१ पत्रुस 2:19 - नेवाः बाइबल

¹⁹ थथे छिमिसं परमेश्‍वरयागु निंतिं भिंगु ज्‍याखँ याना नं अन्‍यायलं जाःगु दुःखकष्‍ट फये माल धाःसा परमेश्‍वरं छिमित आशिष बियादी।

१ पत्रुस 2:19 ပူးပေါင်းရင်းမြစ်များ

अय्‍यूब 21:27

छिकपिन्‍सं छु बिचाः यानाच्‍वनादीगु दु जिं बांलाक स्‍यू, अले जिगु विरोधय् ग्‍वयाच्‍वंगु छिकपिनिगु ग्‍वसाः जिं स्‍यू।

भजनसंग्रहया सफू 119:86

छिगु आज्ञा फुक्‍क भरोसा यायेबहः जू। जितः ग्‍वाहालि यानादिसँ, मनूतय्‌सं छुं कारण मदयेकं जितः दुःख बीगु।

भजनसंग्रहया सफू 35:19

जिमि शत्रुतय्‌त जि बूगुलिइ लय्‌ताय्‌के बियादी मते। म्‍वाय्‌कं म्‍वाय्‌कं जितः महीपिं मनूतय्‌त जिगु दुःखय् लाय्‌बुइके बियादी मते।

भजनसंग्रहया सफू 38:19

जिमि शत्रुत जि स्‍वयाः यक्‍व बल्‍लाः, गुलिखे शत्रुत ला म्‍वाय्‌कं म्‍वाय्‌कं जितः महीपिं नं दु।

भजनसंग्रहया सफू 69:4

जितः म्‍वाय्‌कं म्‍वाय्‌कं मयय्‌काच्‍वंपिं जिगु छेनय् च्‍वंगु सँ स्‍वयाः अप्‍वः दु। इमिसं मखुगु मखुगु द्वपं बियाः जितः स्‍यंकेत स्‍वयाच्‍वंगु दु। जिं का हे मकयागु नं लित हिँ धकाः जिलिसें ल्‍वापु थःवयाच्‍वन।

लूका 6:32

“थःत माया याइपिन्‍त जक माया याःसा छिमिसं छु हे तःधंगु यात? पापीतय्‌सं नं ला थःत माया याइपिन्‍त माया याः नि।

यूहन्‍ना 15:21

थुकथं जिगु नामं इमिसं छिमित सास्‍ती याइ। जितः छ्वया हःम्‍हय्‌सित म्‍हमस्‍यूगुलिं इमिसं थथे याना जूगु खः।

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

रोमी 13:5

थथे जूगुलिं परमेश्‍वरया तंपाखें जक बचय् जुइत मखु, थःगु विवेकयागु निंतिं नं हाकिमतय्‌सं धाःथें च्‍वनेमाः।

१ कोरिन्‍थी 15:10

अथेसां परमेश्‍वरं जितः दया माया यानादीगुलिं जि थथे जुइ खन। वय्‌कलं जितः दया माया यानादीगु नं ला जिं सितिं मछ्वया। फुक्‍क प्रेरिततय्‌सं स्‍वयाः नं जिं यक्‍व दुःख सियाः ज्‍या यानाच्‍वनागु दु। जिं हे जक ला थथे ज्‍या यानाच्‍वनागु मखु, बरु जितः ज्‍या याकातःगु ला परमेश्‍वरयागु दया मायां खः।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 8:1

यःपिं दाजुकिजापिं, माकेडोनियाया थाय् थासय् च्‍वंगु मण्‍डलीयात परमेश्‍वरं दया माया यानादीगु खँ छिमित धयाच्‍वना।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

हिब्रू 10:2

बलि बीवं शुद्ध जुइगु खःसा छाय् हानं बलि बी माल? थुकिं शुद्ध जुइगु खःसा ला बलि बीगु ज्‍या दिके माःगु खः। थज्‍याःम्‍ह मनूयागु नुगलं वयात हानं पापी ठहरय् मयायेमाःगु खः।

१ पत्रुस 2:20

मभिंगु ज्‍या यानाः सजाँय फये मालीबलय् सहः यात धाःसा थुकी तःधंगु खँ छु दु धकाः? तर छिमिसं भिंगु ज्‍या यानाः नं दुःखकष्‍ट फये मालीबलय् सहः यात धाःसा व परमेश्‍वरयात नालेबःह जुइ।

१ पत्रुस 4:15

अय्‌नं ज्‍यानमारा, खुँ, मभिंगु ज्‍याखँ यानाजुइपिं, अले कर्पिनिगु ज्‍याखँय् ल्‍हाः तः जुइपिं थें जुयाः छता छिमिसं दुःखकष्‍ट सी मते।