१ पत्रुस 2:13 - नेवाः बाइबल

¹³ प्रभुयात तःधंकेत तःधंपिं मनूतय्‌सं धाःगु मानय् या। व दक्‍वसिबय् तःधंम्‍ह जुजु हे थजुइमा,

१ पत्रुस 2:13 ပူးပေါင်းရင်းမြစ်များ

हितोपदेश 17:11

मभिंपिं मनूतय्‌सं न्‍ह्याबलें पंगः जक थानाच्‍वनी, अज्‍याःपिन्‍त नुगलय् हि मदुम्‍ह छ्वयाः सजाँय बी।

हितोपदेश 24:21

हे जिमि काय्! परमप्रभुया भय का, अले जुजुयात हनाबना ति। अले विद्रोह यानाजुइपिंलिसे जुइ मते।

यर्मिया 29:7

जिं छिमित ज्‍वंकाः गुगु शहरय् छ्वयागु खः, उगु शहरया भिं जूगु यय्‌की, अले उकिया लागि परमप्रभुयात प्रार्थना या। छाय्‌धाःसा व च्‍वन्‍ह्यासा छिपिं नं च्‍वन्‍ह्याइ।”

मत्ती 22:21

इमिसं “कैसरयागु” धकाः लिसः बिल। अले वय्‌कलं धयादिल – “अय्‌सा कैसरयागु कैसरयात हे ब्‍यु, परमेश्‍वरयागु परमेश्‍वरयात हे ब्‍यु।”

मर्कूस 12:17

वय्‌कलं धयादिल – “अय्‌सा, कैसरयागु कैसरयात हे ब्‍यु, परमेश्‍वरयागु परमेश्‍वरयात हे ब्‍यु।” वय्‌कःयागु खँ न्‍यनाः इमि व धाये थ्‍व धाये मन्‍त।

लूका 20:25

वय्‌कलं धयादिल – “अय्‌सा कैसरयागु कैसरयात हे बीमाः, परमेश्‍वरयागु परमेश्‍वरयात हे बीमाः।”

एफिसी 5:21

ख्रीष्‍टयात मानय् यानाच्‍वंपिं जुयाः छिमिसं छम्‍हं मेम्‍हय्‌सिगु खँ न्‍यनेगु या।

तीतस 3:1

सरकार व हाकिमतय्‌सं धाःथें च्‍वनाः इमिसं धाःगु खँ न्‍यनेमाः धकाः विश्‍वासीतय्‌त थुइकाब्‍यु। भिंगु न्‍ह्यागु ज्‍याय् नं न्‍ह्यच्‍यु।

१ पत्रुस 2:17

फुक्‍कसित हनाबना तयेगु या। दाजुकिजापिन्‍त माया या। परमेश्‍वरयागु ग्‍याःभय का। जुजुयात हनेगु या।

२ पत्रुस 2:10

अप्‍वः यानाः थःत जक यःथें मभिंगु बांमलाःगु ज्‍याखँ यानाः व परमेश्‍वरयागु अधिकारयात हेपय् यानाजुइपिं मनूतय्‌त वय्‌कलं तःधंगु सजाँय बियादी। अज्‍याःपिं मखुगु खँ स्‍यनीपिं मनूत तसकं तःधंछुइमाः। अले इमिसं थः स्‍वयाः तःधंपिन्‍त हनाबना तइ मखु, हेपय् याना जुइ।