाय्‌धाःसा जिं छिगु आज्ञा ल्‍वःमंकागु मदु।

भजनसंग्रहया सफू 80:1

हे इस्राएलया फैजवाः, जिमिगु खँ न्‍यनादिसँ। छिं हे योसेफया सन्‍तानयात फैबथांयात थें ज्‍वयादीगु खः। पपू दुपिं करूबतय् दथुइ च्‍वनादीम्‍ह हे परमेश्‍वर, मनूतय्‌त थःगु जः क्‍यनादिसँ।

यशैया 13:14

इपिं लिना हःम्‍ह चल्‍ला थें अले जवाः मदुपिं फैत थें, फुक्‍क मनूत थः मनूतय्‌थाय् लिहांवनी अले फुक्‍क मनूत थथःगु हे थासय् बिस्‍युं वनी।

यशैया 40:11

वय्‌कलं थःगु फैच्‍वलय्‌या बथांयात फैजवालं थें ज्‍वयादी। वय्‌कलं चिचीधिकःपिं भ्‍याःचातय्‌त थःगु मुलय् कयादी अले इमित थःगु हे नुगःया लिक्‍क पाछायादी। वय्‌कलं तसकं चिचीधिकःपिं फैचा दुपिन्‍त बुलुहुं ज्‍वयादी।

यशैया 53:5

तर वयात ला झीगु हे अपराधया निंतिं सुयाबिल। वयात झीगु अधर्मया निंतिं क्‍वत्‍यल। वं सजाँय फःगुलिं झीत सुख शान्‍ति दत। वं कोर्रा नःगुलिं झीपिं लन।

यशैया 53:6

झीपिं फुक्‍कं फैत थें लँ तनाच्‍वंपिं खः। झीपिं फुक्‍क थःगु हे लँय् वनाच्‍वना, अले परमप्रभुं वयाके झीगु फुक्‍क अधर्म तयादीगु दु।

यर्मिया 23:2

अथे जूगुलिं थः मनूतय्‌त ज्‍वइपिं फैजवाःतय्‌त परमप्रभु इस्राएलयाम्‍ह परमेश्‍वरं थथे धयादी, “छिमिसं जिगु बथांयात छ्यालब्‍याल यानाबिल, छिमिसं इमित लिनाछ्वत, इमित मस्‍वः। उकिं छिमिसं याःगु मभिंगु ज्‍याया निंतिं जिं थःम्‍हं हे छिमित सजाँय बी,” परमप्रभुं धयादी।

इजकिएल 34:6

जिम्‍ह फैत लँ द्वंकाः पहाड पहाडय् व ततःजाःगु डाँडाय् वन। इपिं पृथ्‍वीया फुक्‍क थासय् छ्यालब्‍याल जुल। सुनानं इमित वास्‍ता मयाः, सुनानं इमित माःमवं।

इजकिएल 37:24

“‘जिम्‍ह दास दाऊद इमि जुजु जुइ, इमि छम्‍ह हे फैजवाः जुइ। इमिसं जिगु नियम पालन याइ, अले जिगु विधित पालन यानाः वकथं जुइ।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

मत्ती 18:12

“छम्‍ह मनूया सछि फैचा दु। छम्‍ह जक फैचा तंसां वं गुइगुम्‍ह फैचात त्‍वःताः तंम्‍ह फैचायात माः मवनी ला?

मत्ती 9:36

मनूतय्‌गु हुलयात खनाः वय्‌कःयात माया वन, छाय्‌धाःसा इपिं जवाः मदुपिं फैचात थें हाःनाः मदयाः उखेलाः थुखेलाः मदयाच्‍वन।

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

हिब्रू 3:1

यःपिं दाजुकिजापिं, छिमित हे खः, परमेश्‍वरं सःतादीगु। झीसं विश्‍वास यानाच्‍वनाम्‍ह येशूयात हे परमेश्‍वरं छ्वयाहयाः दकलय् तःधंम्‍ह पुजाहारी यानादिल। वय्‌कःयाके थःगु मन तया च्‍वँ।

हिब्रू 5:2

थज्‍याःम्‍ह पुजाहारीं थः नं बमलाःम्‍ह जूगुलिं मस्‍यूपिं व मखुगु लँय् जुइपिंनाप नं क्‍वमिलु जुयाः खँ ल्‍हाये फइ।

१ पत्रुस 3:20

नोआं न्‍यंकूबलय् मनूतय्‌सं विश्‍वास हे मयाः। नोआं जहाज दय्‌का च्‍वंतले इमिसं विश्‍वास याइ ला धकाः परमेश्‍वरं तःन्‍हु हे पियादिल। संसार लखं जाःबलय् च्‍याम्‍ह जक मनूत म्‍वात, मेपिं फुक्‍कं सित।

१ पत्रुस 5:4

अले लिपा मूलम्‍ह फैजवाः येशू ख्रीष्‍ट झाइबलय् छिमिसं गुबलें नाश जुइ मखुगु श्रीपेच कायेखनी।