१ पत्रुस 2:12 - नेवाः बाइबल

¹² परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ पत्रुस 2:12 ပူးပေါင်းရင်းမြစ်များ

भजनसंग्रहया सफू 37:14

मभिंपिन्‍सं नये मखंपिं व चीमिपिन्‍त न्‍हंकेत व भिंगु लँय् जुयाच्‍वंपिन्‍त स्‍यायेत थःगु तरवार ल्‍ह्वनी, अले धनुष वाण तप्‍यंकी

भजनसंग्रहया सफू 50:23

सुभाय्‌या बलि छाइम्‍हय्‌सिनं हे जिगु महिमा याइ, अले जिगु लँय् जूपिन्‍त जिं परमेश्‍वरयागु मुक्ति क्‍यने।”

यशैया 10:3

सजाँयया दिं व तापाकं वइगु आपत विपत वइबलय् छिमिसं छु यायेगु? छिपिं ग्‍वाहालिया निंतिं गन वनेगु? छिमिगु धन-सम्‍पत्ति गन त्‍वःतावनेगु?

दानिएल 6:4

थथे जूगुलिं मेपिं निम्‍ह मन्‍त्रीत व प्रान्‍तयापिं बडा-हाकिमतय्‌सं सरकारी ज्‍याय् दानिएलयागु दोष मालेगु याना हल। तर इमिसं वं छुं मखुगु ज्‍या याःगु लुइके मफुत, छाय्‌धाःसा व विश्‍वास याये बहःम्‍ह मनू खः, व लाः लाः थें यानाजुइम्‍ह मनू मखु।

मत्ती 10:25

चेला थः गुरु थें जुइ दुगुलिं, अले च्‍यः थः मालिक थें जुइ दुगुलिं लुधनेमाः। छेँ थुवाःयात हे भूतया जुजु बालजिबुल धाल धाःसा वया जहानतय्‌त झन छु जक धाइगु जुइ?”

मत्ती 5:11

“जितः विश्‍वास याःगुलिं छिमित मनूतय्‌सं मभिंका जुइ, हेस्‍याना जुइ, दुःखकष्‍ट बियाजुइ। अय्‌जूगुलिं छिपिं धन्‍यपिं खः।

मत्ती 5:16

छिपिं नं मनूतय्‌गु न्‍ह्यःने थथे हे थिनाच्‍वने फयेमाः। अले जक छिमिसं याःगु बाबांलाःगु ज्‍याखँ मनूतय्‌सं खनी, अले स्‍वर्गय् च्‍वनादीम्‍ह परमेश्‍वर बाःयात इमिसं तःधंकी।

मत्ती 9:8

थ्‍व खनाः अन च्‍वंपिं मनूत ग्‍यात। अले मनूतय्‌त परमेश्‍वरं थज्‍याःगु अधिकार बियादीगुलिं इमिसं परमेश्‍वरयात तःधंकल।

लूका 1:68

“इस्राएलीतय् परमप्रभु परमेश्‍वरयात तःधंकेमा, छाय्‌धाःसा परमेश्‍वर थः हे झायाः थः मनूतय्‌त पापं छुतय् यानादिल।

लूका 19:44

अले मस्‍तनापं छिमित व छिमिगु शहरयात भज्‍यंक नाश यानाबी। छगः ल्‍वहंया द्यःने मेगु ल्‍वहं नं ल्‍यंका तइ मखु, छाय्‌धाःसा परमेश्‍वरं छिमित बचय् याः वःगु ईयात छिमिसं सीके मफुत।”

लूका 6:22

मनूया काय् नाप जुयाः मनूतय्‌सं घृणा याकाजुइपिं धन्‍यपिं खः, अले पितिना तःपिं, मभिंका तःपिं व दुष्‍ट धाय्‌का च्‍वनेमाःपिं धन्‍यपिं खः।”

यूहन्‍ना 13:31

यहूदा पिहां वने धुंकाः येशूं धयादिल – “आः मनूया काय् तःधन। वयापाखें परमेश्‍वर नं तःधनी।

प्रेरित 15:14

परमेश्‍वर हे यहूदीमखुपिन्‍थाय् झायाः इमित थः मनूत यानादिल धकाः सिमोनं धाये हे धुंकल।

प्रेरित 24:13

न इमिसं जितः थःपिन्‍सं पाः याःगु खँयागु दसि हे बी फइ।

प्रेरित 25:7

पावलयात अन हयेवं यरूशलेमं वःपिं यहूदीतय् नायःतय्‌सं वयात यक्‍व हे दोष बिल। अथेसां इमिसं छुकियागुं दसि बी मफुत।

प्रेरित 28:22

अय्‌नं छिं थःगु खँ जिमित नं कनादिसँ, छाय्‌धाःसा थ्‍व लँय् जुइपिन्‍त न्‍ह्याथाय् नं मभिंकाः खँ ल्‍हाइगु जिमिसं स्‍यू।”

रोमी 12:17

मभिंगुया पलेसा मभिंगु हे याये मते, बरु फुक्‍क मनूतय्‌त यइपुसे च्‍वंगु व भिंगु जक याना जु।

रोमी 13:13

थुकथं झीगु चालचलन जलय् च्‍वंपिनिगु थें याये माल, उकिं झीसं मोजमज्‍जा यायेगु, अय्‌लाः त्‍वना जुइगु, व्‍यभिचार यायेगु, लाः लाः थे सना जुइगु, ल्‍वापु यायेगु, नुगः मुइकेगु त्‍वःताछ्वये माल।

रोमी 14:18

थुकथं ख्रीष्‍टयागु सेवा यानाजुइम्‍ह मनूयात परमेश्‍वरं स्‍याबास बियादी, अले वं थथे याना जूगु खनाः मनूतय्‌सं नं थ्‍व भिंम्‍ह मनू खः धकाः धाइ।

रोमी 15:9

यहूदीमखुपिन्‍सं नं परमेश्‍वरं दया माया यानादीगुलिं वय्‌कःयात जयजय यायेमा धकाः ख्रीष्‍ट झायादीगु खः। धर्मशास्‍त्रय् नं थथे च्‍वयातःगु दु – “यहूदीमखुपिं दुथाय् नं जिं छितः जयजय याये छिगु नां कयाः भजन हाले।”

१ कोरिन्‍थी 14:25

वयागु नुगलय् च्‍वंगु गुप्‍ति खँ नं सी दइ। अले वं “धात्‍थें हे परमेश्‍वर छिपिंनाप दी खनी” धकाः क्‍वछुनाः परमेश्‍वरयात तःधंकी।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 13:7

छिमिसं मखुगु ज्‍या छता मयायेमा धकाः जिमिसं प्रार्थना यानाच्‍वनागु दु। जिमिसं थःम्‍हं थःत तःधंकेत थथे प्रार्थना यानाच्‍वनागु मखु, बरु जिपिं ज्‍यालगय् मजूपिं जूसां छिमिसं भिंगु ज्‍या याये फयेमा धकाः प्रार्थना यानाच्‍वना।

२ कोरिन्‍थी 8:21

प्रभुया न्‍ह्यःने जक मखु, मनूतय्‌गु न्‍ह्यःने नं भिंगु ज्‍या यायेत जिमिसं कुतः यानाच्‍वना।

एफिसी 2:3

झीपिं नं छकः इपिं थें हे जुइ धुनागु दु, झीसं नं थःत यःथें यानाः मोजमज्‍जा याना जुइ धुन। थुकथं मेपिं थें झीपिं नं परमेश्‍वरयागु तं फये मालीपिं जुइ धुन।

एफिसी 4:22

थःत हे स्‍यंकीगु न्‍हापायागु चालचलनयात छिमिसं त्‍वःताछ्व।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

फिलिप्‍पी 4:8

यःपिं दाजुकिजापिं, दकलय् लिपा जिं धाये – छिमिसं सत्‍यगु, हनेबहःगु, भिंगु, शुद्धगु, बांलाःगु, ततःधंगु व प्रशंसा याये बहःगु खँय् जक मन बिया च्‍वँ।

१ थेसलोनिकी 4:12

थथे याना जूसा छिमित मेपिन्‍सं नं हनाबना तइ। अले थःत मालीबलय् सुयागु नं ख्‍वाः स्‍वयाच्‍वने माली मखु।

१ तिमोथी 2:2

शान्‍ति व चितासू दय्‌कः म्‍वानाच्‍वने फयेमा, अले परमेश्‍वरयागु सेवा दुग्‍यंक याये फयेमा धकाः जुजुपिनिगु निंतिं व अधिकार दुपिनिगु निंतिं नं प्रार्थना या।

१ तिमोथी 4:12

सुनानं छंगु ल्‍याय्‌म्‍हसूयात हेबाय्‌चबाय् याये मफयेमा, बरु छं खं, चालचलनं, मायां, विश्‍वासं व शुद्ध जुयाः इमि न्‍ह्यःने नमूना जुयाः क्‍यँ।

१ तिमोथी 5:10

बांलाःगु ज्‍या यानाः नांजाःम्‍ह, मस्‍तय्‌त ब्‍वलंकूम्‍ह, पाहांतय्‌त दुनुगलंनिसें दुकाइम्‍ह, परमेश्‍वरया मनूतय्‌त तुति सिलाः सेवा याइम्‍ह, हाःनाः मदुपिन्‍त ग्‍वाहालि याइम्‍ह व भिंगु ज्‍याय् जक मन तयाः जुइम्‍ह जूसा वयात भाःत मदय्‌ धुंकूपिं मिसातय्‌गु नांया धलखय् दुथ्‍याकूसां ज्‍यू।

हिब्रू 13:18

जिमिगु निंतिं प्रार्थना याना हे च्‍वँ। जिमित विश्‍वास दु, जिमिगु नुगः यचुसे च्‍वँ, छाय्‌धाःसा जिमित बांलाःगु ज्‍या जक याये मास्‍ति वः।

हिब्रू 13:5

छिमिगु जीवनय् धिबायागु लोभं तापाक च्‍वँ। थःके गुलि दु उलिं हे लुधंका च्‍वँ। परमेश्‍वरं धयादीगु दु – “जिं छिमित गुबलें त्‍वःते मखु, जिं छिमित गुबलें त्‍यागय् याये नं मखु।”

याकूब 3:13

छिमिथाय् परमेश्‍वरयागु वचन स्‍यने फुम्‍ह सुं बुद्धि दुम्‍ह मनू दु धयागु जूसा वं तःधं मजुसे बांलाःगु चालचलनयाम्‍ह जुयाः बांलाक ज्‍या यानाः क्‍यँ।

१ पत्रुस 2:15

छिमिसं थथे भिंगु ज्‍या याना हे छुं मस्‍यूपिं मूर्खतय्‌गु म्‍हुतुप्‍वाः तिके फयेमा धयागु परमेश्‍वरयागु इच्‍छा खः।

१ पत्रुस 3:16

थथे लिसः बीबलय् हनाबना तयाः, मिजासं नुगः यचुकाः नवा। थज्‍याःगु भिंगु चालचलनं यानाः छिमित बांमलाका व ब्‍वः बिया च्‍वंपिं मनूत थः हे लज्‍या चाये माली।

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।

२ पत्रुस 3:11

थथे फुक्‍कं नाश जुया वनीगुलिं छिपिं गज्‍याःपिं मनूत जुयाः म्‍वानाच्‍वनेमाः? छिमिसं पवित्र जुयाः, थःत परमेश्‍वरयात देछायाः म्‍वानाच्‍वनेमाः।

रुथया सफू 3:14

अले रूथ वयागु तुतिया लिक्‍क ग्‍वारातुलाच्‍वन। मनू म्‍हसीके मफइगु इलय् हे व दन अले बोअजं धाल, “छम्‍ह मिसाम्‍ह थन खलय् वःगु दु धकाः सुनानं मसीमाः।”