१ पत्रुस 1:21 - नेवाः बाइबल

²¹ वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।

१ पत्रुस 1:21 ပူးပေါင်းရင်းမြစ်များ

भजनसंग्रहया सफू 42:5

जिगु नुगः छाय् थपाय्‌सक क्‍वतुंगु? जि छाय् थपाय्‌सकं नुगः मछिंगु? जिं अज्‍ज नं परमेश्‍वरयाके आशा तयाः वय्‌कःयात, जितः बचय् याइम्‍हय्‌सित तःधंके।

यर्मिया 17:7

“धन्‍य खः व मनू, गुम्‍हय्‌सिनं परमप्रभुयागु भलसा काइ, गुम्‍हय्‌सिगु आशा परमप्रभु खः।

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

यूहन्‍ना 12:44

येशूं तस्‍सलं धयादिल – “जितः विश्‍वास याःपिन्‍सं जितः जक विश्‍वास याःगु मखु, बरु जितः छ्वया हयादीम्‍हय्‌सित विश्‍वास याःगु खः।

यूहन्‍ना 14:1

“छिमिसं नुगः मछिंके मते, परमेश्‍वरयात विश्‍वास याःथें जितः नं विश्‍वास या।

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 17:1

थुलि धयादी धुंकाः येशूं स्‍वर्गय् थस्‍वयाः धयादिल – “बाः, ई वये धुंकल, छि काय्‌यात तःधंकादिसँ, अले काय्‌नं नं छितः तःधंकी।

यूहन्‍ना 17:24

“बाः, संसार मदुनिबलय् निसें छिं जितः माया यानाः तःधंकादीगु खँ इमिसं थुइके फयेमा, अले जि गन दु, इपिं नं जि लिसे हे दयेमा धयागु जिगु इच्‍छा खः।

यूहन्‍ना 17:5

बाः, गथे संसार दये न्‍ह्यः छिलिसे दुबलय् छिं जितः तःधंकादिल, आः नं अथे हे तःधंकादिसँ।”

यूहन्‍ना 3:34

परमेश्‍वरं छ्वया हःम्‍हय्‌सिनं हे जक परमेश्‍वरयागु वचन नवाइ, छाय्‌धाःसा वय्‌कःयात पवित्र आत्‍मां जाय्‌कादीगु दु।

प्रेरित 2:24

अय्‌नं परमेश्‍वरं वय्‌कःयात कालयागु पन्‍जां त्‍वःतकाः म्‍वाकादिल। वय्‌कःयात कालं ज्‍वना तयेगु ला जुइ हे फइ मखुगु खँ खः।

प्रेरित 3:13

झी तापाःबाज्‍यापिं अब्राहाम, इसहाक व याकूबया परमेश्‍वरं वय्‌कःया सेवक येशूयात तःधंकादिल। न्‍हापा थ्‍व हे येशूयात छिकपिन्‍सं ज्‍वंकल। अले पिलातसं त्‍वःतेत्‍यंबलय् त्‍वःतके मब्‍यूसे स्‍याये यंकि धकाः धाल।

प्रेरित 3:15

छिकपिन्‍सं जीवन बीम्‍हय्‌सित स्‍याना छ्वःसां परमेश्‍वरं वय्‌कःयात हानं म्‍वाकादिल। जिपिं थ्‍वया साक्षी खः।

प्रेरित 4:10

का सा, छिकपिं व इस्राएली मनूत फुक्‍कसिनं बांलाक न्‍यनादिसँ – नासरतयाम्‍ह येशू ख्रीष्‍टयात छिकपिन्‍सं क्रूसय् यख्‍खानाः स्‍यात, अय्‌नं परमेश्‍वरं सीम्‍हय्‌सित हानं म्‍वाकादिल। थ्‍व हे येशू ख्रीष्‍टयागु नामं थ्‍व मनू छिकपिनिगु न्‍ह्यःने थथे लनाः दनाच्‍वने फुगु खः।

रोमी 10:9

येशू हे प्रभु खः धकाः छिमिगु म्‍हुतुं धाल धाःसा व सीम्‍ह येशूयात परमेश्‍वरं म्‍वाकादीगु खः धकाः विश्‍वास याःसा छिमिगु उद्धार जुइ।

रोमी 4:24

झी प्रभु येशू सी धुंकूसां हानं म्‍वाका दीम्‍हय्‌सित विश्‍वास यानाच्‍वनागुलिं झीत नं धर्मी ठहरय् यानादी।

२ कोरिन्‍थी 6:15

अथे हे ख्रीष्‍ट व शैतान नं मिलय् जुइ फइ ला? अले ख्रीष्‍टयात विश्‍वास याइपिं मनूत व विश्‍वास मयाइपिं मनूत मिलय् जुइ फइ ला?

एफिसी 1:15

छिमिसं येशू ख्रीष्‍टयात क्‍वात्तुक विश्‍वास यानाच्‍वंगु व फुक्‍क विश्‍वासीतय्‌त दया माया यानाच्‍वंगु खँ न्‍यनाः

कलस्‍सी 1:27

थथे व गुप्‍ति खँ मनूतय्‌त ध्‍वाथुइकादीगु परमेश्‍वरया ग्‍वसाः खः। अले गुप्‍ति खँ थ्‍व हे खः – “ख्रीष्‍ट छिपिं यहूदीमखुपिन्‍के नं दी। अले परमेश्‍वरलिसे छिपिं नं तःधनी।”

१ तिमोथी 1:1

मुक्ति बियादीम्‍ह परमेश्‍वरया उजंकथं आशा बियादीम्‍ह येशू ख्रीष्‍टया प्रेरित जुयाम्‍ह जि पावलयापाखें

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

हिब्रू 2:9

अथेसां झीसं वय्‌कःयात थुकथं हे खनाच्‍वना, गुम्‍हय्‌सित छुं ईया लागि स्‍वर्गदूतत स्‍वयाः भचा चिधं यानादीगु खः। अले परमेश्‍वरयागु दया मायां यानाः वय्‌कः फुक्‍क मनूतय्‌गु निंतिं सिनादिल। थथे सिनादीगुलिं वय्‌कःयात तःधंकाः च्‍वय् तयादिल।

हिब्रू 6:1

अय्‌जूगुलिं ख्रीष्‍टयागु न्‍ह्यखँ जक सय्‌का च्‍वनेगु त्‍वःताः मेमेगु दुग्‍यंगु व ततःधंगु खँ नं सीकेमाः। मखुगु, मभिंगु व परमेश्‍वरयात मयःगु ज्‍याखँ यायेगु त्‍वःताः पश्‍चाताप यायेगु, वय्‌कःयात विश्‍वास यानाच्‍वनेगु,

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।

१ पत्रुस 1:11

ख्रीष्‍टयागु आत्‍मां इमित ख्रीष्‍टं दुःखकष्‍ट फयेमाली, अले हानं तसकं तःधनी धकाः धाःगु खँ अगमवक्तातय्‌सं गुबलय् व गुकथं जुइ धकाः सीकेत स्‍वःगु खः।

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

१ पत्रुस 3:22

वय्‌कः स्‍वर्गय् झायाः परमेश्‍वरया जवय् च्‍वनादीगु दु। अधिकार दुपिं, शक्ति दुपिं, व स्‍वर्गदूतत फुक्‍कं वय्‌कःया ल्‍हातय् दु।