१ पत्रुस 1:3 - नेवाः बाइबल

³ झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

१ पत्रुस 1:3 ပူးပေါင်းရင်းမြစ်များ

१ राजा 8:15

अले वं धाल, “परमप्रभु इस्राएलया परमेश्‍वरया प्रशंसा जुइमा! वय्‌कलं जिमि बाः दाऊदयात थ्‍व बचं बियादीगु खः अले व पूरा नं यानादीगु दु।

१ इतिहास 29:20

अनंलि दाऊदं मनूतय्‌त धाल, “परमप्रभु छिमि परमेश्‍वरया प्रशंसा या।” अले सकल मनूतय्‌सं परमप्रभु थः पुर्खाया परमेश्‍वरयात प्रशंसा यात अले परमप्रभु व जुजुयात हनाबना बीत बँय् तक छ्यं क्‍वछुकल।

२ इतिहास 31:8

हिजकिया व वया भारदारत अन वःबलय् इमिसं मुंकातःगु द्वँ खन। अले इमिसं परमप्रभुयात व वय्‌कःया प्रजा इस्राएलया मनूतय्‌त धन्‍य धाल।

भजनसंग्रहया सफू 41:13

परमप्रभु, इस्राएलया परमेश्‍वरया प्रशंसा या। आः, अले न्‍ह्याबलें। आमेन! आमेन!

भजनसंग्रहया सफू 86:15

तर परमप्रभु, छि दयादुम्‍ह, माया यानादीम्‍ह परमेश्‍वर खः। छि तंचायेत लिबाकादीम्‍ह, सदां दया माया यानादीम्‍ह व तसकं विश्‍वास याये बहःम्‍ह खः।

भजनसंग्रहया सफू 86:5

हे परमप्रभु, छि भिंम्‍ह व क्षमा बियादीम्‍ह खः। अले गुलिसिनं ग्‍वाहालिया लागि छितः इनाप याइ, इपिं सकसितं छिं सदां दया माया यानादी।

प्रस्‍थान 34:6

अनंलि परमप्रभु वया न्‍ह्यःने झायाः थथे धकाः धयादिल, “परमप्रभु, परमप्रभु दयादुम्‍ह, सदां दयामाया यानादीम्‍ह, तंचायेत लिबाकादीम्‍ह व तसकं विश्‍वास याये बहःम्‍ह खः।

यशैया 26:19

छिकपिनि सिनावनेधुंकूपिं मनूत हाकनं म्‍वाना वइ। इमिगु म्‍ह म्‍वानाः दना वइ। थथःगु सीगालय् द्यनाच्‍वंपिं फुक्‍कं दना वइ अले लसतां म्‍ये हाली। तसकं थीगु सुतिं बँयात बांलाःकु थें परमप्रभुं न्‍हापा सिनावंपिन्‍त हाकनं म्‍वाकादी।

योना 4:2

वं परमप्रभुयात धाल, “प्रभु, जिं थःगु देश त्‍वःते न्‍ह्यः थ्‍व हे खँ धयागु मखु ला? उकिं हे ला जि तार्शीशपाखे बिस्‍युं वनेत्‍यनागु खः। छि दया माया दीम्‍ह, तंचायेत लिबाकादीम्‍ह, नुगः क्‍यातुम्‍ह व सजाँय बी मयःम्‍ह खः धकाः जिं स्‍यू।

यूहन्‍ना 1:13

थुपिं मनूतय्‌पाखें बुइका तःपिं मखु, बरु परमेश्‍वरं बुइका तःपिं परमेश्‍वरया सन्‍तान खः।

रोमी 12:12

छिमिके तःधंगु आशा दुगुलिं लय्‌ताया च्‍वँ। दुःखकष्‍ट जूसां सहयाना च्‍वँ। प्रार्थना यायेगु गुबलें त्‍वःते मते।

रोमी 15:13

छिमिसं विश्‍वास याःगुलिं भरोसा याये बहःम्‍ह परमेश्‍वरं छिमिगु नुगलय् आनन्‍द व शान्‍ति जाय्‌कादीमा। थुकथं पवित्र आत्‍मायागु शक्तिं छिमिगु आशा व भरोसा अप्‍वः दयावनेमा।

रोमी 4:25

झीत पापं छुतय् यायेत येशूयात स्‍याकेत लःल्‍हानादिल, अले झीत धर्मी ठहरय् यायेत हानं म्‍वाकादिल।

रोमी 5:10

झीपिं परमेश्‍वरया शत्रु जूबलय् हे वय्‌कःया काय् झीगु पलेसाय् सिनाः झीत वय्‌कः नाप मिलय् यानादिल धाःसा वय्‌कलं हे झीत गुलि जक अप्‍वः बचय् याना तइगु जुइ।

रोमी 8:11

सी धुंकूम्‍ह येशूयात म्‍वाकादीम्‍ह परमेश्‍वरया आत्‍मा छिमिके दुसा ख्रीष्‍ट येशूयात सीगुपाखें म्‍वाकादीम्‍हय्‌सिनं छिमिगु सीमाःगु शरीरयात नं म्‍वाकादी।

रोमी 8:24

थ्‍व हे आशा यानाच्‍वनेत ला खः नि, झीत अनन्‍त जीवन बियादीगु। खनेदुगु आशा ला आशा हे मखु। खने दुगुयागु सुनानं आशा याइ ला?

१ कोरिन्‍थी 13:13

अय्‌जूसां विश्‍वास, आशा व माया, थुपिं स्‍वता धाःसा दया हे च्‍वनी, तर उपिं मध्‍ये दकलय् तःधंगु ला माया खः।

१ कोरिन्‍थी 15:20

सीम्‍ह ख्रीष्‍ट हानं म्‍वानावःगु खँ सत्‍य खः। अय्‌जूगुलिं सीपिं हानं म्‍वाकीतिनि धयागु खँ नं सत्‍य खः धकाः थुकिं हे सीदत।

२ कोरिन्‍थी 1:3

झी प्रभु येशू ख्रीष्‍टया परमेश्‍वर व बाःयात झीसं सुभाय् बी हे माः। वय्‌कः दया माया दुम्‍ह व फुक्‍क कथंया सान्‍त्‍वना बियादीम्‍ह परमेश्‍वर खः।

गलाती 6:16

थथे न्‍हूपिं जुयाः म्‍वानाच्‍वंपिं धात्‍थेंयापिं इस्राएलीतय्‌त परमेश्‍वरं दया व शान्‍ति बियादीमा।

एफिसी 1:17

ज्ञान बीम्‍ह व परमेश्‍वरयात म्‍हसीका बीम्‍ह पवित्र आत्‍मा छिमित बियादीमा धकाः जिं दकलय् तःधंम्‍ह व येशू ख्रीष्‍टया बाः परमेश्‍वरयाके फ्‍वनाच्‍वना।

एफिसी 1:3

ख्रीष्‍टयात विश्‍वास यानागुलिं परमेश्‍वरं झीत स्‍वर्गयागु फुक्‍क आशिष बियादीगुलिं झी प्रभु येशू ख्रीष्‍टया बाः परमेश्‍वरयात तःधंकेमाः।

एफिसी 1:7

ख्रीष्‍ट येशूं हि हाय्‌कादीगुलिं झीगु पाप क्षमा जुल। अले झीत छुत्‍कारा बियादिल। परमेश्‍वरयागु दया माया गुलि तःधं!

एफिसी 2:4

अय्‌नं परमेश्‍वरं झीत तसकं तःधंगु दया माया क्‍यनादीगु दु।

एफिसी 3:20

झीत बियादीगु शक्तिं झीसं फ्‍वनागु स्‍वयाः नं अप्‍वः अले मनय् तयागु स्‍वयाः नं अप्‍वः बी फुम्‍ह परमेश्‍वर

कलस्‍सी 1:23

उकिं छिमिसं भिंगु खँयागु आशा मत्‍वःतुसे दुनुगलंनिसें क्‍वात्तुक विश्‍वास याना च्‍वँ। थ्‍व हे भिंगु खँ संसारय् च्‍वंपिं फुक्‍कसितं न्‍यंकूगु दु। थ्‍व ज्‍याय् प्रभुं जि पावलयात च्‍यः यानादीगु खः।

कलस्‍सी 1:27

थथे व गुप्‍ति खँ मनूतय्‌त ध्‍वाथुइकादीगु परमेश्‍वरया ग्‍वसाः खः। अले गुप्‍ति खँ थ्‍व हे खः – “ख्रीष्‍ट छिपिं यहूदीमखुपिन्‍के नं दी। अले परमेश्‍वरलिसे छिपिं नं तःधनी।”

१ थेसलोनिकी 1:3

परमेश्‍वर बाःया न्‍ह्यःने छिमिसं विश्‍वास याःथें ज्‍या यानाच्‍वंगु, थःथवय् माया यानाः अज्‍ज अप्‍वः मन तयाः प्रभुया ज्‍या यानाच्‍वंगु व आशा मत्‍वःतुसे प्रभु येशू ख्रीष्‍टयात क्‍वात्तुक विश्‍वास यानाच्‍वंगु खँ जिमिसं लुमंकाच्‍वनागु दु।

१ थेसलोनिकी 4:13

दाजुकिजापिं, सी धुंकूपिं विश्‍वासीतय्‌गु खँ नं छिमित कने। आशा मदुपिं मनूतय्‌सं थें छिमिसं नुगः मछिंके मते।

२ थेसलोनिकी 2:16

प्रभु येशू ख्रीष्‍टं हे व झीत माया यानादीम्‍ह व दया माया याना गुबलें सिना मवनीगु साहस व भिंगु आशा बियादीम्‍ह परमेश्‍वर बाःनं

१ तिमोथी 1:14

ख्रीष्‍ट येशूयात यानागु विश्‍वास व मायां यानाः वय्‌कलं जितः तसकं दया यानादिल।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

हिब्रू 3:6

ख्रीष्‍ट धाःसा परमेश्‍वरयागु छेँय् अधिकार दुम्‍ह काय् थें विश्‍वास याये बहःम्‍ह जुयादिल। झीसं आशा याना थें उत्‍थें साहस व भरोसा तयाच्‍वन धाःसा झीपिं हे परमेश्‍वरया छेँ जुइ।

याकूब 1:18

वय्‌कलं सृष्‍टि यानादीगु मध्‍ये न्‍हापांगु फल झीपिं जुइ फयेमा धकाः सत्‍य वचनपाखें झीत थःम्‍हं ल्‍ययादीगु खः।

१ पत्रुस 1:13

अथे जूगुलिं छिमिसं थःगु मन थातय् लाकाः होश‍ यानाच्‍वँ। येशू ख्रीष्‍ट झायादीबलय् बी तिनिगु परमेश्‍वरयागु आशिषय् पूरा भरोसा तया च्‍वँ।

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।

१ पत्रुस 1:23

छिपिं आः नाश जुयावनीपिं मांबौनं बुइकूपिं मखु, बरु परमेश्‍वरयागु गुबलें नाश जुया मवनीगु वचनं बूपिं खः।

१ पत्रुस 2:2

नकतिनि बूम्‍ह मचां त्‍वनेगु शुद्ध आत्‍मिक दुरुया इच्‍छा याःथें छिमिसं नं परमेश्‍वरयागु वचन ब्‍वनेगु इच्‍छा या। अले तिनि छिपिं ब्‍वलनाः मुक्तिया निंतिं न्‍ह्यज्‍याये फइ।

१ पत्रुस 3:15

दुनुगलंनिसें ख्रीष्‍टयात छिमिसं “प्रभु” धकाः मानय् याना च्‍वँ। छिमिसं याना जूगु आशायागु खँ सुनानं न्‍यं वल धाःसा छिपिं लिसः बीत न्‍ह्याबलें न्‍ह्यचिला च्‍वँ।

१ पत्रुस 3:21

थ्‍व आः छिमित बचय् याइगु लःया बप्‍तिस्‍माया चिं खः। थ्‍व म्‍हया खिति सिला छ्वयेगु थें मखु, बरु यचुगु नुगलं परमेश्‍वरया अधीनय् जुइगु खः। ख्रीष्‍ट सिनाः म्‍वाना वःगुलिं झीपिं बचय् जुइ।

१ पत्रुस 3:5

परमेश्‍वरयात विश्‍वास याइपिं न्‍हापायापिं मिसातय्‌सं नं भाःतं धाःथें च्‍वनाः थःत थुकथं हे बांलाका जूगु खः।

१ यूहन्‍ना 2:29

ख्रीष्‍ट भिंम्‍ह खः धकाः छिमिसं स्‍यू। अय्‌जूगुलिं छिमिसं भिंगु बांलाःगु जक यानाजुइपिं मनूत परमेश्‍वरया सन्‍तान खः धकाः सीकाति।

१ यूहन्‍ना 3:3

थथे ख्रीष्‍टयाके आशा यानाच्‍वंपिं वय्‌कः थें पवित्र जुयाः च्‍वनेमाः।

१ यूहन्‍ना 3:9

परमेश्‍वरयापाखें बूम्‍हय्‌सिनं पाप यानां तुं च्‍वनी मखु, छाय्‌धाःसा इपिं वय्‌कः थें जुइ। अले वय्‌कः हे इमि बाः जूगुलिं नं इमिसं पाप यानां तुं च्‍वने फइ मखु।

१ यूहन्‍ना 4:7

यःपिं दाजुकिजापिं, झी थःथवय् माया यानाच्‍वनेमाः, छाय्‌धाःसा माया धयागु परमेश्‍वरपाखें वःगु खः। अय्‌जूगुलिं माया यानाजुइम्‍ह मनुखं वय्‌कःयात बांलाक म्‍हस्‍यू, उकिं थज्‍याःपिं मनूत वय्‌कःया सन्‍तान खः।

१ यूहन्‍ना 5:1

येशूयात मुक्ति बीम्‍ह ख्रीष्‍ट खः धकाः विश्‍वास याना जूपिं मनूत परमेश्‍वरया सन्‍तान खः। परमेश्‍वर बाःयात माया याइम्‍हय्‌सिनं वय्‌कःया काय्‌यात नं माया याइ।

१ यूहन्‍ना 5:18

परमेश्‍वरया सन्‍तानतय्‌सं पाप यानां तुं च्‍वनी मखु। वय्‌कःया काय्‌नं अज्‍याःम्‍ह मनूयात शैतानं थी मफय्‌क बचय् यानातयादी।

१ यूहन्‍ना 5:4

वय्‌कःया सन्‍तानतय्‌सं थ्‍व संसारयात बुकी। वय्‌कःयात विश्‍वास यानागुलिं झीसं संसारयात त्‍याके फइ।