१ पत्रुस 2:22 - नेवाः बाइबल

²² “वय्‌कलं गुब्‍सं नं पाप यानामदी। वय्‌कलं मखुगु खँ गुब्‍सं ल्‍हानामदी।”

१ पत्रुस 2:22 ပူးပေါင်းရင်းမြစ်များ

भजनसंग्रहया सफू 34:13

दुसा, थःगु मेयात मभिंगु व मखुगु खँ ल्‍हाकेबी मते।

यशैया 53:9

इमिसं वयागु चिहान दुष्‍ट मनूतय्‌गुनापं दय्‌कल, व सीबलय् तःमिपिंनापं हे थुन, खः ला, वं छुं ल्‍वापुख्‍यापु याःगु मदु, वयागु म्‍हुतुं मभिंगु व मखुगु खँ ल्‍हाःगु मदु।

मत्ती 27:19

थथे इन्‍साफ यानाच्‍वंबलय् हे पिलातसया कलातं वयात थथे धाय्‌के छ्वयाहल – “व धर्मी मनूयात छुं हे यानादी मते, छाय्‌धाःसा व मनूयागु खँय् जिं थौं म्‍हगसय् तसकं सास्‍ती फये माल।”

मत्ती 27:4

अले धाल – “दोष मदुम्‍ह मनूयात स्‍याकेत ज्‍वंकाः जिं पाप याये लात।” अय्‌नं इमिसं वयात थथे धाल – “जिमित छु धया लय्? छं हे सीकि।”

लूका 23:41

झीत ला झीसं यानागु ज्‍या हे अपराध जूगुलिं थथे याना तल, अय्‌नं थ्‍व मनुखं ला छुं मभिंगु ज्‍या याःगु मदु।”

लूका 23:47

रोमी कप्‍तानं थथे जूगु खनाः परमेश्‍वरयात तःधंकाः थथे धाल – “धात्‍थें हे, थ्‍व मनू ला भिंम्‍ह खः।”

यूहन्‍ना 1:47

नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

यूहन्‍ना 8:46

छिकपिं मध्‍ये सुनानं जिं पापयात काः जितः दोष बियादी फु ला? जिं सत्‍य खँ धयागु खःसा छिकपिन्‍सं जितः छाय् विश्‍वास याना मदीयागु?

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

हिब्रू 4:15

झी दकलय् तःधंम्‍ह पुजाहारी झी बमलाइबलय् छुं याये मफुम्‍ह मखु, बरु झीत थें वय्‌कःयात नं फुक्‍क खँय् शैतानं जाँचय् यात, अय्‌सां वय्‌कलं पाप यानामदी।

हिब्रू 9:28

अथे हे तःम्‍हय्‌सिगु पाप हुया छ्वयेत ख्रीष्‍ट नं छकः सिनादिल। वय्‌कः निक्‍वः खुसि नं झाइतिनि। उबलय् वय्‌कः पाप हुया छ्वयेत मखु, बरु वय्‌कःयागु लँ स्‍वयाच्‍वंपिन्‍त बचय् यायेत झाइ।

१ यूहन्‍ना 2:1

अय् जि यःपिं मस्‍त, छिपिं ला जिम्‍ह मस्‍त थें खः। छिमिसं पाप याये मते धकाः थ्‍व खँ जिं च्‍वयाच्‍वनागु खः। छुं जुयाः छिमिसं पाप याये लात धाःसा निराश जुइ मते, छाय्‌धाःसा झीत ग्‍वाहालि याइम्‍ह येशू ख्रीष्‍टं बाःया न्‍ह्यःने झीगु निंतिं बिन्‍ति यानादी।

१ यूहन्‍ना 3:5

झीगु पाप मदय्‌केत हे ख्रीष्‍ट झायादीगु खः। ख्रीष्‍टयाके पाप द हे मदु।

प्रकाश 14:5

इमिगु म्‍हुतुइ मखुगु खँ धयागु मदु, इमिगु नुगः यचुसे च्‍वं।