१ पत्रुस 1:24 - नेवाः बाइबल

²⁴ धर्मशास्‍त्रय् थथे च्‍वयातःगु दु – “फुक्‍क मनूत घाँय् थें खः। न्‍ह्याक्‍व बांलाकूसां इपिं स्‍वां थें खः। घाँय् सिनावनी, स्‍वां हायावनी।

१ पत्रुस 1:24 ပူးပေါင်းရင်းမြစ်များ

२ राजा 19:26

उकिं अन च्‍वंपिं कमजोर जूगु दु। इपिं निराश जुयाः लज्‍या चाःगु दु। इपिं ख्‍यःया घाँय् थें, क्‍यातूगु घाँय् थें, छेँया पलिइ बुयावःगु ताहाक जुइ न्‍ह्यः हे गनावनीगु घाँय् थें जूगु दु।

अय्‍यूब 14:2

व स्‍वां थें ह्वइ, अले गनाः सुकूचिनावनी। व किचः थें तनावनी, दयाच्‍वनी मखु।

भजनसंग्रहया सफू 102:4

जिगु नुगः घाँय् थें सुकूगनावंगु दु, जितः नये मास्‍ति मवः।

भजनसंग्रहया सफू 103:15

झी घाँय् थें जक खः, जंगली स्‍वां थें झी ह्वइ, अले झ्‍वाः जुइ।

भजनसंग्रहया सफू 129:6

इपिं छेँया पलिइ दुगु घाँय् थें जुइमा गुगु ताहाकः जुइ न्‍ह्यः हे गनावनी।

भजनसंग्रहया सफू 37:2

घाँय् थें इपिं याकनं गनावनी, स्‍वां थें इपिं याकनं झ्‍वाः जुयावनी।

भजनसंग्रहया सफू 39:6

मनूत ला किचः थें हे थुखे उखे जुइ। इमिगु ज्‍याया छुं हे मू मदु। इमिसं धन-सम्‍पत्ति मुंकी, तर सुनां काइ धकाः इमिसं मस्‍यू।

भजनसंग्रहया सफू 90:5

बाः वःगु लखं थें छिं मनूतय्‌त चुइकायंकादी, इपिं म्‍हगस थें खः, इपिं सुथय् बुयावइगु घाँय् थें खः।

भजनसंग्रहया सफू 92:7

दुष्‍ट मनूत घाँय् थें थाहां वयेफु, दुष्‍ट ज्‍या याइपिनिगु भिं जुइफु, तर इपिं सदांया लागि नाश जुयावनी।

यशैया 51:12

“छिमित सान्‍त्‍वना बीम्‍ह जि हे खः। सीनावनीपिं मनूतपाखें, घाँय् थें गनावनीपिं मनूतय् सन्‍तान खनाः छ छाय् ग्‍याये माःगु?

मत्ती 6:30

थौं बुयाः कन्‍हय् हे झ्‍वाः जुयावनीगु घाँय्‌यात ला परमेश्‍वरं थुलि समाः यानातयादी धाःसा वय्‌कलं छिमित पुनेत वसः बियामदी ला? विश्‍वास मगाःपिं, छिमिसं गथे क्‍वात्तुक विश्‍वास याये मफुगु?

याकूब 4:14

कन्‍हय् छु जुइ धकाः छिमिसं छुं नं मस्‍यू। छिमिगु जीवन छु हे खः धकाः? छिमिगु जिन्‍दगी खसु थें खः। छुं ई तक खने दइ, अले हानं तनावनी।

१ यूहन्‍ना 2:17

थ्‍व संसार व थ्‍व संसारय् च्‍वंगु मनूतय्‌सं यय्‌का जुइगु नं फुक्‍कं मदया वनीतिनि। तर परमेश्‍वरयागु इच्‍छा कथं जुइम्‍ह मनू न्‍ह्याबलें दयाच्‍वनी।