१ पत्रुस 1:17 - नेवाः बाइबल

¹⁷ प्रार्थना याइबलय् छिमिसं परमेश्‍वरयात बाः धकाः धयाजुल। अय्‌नं वय्‌कः ख्‍वाः स्‍वयाः मखु, बरु मनूतय्‌सं याःगु ज्‍याकथं न्‍याय यानादीम्‍ह खः। उकिं छिमिसं थ्‍व संसारय् परदेशी जुया च्‍वंतले वय्‌कःयात मानय् याना च्‍वँ।

१ पत्रुस 1:17 ပူးပေါင်းရင်းမြစ်များ

उत्‍पत्ति 47:9

याकूबं धाल, “जि आः उखेंथुखें जुयागु सच्‍छि व स्‍विदँ दत। जिगु थ्‍व उमेर आपाः मदुसां तसकं दुःखं जाः। जिमि बाः बाज्‍यापिं म्‍वानावंगु ति ला जिगु उमेर थ्‍यं हे मथ्‍यंनि।”

१ इतिहास 29:15

जिपिं ला जिमि पुर्खात थें कर्पिं व विदेशी खः, जिमिगु न्‍हि थ्‍व पृथ्‍वीइ किचः थें बिनावनीगु, जिमिगु निंतिं आशा हे मदु।

२ इतिहास 19:7

उकिं आः छिमिसं परमप्रभुया भय कायेमा। होसियार जुयाः थ्‍व ज्‍या या, छाय्‌धाःसा परमप्रभु छिमि परमेश्‍वरं अन्‍याय, सुयागुं पं काःगु व घुस नःगु सह यानादी मखु।”

अय्‍यूब 34:19

वय्‌कलं शासकतय्‌गु पंलिनादी मखु। वय्‌कलं गरीबतय्‌त स्‍वयाः धनितय्‌त अप्‍वः माया यानादी मखु। छाय्‌धाःसा इपिं सकसितं परमेश्‍वरं दय्‌कादीगु खः।

भजनसंग्रहया सफू 39:12

हे परमप्रभु, जिगु ख्‍वःसः न्‍यनादिसँ। जिं ग्‍वाहालिया निंतिं यानागु प्रार्थना न्‍यनादिसँ। छाय्‌धाःसा छिगु निंतिं जि नं जिमि तापाःबाज्‍यापिं थें निन्‍हुप्‍यन्‍हुया पाहां जक खः।

भजनसंग्रहया सफू 89:26

वं जितः थथे धकाः सःती, ‘छि जिमि बाः, जिमि परमेश्‍वर व जिगु उद्धारया ल्‍वहंधी खः।’

हितोपदेश 14:16

बुद्धि दुपिं मनूतय्‌सं परमप्रभुया भय काइ, अले मभिंगु ज्‍यापाखें तापाक हे च्‍वनी। मूर्खत धाःसा हरबरय् चाइपिं व न्‍ह्यागु ज्‍यां बिचाः मयासें हथासं याइपिं जुइ।

हितोपदेश 28:14

परमप्रभुया भय काइपिन्‍त आशिष दइ, अतेरि जुयाच्‍वंपिं नाश जुयावनी।

यर्मिया 3:19

“जिं मनमनं धया, “‘हे इस्राएल, जिं छिमित थः मस्‍त दय्‌केगु व छगू सुख हे सुख जुइगु, संसारया दकलय् बांलाःगु देश बीगु बिचाः यानागु खः।’ जिं छिमिसं जितः अबु धाइ, अले जिगु ल्‍यू जुइगु त्‍वःती मखु धकाः मतिइ तयागु खः।

सपन्‍याह 3:9

“उबले देश देशयापिं मनूतय्‌गु म्‍हुतुसि शुद्ध यानाबी, गुकिं यानाः इपिं फुक्‍कसिनं परमप्रभुया नां कयाः छगू हे मन जुयाः वय्‌कःयागु सेवा यायेमा।

मत्ती 16:27

आः याकनं हे परमेश्‍वरं मनूया काय्‌यात झःझः धाय्‌क स्‍वर्गदूतत नाप छ्वयाहयादी। अले वय्‌कलं छम्‍ह छम्‍ह मनूयात इमिगु ज्‍या स्‍वयाः सिरपाः बियादी।

मत्ती 22:16

इमिसं थः चेलातय्‌त हेरोदया मनूत नाप वय्‌कःयाथाय् छ्वल। इमिसं वनाः वय्‌कःयात थथे धाल – “गुरु, छि धात्‍थें भिंम्‍ह मनू खः। छिं मनूतय्‌त परमेश्‍वरयागु भिंगु लँपु जक क्‍यनादी। मनूतय्‌सं धाइ ल्‍हाइगु खँय् छिं च्‍यूताः तयामदी, छाय्‌धाःसा छिं ख्‍वाः स्‍वयाः खँ ल्‍हानामदी।

मत्ती 6:9

छिमिसं थथे प्रार्थना या – “‘हे झीम्‍ह स्‍वर्गय् च्‍वनादीम्‍ह परमेश्‍वर बाः, छिगु नां पवित्र जुइमा।

रोमी 11:20

थ्‍व खँ ला सत्‍य खः। इमिसं विश्‍वास यानाच्‍वने मफुगुलिं हे इपिं थथे त्‍वधुला वन, उकिं छिमिसं क्‍वात्तुक विश्‍वास यानाच्‍वने माल। अय्‌जूगुलिं छिपिं तःधंछुइ मते, बरु स्‍यनावनी ला धकाः ग्‍याना च्‍वँ।

२ कोरिन्‍थी 1:2

छिमित झी परमेश्‍वर बाः व प्रभु येशू ख्रीष्‍टयागु दया माया व शान्‍ति दयेमा।

२ कोरिन्‍थी 5:6

उकिं जिमित पक्‍का विश्‍वास दु। थ्‍व म्‍ह म्‍वाना च्‍वंतले प्रभुपाखें तापाना च्‍वनी धकाः जिमिसं स्‍यू।

२ कोरिन्‍थी 7:1

यःपिं दाजुकिजापिं, झीत थ्‍व बचं बियादीगुलिं म्‍ह व आत्‍मायात अशुद्ध याइगु फुक्‍क खँपाखें झीसं थःत पवित्र याये नु। अले परमेश्‍वरया भय कयाः झीसं पवित्र जुयाच्‍वनेगु कुतः याये नु।

२ कोरिन्‍थी 7:11

छिमिसं दुःख ताय्‌कूगुलिं परमेश्‍वरं छु यानादिल लुमंकी। थुकिं यानाः छिमित भिंपिं यानाबिल, द्वंबिद्वं मदु धकाः क्‍यनेत छिमित हथाय् चाय्‌कल। जिगु तमं छिमित ग्‍याकल, जितः स्‍वयेत छिमित आय्‌बुइकल। अले दोषीम्‍हय्‌सित सजाँय बीमाः धकाः मतिइ तय्‌कल। थुकिं हे छिमिके दोष मदु धयागु सीदत।

गलाती 2:6

मण्‍डलीया थकालि धयाजूपिं इपिं न्‍ह्याक्‍व हे तःधं जूसां जितः छुं मपाः। परमेश्‍वरं ख्‍वाः स्‍वयाः न्‍याय यानादी मखु। इमिसं जिगु खँयात कयाः छुं मधाः।

एफिसी 1:17

ज्ञान बीम्‍ह व परमेश्‍वरयात म्‍हसीका बीम्‍ह पवित्र आत्‍मा छिमित बियादीमा धकाः जिं दकलय् तःधंम्‍ह व येशू ख्रीष्‍टया बाः परमेश्‍वरयाके फ्‍वनाच्‍वना।

एफिसी 3:14

उकिं जिं पुलिं चुयाः परमेश्‍वर बाःयात प्रार्थना यानाच्‍वना।

एफिसी 6:9

अथे हे मालिकतय्‌सं नं दासयात ख्‍याच्‍वः बीगु याये मते, छाय्‌धाःसा दासत व इमि मालिकत फुक्‍कसियां मालिक स्‍वर्गय् दी धयागु खँ सीकाति। वय्‌कलं ख्‍वाः स्‍वयाः न्‍याय यानादी मखु।

व्‍यवस्‍था 10:17

परमप्रभु छिमि परमेश्‍वर हे ईश्‍वरतय्‌ परमेश्‍वर व प्रभुतय् नं प्रभु, अले दकलय् तःधंम्‍ह परमेश्‍वर खः। वय्‌कः ख्‍वाः स्‍वयाः ज्‍या यानामदीम्‍ह, घुस नयाःमदिम्‍ह, तःधंम्‍ह व भय कायेमाःम्‍ह परमेश्‍वर खः।

फिलिप्‍पी 2:12

यःपिं दाजुकिजापिं, जि छिपिंनाप दुबलय् छिमिसं जिगु फुक्‍क खँ न्‍यना का। अथे हे जि मदइबलय् नं झन छिमिसं जिगु खँ न्‍यनेमाः। अले भय कयाः मुक्तिया ज्‍या क्‍वचाय्‌केत मेहनत या।

कलस्‍सी 3:25

मभिंगु बांमलाःगु ज्‍या याना जूपिन्‍त सजाँय बी। प्रभुं ख्‍वाः स्‍वयाः न्‍याय यानादी मखु।

हिब्रू 12:28

अय्‌जूगुलिं संके हे फइ मखुगु राज्‍यय् दुथ्‍याकादीगुलिं झीसं परमेश्‍वरयात सुभाय् बियाः वय्‌कःयात यइपुक तःधंकाः सेवा यायेमाः।

हिब्रू 4:1

थथे झासु लंके बियादी धकाः परमेश्‍वरं पाफयादीगु झीगु निंतिं नं खः। उकिं होश या, छिपिं मध्‍ये सुं नं झासु लने मखंकाः च्‍वने म्‍वाःलेमा।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।

१ पत्रुस 3:15

दुनुगलंनिसें ख्रीष्‍टयात छिमिसं “प्रभु” धकाः मानय् याना च्‍वँ। छिमिसं याना जूगु आशायागु खँ सुनानं न्‍यं वल धाःसा छिपिं लिसः बीत न्‍ह्याबलें न्‍ह्यचिला च्‍वँ।