१ पत्रुस 1:4 - नेवाः बाइबल

⁴ परमेश्‍वरं वय्‌कःया मनूतय्‌त स्‍वर्गय् गुबलें आशां मद्याइगु, न्‍हना मवनीगु, फुना मवनीगु सम्‍पत्ति तयादीगु दु।

१ पत्रुस 1:4 ပူးပေါင်းရင်းမြစ်များ

भजनसंग्रहया सफू 31:19

छिगु भय काइपिनिगु निंतिं छिं तयातयादीगु भिंगु खँ गुलि तःधं। अले थःगु शरणय् वइपिन्‍त सकसिगुं न्‍ह्यःने माक्‍व बियादी।

भजनसंग्रहया सफू 47:4

वय्‌कलं झीगु लागि सर्बय ल्‍ययादिल। अले थ्‍व वय्‌कःया यःपिनिगु निंतिं गर्वया खँ खः। सेला

यशैया 66:22

“गथे न्‍हूगु आकाश व न्‍हूगु पृथ्‍वी जिं दय्‌के, उपिं जिगु न्‍ह्यःने दयाच्‍वनी,” परमप्रभुं धयादी। “थुकथं छिमिगु नां व छिमि सन्‍तान ल्‍यनाच्‍वनी।

इजकिएल 47:12

खुसिया सिथय् निखेंपाखे थीथी कथंयागु फलयागु सिमात बुया वइ। उमिगु हः सुकूगनावनी मखु। उमिगु फल गुबलें फुइ मखु। उमिसं फुक्‍क लाय् हे फल बी, छाय्‌धाःसा उमित प्‍याकिगु लः पवित्र थासं न्‍ह्याइगु खः। उमिगु फल नयेत व उमिगु हः ल्‍वय् लाय्‌केत जुइ।”

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

मर्कूस 10:17

अनं येशू लँय् झाया च्‍वंबलय् छम्‍ह मनुखं ब्‍वाँय् ब्‍वाँय् वयाः वय्‌कःया न्‍ह्यःने पुलिं चुयाः थथे धकाः न्‍यन – “भिंम्‍ह गुरुजु, छु ज्‍या याःसा जितः अनन्‍त जीवन दइ?”

प्रेरित 20:32

“आः जिं छिकपिन्‍त परमेश्‍वरया ल्‍हातय् व वय्‌कःया दया मायां जाःगु वचनय् त्‍वःताच्‍वना। वय्‌कलं हे छिकपिन्‍त विश्‍वासय् बल्‍लाकादी, अले यक्‍व आशिष बियादी।

प्रेरित 26:18

इमिगु मिखा चाय्‌का बीत, इमित खिउँथासं जलय् हयेत, अथे हे जितः विश्‍वास याकाः पाप क्षमा याकेत, शैतानपाखें लिगनाः परमेश्‍वरयाथाय् पवित्र याके हयेत जिं छन्‍त इमिथाय् छ्वयाच्‍वना।’”

रोमी 8:17

थथे झीपिं परमेश्‍वरया सन्‍तान खःसा झीपिं हक दुपिं नं जुल। परमेश्‍वरया हक दुपिं व ख्रीष्‍टनापं पूरा हक दुपिं झीपिं नं खत। वय्‌कः नाप दुःख सिल धाःसा झीपिं नं वय्‌कःनापं तुं तःधनी।

१ कोरिन्‍थी 9:25

न्‍ह्यागु कासाय् ब्‍वति काइपिं मनूतय्‌सं न्‍हापा लाकाः नाश जुया वनीगु सिरपाः कायेत न्‍हियान्‍हिथं कुतः यानाच्‍वनी। अथे हे झीसं नं नाश जुया मवनीगु सिरपाः कायेत कुतः याये।

गलाती 3:18

परमेश्‍वरं बी धयादीगु आशिष व्‍यवस्‍था मानय् यानाः दइगु खःसा ला थ्‍व परमेश्‍वरया बाचा हे मजुल। परमेश्‍वरं अब्राहामयात बाचा यानाः आशिष बियादीगु खः।

एफिसी 1:11

परमेश्‍वरं थ्‍व फुक्‍क न्‍हापा हे क्‍वःछिना तःकथं यानादीगु खः। वय्‌कलं झीत न्‍हापांनिसें हे ख्रीष्‍टनाप मिलय् यानाः थः मनू यायेत ल्‍ययादीगु खः।

एफिसी 1:14

परमेश्‍वरं बी धकाः धयादीगु झीत नं दइ, अले वय्‌कःया थः मनूतय्‌त पापं छुतय् यानादी धयागु दसिकथं झीत पवित्र आत्‍मा बियातःगु खः। झीसं वय्‌कःयात तःधंके।

एफिसी 1:18

परमेश्‍वरयागु ज्‍याखँ फुक्‍कं थुइके फय्‌केत छिमिगु नुगः चाय्‌कादिसँ धकाः नं जिं प्रार्थना यानाच्‍वनागु दु। अले छु आशायागु निंतिं वय्‌कलं छिमित सःतादीगु खः व वय्‌कलं थः मनूतय्‌त छु छु आशिष बियादी धकाः धयादीगु खः, छिमिसं सी।

कलस्‍सी 1:12

परमेश्‍वरयात दुनुगलंनिसें सुभाय् ब्‍यु, छाय्‌धाःसा वय्‌कलं थः मनूतय्‌त तयादीगु जःयागु राज्‍यय् छिमित नं दुथ्‍याकादीगु दु।

कलस्‍सी 1:5

छिमिगु निंतिं स्‍वर्गय् तयादीगु आशाया निंतिं हे विश्‍वास व माया यानागु खः। अले सत्‍यगु वचन व भिंगु खँ न्‍यंकः वयाबलय् छिमिसं अनन्‍त जीवन दइ धयागु खँय् आशा याःगु दु।

कलस्‍सी 3:24

छाय्‌धाःसा छिमिसं प्रभुं बी धयादीगु सिरपाः छिमित दइ धकाः सि हे स्‍यू। प्रभु येशू ख्रीष्‍ट हे छिमि मालिक खः।

२ तिमोथी 4:8

आः ला धर्मी ठहरय् जूपिन्‍त धकाः तयातःगु श्रीपेच जक काये ल्‍यंदनि, गुगु सुयागुं ख्‍वाः मस्‍वसे न्‍याय यानादीम्‍ह प्रभुं झायाः पुइकादी। जितः जक मखु, वय्‌कः झाइगु यःपिं फुक्‍कसितं वय्‌कलं व श्रीपेच पुइकादी।

हिब्रू 10:34

झ्‍यालखानाय् लाःपिन्‍त छिमिसं दयामाया यानाः ग्‍वाहालि यात, अले हानं छिमिगु सम्‍पत्ति लुतय् यानाकाःसां छिपिं लय्‌ताया हे च्‍वन, छाय्‌धाःसा छिमिके सदां दयाच्‍वनीगु दक्‍वसिबय् तःधंगु सम्‍पत्ति दु धकाः छिमिसं स्‍यू।

हिब्रू 9:15

परमेश्‍वरं बी धकाः धयादीगु सदां दयाच्‍वनीगु आशिष वय्‌कःया ल्‍ययातःपिं मनूतय्‌सं काये दयेमा धकाः थथे न्‍हूगु बाचा चिनाः ख्रीष्‍ट परमेश्‍वर व मनूतय्‌गु दथुइ च्‍वनादीगु खः। न्‍हापांगु बाचाय् मनूतय्‌सं याःगु अपराधं आः छुत्‍कारा दइ, छाय्‌धाःसा थ्‍व हे ज्‍याया लागि वय्‌कः सिनादी धुंकल।

याकूब 1:11

निभालं यानाः घाँय् फुक्‍कं गनावनी, स्‍वां झ्‍वाः जुयाः हायावनी। अले छतिं बांलाइ मखु। उकथं हे तःमिम्‍ह मनू नं छन्‍हु सिनावनी।

१ पत्रुस 3:9

सुनानं छिमित स्‍यंकल धाःसा वयात स्‍यंके मते। बांमलाकल धाःसा बांमलाके मते, बरु उकिया पलेसा आशिष ब्‍यु, छाय्‌धाःसा परमेश्‍वरं छिमित आशिष बीत सःतादीगु खः।

१ पत्रुस 5:4

अले लिपा मूलम्‍ह फैजवाः येशू ख्रीष्‍ट झाइबलय् छिमिसं गुबलें नाश जुइ मखुगु श्रीपेच कायेखनी।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।